Kolosi 2:5 - The Keyagana NT and 25 OT books

⁵ Nagufaʼamo lapakaeʼeʼmo lokaeʼna oʼmaiʼnovaʼmonanafa nauneʼnameʼamoʼmo lapakaeʼeʼmo magokepi lokaeno maiʼnigeʼnaeʼmo lapakeʼnovana Kalaisifeʼmo lokiya vaitapa lapakesamo afita fatago nehutapaeʼmo magokepi lokaeta maiʼnageʼna lapaketeʼnaeʼmo namogaga neʼauve.

Kolosi 2:5 ပူးပေါင်းရင်းမြစ်များ

Samu 78:37

Agaetefeʼmo apaipamoʼmo kanale osuʼnigeʼa kotalake geʼamo ago amagiʼa ataleʼnae.

Samu 78:8

Apakinago vayaʼmogimo himuʼnamu kavaʼmo huteʼa geʼamo oʼafige Gotifeʼmo apakesamo afiʼa fatago osuge huteʼa ataleʼa uʼnae. Fiku yanageʼa apakaeʼeʼmo ani agufa kavaʼmo hugae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Apa 20:21

Nagaemo Yu nofi vayaʼe Galiki nofi vayaʼefeʼmo ago afiʼnova geletiʼmo huʼnaeʼmo, Gotitefeʼmo lapaipamo alita afe lege Ala kava netimo Yesu Kalaisifekeʼmo lapakesamo afita fatago huge hiyo, huʼna hapa paiʼnove.

1 Kolitiyani 11:34

Mago vayaʼamogitapamo lapaka tesigetapaeʼmo hogotetapa notapifiʼmo neʼyaʼmo neyo, Gotiʼa kavatapimo alino fako huno lapateteno kayoʼmo olapamigiye. Nagaemo lapakaetegamo uʼnaeʼmo mago alu kavaʼatapimo aliʼna api aiʼna lapategauve.

1 Kolitiyani 14:40

Alita anupa hutapa maiʼnetapaeʼmo muki kavaʼamo hisayafeʼmo alagepa kavaʼageʼmo hutetapa api kavaʼmo hiyo.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

1 Kolitiyani 16:13

Yagaitapa maiyo. Goti vayaʼamogimo apakesamo afiʼa fatago nehaya gelefeʼmo he titapa lokiya vaitapa maiyo. Alopa vayatama vayakana hutapa lokiya vaitapa maiyo.

Kolosi 2:1

Nagaemo lapakaeʼe Leyotisiya taonifiʼmo maiʼnaya vayaʼe oʼnageʼnaya vayaʼefeʼmo naipafiʼmo nahausoli huʼneʼna nayamukiki huʼna aliʼyaʼmo neʼaluva aliʼyafeʼmo nava gemo afisayafeʼmo nahauʼniye.

1 Tesaloniyani 2:17

Konagatimogitapae, huta, vayaʼmogimo aliʼa laha faitalageta lapataleta eta aise afinaʼmo laote maiʼnonaʼmonanafa lapakaefeʼmo lagesamo afita neʼmaune. Halate lapakaefeʼmo uta lapakesunafeʼmo lusi kava huno lahauʼnigeta uta lapakesuna kafeʼmo layamukiki huta kahauya nehune.

1 Tesaloniyani 3:8

Lapakaemo Ala kava nepiʼmo maiʼnetapaeʼmo oʼataleta atafautapa alagi huta maiʼnisayaʼmoʼmo alagi alagepa huta neʼmaune.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 6:19

Lavayagunagu huta agava neʼmauna yaʼmo lokiya yaʼmo afaʼa hanesiya yaʼmo haneʼniye. Aeniletiʼmo sipimo anipiʼmo aeʼa atafauʼa neʼataya yakana huno haneʼneno lagupi mafaʼnemo atafauno neʼate.

1 Pita 5:9

Gotifekeʼmo magoʼe hutapa lapakesamo afita fatago nehutapaeʼmo kame hutapa ateyo. Ago afiʼnayana lapakaemo kana yaʼmo neʼaliya kava huʼa muki ma mopafi neʼmaiya konagatapimogimo kana yaʼmo neʼaliyanagi he tita lokiya vaitapa maiyo.

Luti 1:18

Lutiʼa lusi lokiya gemo huno, uguʼae, huno ha paiʼnigenoʼaeʼmo Neyomiʼa ge osuʼniye.