Kolosi 2:8 - The Keyagana NT and 25 OT books

⁸ Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

Kolosi 2:8 ပူးပေါင်းရင်းမြစ်များ

Salomoni Yokemae 2:15

Aise afela kala anagaʼmo apatafauka apanu kiyo. Fiku yanageʼa hoyatifiʼmo haiʼeʼa nofiʼmo aliʼa hosu huʼa ategae. Nofitimoʼa saufa alagamo aeʼniyaʼmofeʼmae.

Matiyu 10:17

Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 17:32

Poloʼa hunoʼaeʼmo, faliʼniyatetiʼmo ago he tiʼniye, huno hapa paiʼnigeʼa afiteʼapaeʼmo mago vayaʼamogimo huʼa faipa huʼa ateʼnageʼapaeʼmo mago vayaʼamogimo, Ani kavafeʼmo ava gemo magoʼe huta afigesune, huʼa ha paiʼnae.

Lomu 16:17

Konagaʼnimogitapae, huʼna, aliʼna he tiʼna lapatesuvafeʼmo huvanagi mago vayaʼmogi lapakaemo afiʼnaya gelefeʼmo kame huʼa ateteʼa aliʼa fako huʼa lapatege hosu kavaʼmo hisayafeʼmo lapayateʼmo alige nehaya vayaʼaifeʼmo alagepa hutapa yagaita maiʼnetapaeʼmo maitapa halove huta maiyo.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

1 Kolitiyani 8:9

Oʼmaigunaʼmofeʼmo alagepa hutapa kava yagaiyo. Hosu kavanagetapa kalavusifiʼmo oʼmaitapa afaʼa maiʼnetapaeʼmo negaune, hutapa nehaya kavaʼmoʼa lokiya oʼvaiʼnaya vayaʼmo apaiyafiʼmo hapaesigeʼapaeʼmo hosu kavapiʼmo asagauʼa aigae.

2 Kolitiyani 10:5

Lagaemo muki kame vayaʼmogi yatala noʼapimo heta vayu hulita emiteta afepi neʼatona agufa kavaʼmo huta vayaʼmogi himuʼnamu apakesamo neʼafiya kavaʼmo Gotifeʼmo kame huʼa ateteʼa geʼamo amagiʼa neʼatalaya kavatefeʼmo nofi kita neʼapatone. Lagaemo muki apakesamo neʼafiya kavaʼamo alita nofi kita apateteta Kalaisiʼmo akame hisaya kavategamo apavalelituta neʼapatone.

Galesiya 1:14

Nagaemo Yu nofi vayaʼmogi nehaya kava huʼna magoʼe huʼna huliʼna neʼuʼnaeʼmo nafaluʼnimogimo ago aeʼna apakaseʼna laginago vayaʼai gemo akame nehuʼnaeʼmo lusi kava huʼna nayamukiki huʼna maiʼnove.

Galesiya 4:3

Ani kava huta aise mafaʼnegana huta maiʼnetaeʼmo ma mopafi keʼaepa gemo afeʼalumelagamo kalavusifiʼmo maiʼnonaʼmonanafa

Galesiya 4:9

hemenimo Gotiʼa ago ageʼnae, huʼna huguvaʼmonanafa Gotiʼa lapakeʼniye, huʼna hisuva gemo haneʼniye. Lapakeʼniyaʼmofeʼmo na kava higetapaeʼmo Gotiʼa ataletapa aita atagi netapa keʼaepa gemoʼmo afaʼa lapa oʼmaeno lokiya vaino olapatesiya gemo afeʼalumelagamo maisayafeʼmo lapauʼniye. Halate kalavusi aliʼyaʼmo neʼaliya vayaʼmo maisayafeʼmo nehafiye.

Galesiya 5:15

Huno huʼniyaʼmonanafa lapakaemo afela afugana hutapa hapaege kame hutapa apatege nehisayana ehetapiye, huʼna, lapakaitapiʼeʼmo fikumo alita hano hutapa lapatalegae.

Efasasi 2:2

Ma mopafi hosu kavaʼmo akame huge ala vekamo kokuʼnaʼe mopaʼeʼmo hanetegeno folagate neʼmaiya vekamoʼmo hosu enisole vayaʼaiteʼmo yagaino neʼapateya vekamo geʼamo akame huge huʼnae. Agaemo Goti geʼamo amagiʼa neʼatalaya vayaʼai apaipafiʼmo aliʼyaʼmo neʼaliya aune vekamo maiʼniye.

Efasasi 4:20

Lapakaemo ani agufa kavaʼmo hisayafeʼmo Gotiʼa Kalaisiʼmo alino lapave oliʼniye.

Efasasi 5:6

Mani agufa hosu kavaʼmo nehayaʼmofeʼmo Goti geʼamo oʼafiʼa amagiʼa neʼatalaya vayaʼaifeʼmo aipamo leno neʼapateyanageno alagi apamagigiyaʼmofeʼmo fiku yanageʼa mago vayaʼmogi afa gemo huteʼa humi lapategae.

Filipai 3:2

Lapakaemo afela kalagana huʼa maiʼnaya vayaʼaifeʼmo ehetapiye. Apakaemo hosu aliʼyaʼmo alige apakufamo lagauʼa apateʼnaya kavatetiʼmo apakufamo aliʼa hosu huʼa apatege huʼnae.

Kolosi 2:18

Mago vayaʼmogimo amega apakufaletiʼmo apakaiʼapi apakiʼapileʼmo aliʼa afepi neʼapataya kavafeʼmo amuse huteʼa enisole vayaʼaifeʼmo mono nehae. Apakaemo kavatapimo aliʼa fako huʼa lapateteʼapaeʼmo, hosu kavaʼmo nehae, huʼa hisaya gemo oʼafiyo. Oʼageʼnaya kavaʼmo agesayafeʼmo apakaiʼapimo fikumo himuʼnamu kavaʼmo nehae. Atafa apaipafatiʼmo, ala vayaʼmo maiʼnone, huʼa fikumo apakesamo neʼafiye.

Kolosi 2:20

Lapakaemo ma mopafiʼmo hogoteʼa aepa faiʼnaya gelefeʼmo faliʼnisayaʼmoʼmo na kava higetapa ani ya oʼaliyo, ina neʼyaʼmo oʼneyo, ani yateʼmo ame oʼaliyo, huʼa nehaya gemo ma mopafi vayakana hutapa ma mopafi vayaʼai keʼaepa geʼapimo akame nehae.

Kolosi 2:22

Mani keʼaepa gemo neʼa hano hisayafeʼmo haneʼniye. Ma mopafi vayaʼai keʼaepa gemo aliʼa apaya neʼmalaya keʼaepa gegeʼmo haneʼniye.

Kolosi 2:23

Mani agufa keʼaepa gemoʼa mono hisayafeʼmo alino he tino neʼapate. Aigofe gemo huteʼa apakufamo aliʼa afepi apateteʼa apakafu kisiya yaʼmo aliʼa apakufamo amisayafeʼmo alino he tino neʼapate. Neʼapateyaʼmofeʼmo afiteta ageʼnona kavaʼmo haneʼniye, huʼa apakesamo neʼafiyaʼmonanafa mani agufa keʼaepa gemoʼmo apakufamoʼmo hauʼniya kavateʼmo yagaiʼa atesayafeʼmo hapa noʼmae.

1 Timoti 6:20

Timotiyo, huʼna, Gotiʼa yagaika atesanafeʼmo alagepa faigoko geʼamo kamiʼniya geʼaleʼmo alagepa huka yagaika ato. Mago vayaʼmogimo Gotifeʼmo mono osuʼa afa geletiʼmo Goti geʼaleʼmo huʼa aeʼa ati nekae. Mani geeʼmo ageteʼa afiʼnaya gemae, huʼa nehayaʼmonanafa aigofe geʼapimo haneʼniye.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

1 Pita 1:18

Lapakinago vayaʼai kavaʼmoʼa alagepa huno lapa oʼmaesiya agufa kavakeʼmo hogotetapa akame huʼnae. Ani agufa kavategatiʼmo ago miya faino hatu maeno lapateʼniya kavafeʼmo ava gemo ago afiʼnae. Kalaisiʼa hano hisiya yaʼmo siluva yafatetiʼmofi goli yafatetiʼmofi huno miya faino olapateʼnifa

2 Pita 3:17

Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.

2 Yoni 1:8

Alagepa miyatimo alisunafeʼmo aliʼyaʼmo aliʼnone. Fiku yanageta oʼaligunanagi alagepa hutapa yagaitapa maiyo alopa miyatimo aligune.