Kolosi 2:2 - The Keyagana NT and 25 OT books

² Lapaipamoʼmo atete osuno lokiya vaino haneʼnisigetapa lapau lapayamopafiʼmo lapauʼnisigetapa magoke lapaipa lapakesamo alita maisayafeʼmo aliʼyaʼmo neʼaluve. Ani kavaʼmo huta maiʼnetapaeʼmo Gotiʼa hogoteno alino fala kino ateʼneno alino lapaveliʼniya vekamo Kalaisiʼmo alagepa hutapa ageta aeto hutetapa lole lapakesamo oʼafitapa lusi kava huta magoke lapakesamo afisayafeʼmo nahauʼniye.

Kolosi 2:2 ပူးပေါင်းရင်းမြစ်များ

Samu 133:1

Apakeyo, huʼna, Goti konaga vayaʼamogimo magoke apaipa apakesamo aliteʼa alagepa huʼa magokepi lokaeʼa maisaya kavaʼapimoʼmo alagepa kavaʼmo amuse hisaya kavaʼmo haneʼniye.

Aiyeya 32:17

Goti fatago kavaʼamoʼmo aliʼyaʼmo alisigeʼa vayaʼamo alagepa huʼa maisageno apaipamoʼmo falu hugiye. Fatago kavaʼmo nehaya vayaʼmogi muki afinaʼmo apaipamoʼmo falu huge muki afinaʼmo Gotiʼe vayaʼeʼmo alagepa huʼa magokepi lokaeʼa maige huteʼapaeʼmo, alagepa huta maigune, huʼa apakesamo afigae.

Aiyeya 40:1

Gotitapimoʼmo hunoʼaeʼmo, Apaipamo alita falu hiyo. He, vayaʼnimogi apaipamo alita falu hiyo.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Matiyu 11:25

Ani afinaʼmo Yesuʼa nunumuʼmo hunoʼaeʼmo, Afo, huno, Kokuʼnapiʼe ma mopafiʼeʼmo neʼyagaina Ala kava neʼmogae, huʼna, ageteʼa afiʼnaya vayaʼe sukulu huʼnaya vayaʼmogiʼeʼmo ani kavaʼmo alagi oʼagesayafeʼmo alika fala ki maleʼnanaʼmonanafa aise mafaʼne anagaʼmo alika apave liʼnanaʼmofeʼmo kahao ke nehove.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 13:11

Gotiʼa yagaino neʼapateya kavafeʼmo ava gemo aepaʼamo alino fala ki maleʼniya aepaʼamo ago lapamiʼniyaʼmonanafa apakaemo oʼapamiʼniye.

Luki 1:1

Ala vekamo Tiyofalasigamo afiyo. Mago kavaʼmo lagaetegamo ago afole aiʼnigeta alagi lagesamo afita fatago nehune. Aepa faiʼniya afinatetiʼmo mago vayaʼmogimo ageme ageme eteʼapaeʼmo ani kavafeʼmo ava gemo aeʼa hakalo huʼa hapa paiʼnae. Ani vayaʼmogimo hapa paiʼnageʼapaeʼmo asole vayaʼmogi afiteʼa amalageka huʼa ani kavafeʼmo ava gemo apaote apaote huʼa avoʼmo kaeteʼa aliʼa magokepiʼmo avoʼmo kae maleʼnae.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 10:38

Nehisuvana nagaefeʼmo alagi lama gemo nehiye, hutapa hiyo. Nagaefeʼmo lapakesa afita fatago nosayaʼmonanafa Gotiʼa nehiya agufa kavaʼmo nehisuvana Afoʼamoʼa agaepiʼmo maiʼnigeno agaemo agaepiʼmo maiʼniye, hutapa hisayafeʼmo nehuva kavafeʼmo lapakesa afita fatago hiyo, huno hapa paiʼnigeʼapaeʼmo

Yoni 16:15

Afoʼnimo muki yaʼamo nagaiʼni yaʼageʼmo haneʼniyaʼmofeʼmo ani gemo huʼnaeʼmo, Goti Aunemeʼamoʼmo ha le konali yaʼnimo alino lapave ligiye, huʼna ago lapa paiʼnove.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 5:17

Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 6:69

Hemenimo lagaemo lagesamo afita fatago huteta kageʼnonana aeto agufa vekamo Gotitegatiʼmo emikeʼnana vekamo maiʼnanageta kageʼnone, huno ha paiʼnigeno

Apa 4:32

Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

Lomu 15:13

Hemenimo Gotifeʼmo lapavayagunagu hutapa agava neʼmaiya kavaʼmo aepa vekamoʼmo magoʼe huno lapa maeno lapamisigetapa agaefeʼmo lapakesamo afita fatago nehutapaeʼmo magoʼe hutapa lapamogaga aisageno lapaipamoʼmo falu hugiye. Aote Aunemeʼamo himamuʼaletiʼmo magoʼe hutapa lapavayagunagu hutapa agava maisayafeʼmae.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

Lomu 2:4

Gotiʼa kagemi yaʼagana huno maleʼniya yapatiʼmo kagaetegamo lusi alagepa kavaʼmo huteno malage huno aipamo leno okateno yatala afinaʼmo afaʼa nekateyaʼmonanafa alagepa huka kagesa oʼafiʼneka afa kavane, huka kagesamo neʼafipiye. Gotiʼa kaipamo alika afe lesanafeʼmo kagaetegamo alagepa kavaʼmo nehiye, huka oʼafiʼnapiye.

1 Kolitiyani 14:31

Mukiʼamogitapamo Gotitegatiʼmo alisaya gemo aeta hakalo hutapa hapa paite hapa paite hugae. Hisageʼapaeʼmo mukiʼamogimo alagepa huʼa afiteʼa alige lokiya vaiʼa maige hugae.

1 Kolitiyani 2:12

Lagaemo Gotiʼa fiku laha maeno lamiʼniya yaʼmo agesunafeʼmo ma mopafi vayaʼai apauneʼapameʼmo oʼaliʼnopa Gotitegatikeʼmo Aunemeʼamo aliʼnone.

Galesiya 3:28

Kalaisipiʼmo magoke aiyaya vayaʼmo maiʼnayaʼmofeʼmo mago vayaʼmo Yu vayaʼmo maige mago vayaʼmo alu nofi vayaʼmo maige huʼnone, hutapa osuge kalavusi aliʼyaʼmo neʼaliya vayaʼmo maige afa vayaʼmo maige huʼnone, hutapa osuge ve maige aʼne maige huʼnone, hutapa osuge hutetapa maiyo. Kalaisi Yesupiʼmo maiʼnetapaeʼmo magoke aiyaya vayaʼmo maiʼnae.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Efasasi 3:3

Gotiʼa hogoteno alino fala ki maleʼniya gemo ago alino nave liʼniye. Ani kavafeʼmo aise gemo ago avoʼmo kaeʼna lapa paiʼnove.

Efasasi 6:22

Ani kavaʼmo huʼa maiʼnae, huno lapa paisigetapa afitetapaeʼmo lapaipamoʼmo falu hisiyafeʼmo aliʼna ateʼnogeno uʼniye.

Filipai 2:1

Lapakaemo Kalaisipiʼmo maiʼnagenoʼaeʼmo lapaipamo alino lokiya vaino nelapatefiye. Agaemo lagaefeʼmo hau ayamopafiʼmo hauʼniye, hutapa lapakesamo neʼafigenoʼaeʼmo lapaipamo alino he tino nelapatefiye. Lapakaemo Goti Aunemeʼamo magokepi alitetapa agaeʼeʼmo afalu afalugana huta lokaeta neʼmaifiye. Magokepi yuna lapaipa kalitapa konagatapieʼmo lapau lapayamopafiʼmo nelapaifiye.

Filipai 3:8

Ataleʼnovanageʼna hemenimo huʼnaeʼmo, hogote yaʼmo aeno agaseʼniya yaʼmo Ala kava neʼnimo Kalaisi Yesuʼa ageʼna alagepa huʼna agesuvafeʼmo muki yaʼnimo ago ataleʼnove. Hosuʼniya neʼyaʼmo alini uʼa neʼatalaya neʼyakana huno haneʼniye, huʼna huteʼna Kalaisiʼa alisuvafeʼmo aliʼna yaga auʼna ataleʼnove.

Kolosi 1:26

Gotiʼa mago kavaʼamo alino fala ki maleʼnigeʼa muki vayaʼmogimo muki afinaʼmo oʼageʼnayaʼmonanafa hemenimo apaote vayaʼamo alino apave liʼniye.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

Kolosi 1:9

Ani kavaʼmo hutapa maiʼnayaʼmofeʼmo afiʼnona afinatetiʼmo oʼataleta nunumuʼmo huta lapateme lapateme eta maiʼnone. Lagaemo, Apakaemo kahauʼnisiya kavaʼmo hisayafeʼmo kaunekameʼmoʼa alino apaya malenageʼa alagepa huʼa apakesamo afiteʼa ageʼa aeto nehaya kavaʼmo apaipafiʼmo havai teno, huta nunumuʼmo nehune.

Kolosi 2:19

Apakaemo agufamo agenopagana huno maiʼniya vekamo Kalaisiʼmo oʼatafauʼa afaʼa ataleʼnae. Kalaisiʼa agufaleʼmo yagaino neʼategenoʼaeʼmo aeno hapaiʼniya yaʼaʼe aganunaʼeʼmo aeno haniteno alino magokepi lokaeno ateʼnigeno Goti himamuʼaletiʼmo ko nesiye.

Kolosi 3:14

Mani kavaʼmo nehutapaeʼmo hogote kavaʼmo hutapa lapau lapayamopafiʼmo lapainageno alagepa huno magokepi alino lokaeno lapateno.

Kolosi 4:3

Nunumuʼmo nehutapaeʼmo Goti geʼamo aeta hakalo huta hapa paisuna kaʼmo valino latesigeta Kalaisifeʼmo ava gemo hogoteno alino fala ki maleʼneno hemenimo alino lave liʼniya geʼamo hapa paisunafeʼmo nunumuʼmo hutapa lateyo. Mani gelefeʼmo kalavusi huʼa nateʼnae.

Kolosi 4:8

Agaemo uno haiya agufa kava hutapa maiʼnafi huno lapaketenoʼaeʼmo lapaipamo alino lokiya vaino lapatesiya gemo lapa paisiyafeʼmo aliʼna atesugeno ugiye.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

1 Tesaloniyani 3:2

Timotiʼmo alitaʼa atesuʼageno uno lapakegaiye, hutaʼa huʼnoʼae. Agaemo lagaeʼeʼmo magokepi lokaeno aliʼyaʼmo neʼalino Kalaisifeʼmo alagepa faigoko geʼamo aeno hakalo huno hapa nepaiya konagatimoʼmo maiʼniye. Lapa maeno alino lokiya vaino lapatesigetapa magoʼe hutapa lapakesamo afita fatago hisayafeʼmo alitaʼa ateʼnoʼageno uʼniye.

1 Tesaloniyani 5:14

Konagatimogitapae, huta, lapao ke honanagi alagaʼmo nehapaegeʼa afaʼa neʼmaiya vayaʼaifeʼmo, ehetapiye, huta, alagaʼmo olapaeno, hutapa hapa paiyo. Koli nehaya vayaʼai apaipamo alita lokiya vaitapa apateyo. Lokiya noʼvaiya vayaʼaina hapa maeyo. Muki vayaʼaitegamo vase vase hutapa falu fala kavaʼmo hiyo.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.

Himulu 6:11

Lahauʼniyanagetapa mukiʼamogitapa ani kavaʼmo hutetapa magoke lapaipa lapakesamo alitetapa lapavayagunagu hutapa agava maime maime neʼvisageʼapaeʼmo atupa afinaʼmo he tisayafeʼmo lapayamukiki hugae.

2 Pita 1:10

Konagaʼnimogitapae, huʼna, Mani gemo huʼniyaʼmofeʼmo lapakaemo hutapaeʼmo, Gotiʼa lagaefeʼmo keya aeno ge huʼniye. He, lekana paino lateteno keya aeno ge huʼniye, hutapa ageta aeto hisayafeʼmo lapayamukiki hiyo. Lapakaemo muki mani kavaʼmo nehisayana alagi asagautapa oʼaigayanagi hiyo.

2 Pita 1:3

Gotiʼa yalagisa vekamoʼmo himamuʼaletiʼmo alagepa huta maiʼneta Gotifekeʼmo alagepa huta mono hisunafeʼmo muki yaʼamo fikumo laha maeno lamiʼniye. Lagaemo Gotiʼmo ageta alagepa huta ageʼnona kavatetiʼmo muki yaʼamo lamiʼnigeta aliʼnone. Ha le konali yaʼamo aliteta agaekana huta maisunafeʼmo lagaefeʼmo eyo, huno keya aeno ge huʼniye.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 3:19

Ani gemo avoʼmo kaeʼnova kavatetiʼmo ago ageʼnonana lama ge vayaʼamo maiʼnonaʼmofeʼmo laipamoʼmo falu huʼnisigeta Goti aulagaleʼmo atete osugune.

1 Yoni 5:7

Loleʼe magoʼe vayaʼmo kokuʼnapiʼmo maiʼneʼapaeʼmo ageteʼa ha maeʼa faigoko geʼapimo nehae. Apakaemo Afotimoʼagi Goti Geʼamae huʼa agi neʼaya vekagi Aote Aunemeʼagi huʼa maiʼnayaʼmonanafa magoke Gotiʼa maiʼniye.