Kolosi 2:16 - The Keyagana NT and 25 OT books

¹⁶ Ani kavaʼmo huʼniyaʼmofeʼmo vayaʼmogimo, ani neʼyaʼmo neyo, ina neʼyaʼmo oʼneyo, huʼa huteʼapaeʼmo, hopa afinafeʼmofi saufa kaile hopa afinafeʼmofi sapati afinaʼmo maiʼa haga nelaya afinafeʼmofi, huʼa, alita aote hu maletetapa akame hiyo, huʼa lapa paisagetapaeʼmo akame hisaya kavaʼmo ohaneʼniye.

Kolosi 2:16 ပူးပေါင်းရင်းမြစ်များ

2 Kini 4:23

Anauʼamoʼmo hunoʼaeʼmo, Na agufa kava higekaeʼmo hemenimo visanafeʼmo nehane. Hemenimo Sapati afinaʼmofi saufa kaimo alopa hopa afinaʼmofi huno afole oʼaiʼniye, huno huʼnigenoʼaeʼmo, Kanalenagi, maiʼnegeʼnao, huno huʼniye.

Samu 42:4

Nagaemo huʼnova kavafeʼmo nagesamo afiteʼna naipafiʼmo haneʼniya kavaʼaʼnimo aeʼna hakalo huʼna kaha nepauve. Hogoteta nagaeʼeʼmo magokepi lokaeta neʼutaeʼmo mono yokemo huge Goti agiʼaleʼmo alita asaga huge hulita Goti mono notegamo uʼnone. Mukiʼamogitamo mono hisunafeʼmo aote afinaʼmo hu maleʼnone.

Samu 81:3

Hopa afinaʼmo monoʼmo nehuna afinaʼmo pikulimo hiyo.

Aiyeya 1:13

Magoʼe hutapa afa ofalinimo alinitetapa oʼnamiyo. Mono nehutapaeʼmo alagepa atumo neʼaiya yaʼmo nekaya kavafeʼmo alagi oʼnahaiye. Lapakaemo saufa kaileʼmo mono huge Sapati afinaʼmo mono huge alita anupa hutapa maige nehaya kavaʼmo magoʼe hutapa hisayafeʼmo alagi oʼnahaiye. Mono nehutapaeʼmo hosu kavaʼmo nehayaʼmofeʼmo alagi oʼnahaiye.

Matiyu 15:11

Apavayafiʼmo neʼnaya neʼyaʼmoʼa alino hosu huno noʼapatefa apavayafatikeʼmo nehaya gemoʼa alino hosu huno neʼapate, huno hapa paiʼniye.

Maki 7:19

Na kava higeno alino hosu huno oʼapategaiye. Apaipafiʼmo uno nolamifa apakupafikeʼmo haneʼnigeʼa aifamo leʼa neʼatalae. Ina kava huno muki neʼyaʼmo alino alagepa huno neʼate, huno hapa paiʼniye.

Apa 15:20

Mago avoʼmo kaeta atalegaune. Avoʼmo kaetaeʼmo, Neʼyaʼmo aigofe gotiʼapimogi neʼapamiya neʼyaʼmo oʼneyo. Kumai kavaʼmo osiyo. Lugoʼafiʼmo nofi aesageno falisiya afumoʼa agufafatiʼmo kola osuʼnisiya afumo oʼneyo. Muki yaʼmo kolaʼamo oʼneyo, huta avoʼmo kaegaune.

Lomu 14:10

He tiʼniyaʼmofeʼmo konagatapimogi nehaya kavaʼmo alita fako hutapa neʼapataya vayanagi na kava higetapaeʼmo ani kavaʼmo nehae. Konagatapimogifeʼmo ina agufa vayaʼmo maiʼnae, hutapa nehaya vayanagi na kava higetapaeʼmo ani kavaʼmo nehae. Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiyafeʼmo mukiʼamogita uta haita aulagaleʼmo he tita maigune.

Galesiya 4:10

Lapakaemo sapati afinaʼmo akame huge saufa kai le kavaʼmo huge kafugamo hopa afina kavaʼmo huge hutetapaeʼmo aeto aeto hopa afinafeʼmo lusi kava hutapa lapakesamo neʼafiye.

Kolosi 2:20

Lapakaemo ma mopafiʼmo hogoteʼa aepa faiʼnaya gelefeʼmo faliʼnisayaʼmoʼmo na kava higetapa ani ya oʼaliyo, ina neʼyaʼmo oʼneyo, ani yateʼmo ame oʼaliyo, huʼa nehaya gemo ma mopafi vayakana hutapa ma mopafi vayaʼai keʼaepa geʼapimo akame nehae.

Himulu 13:9

Fiku yanageʼa mago vayaʼmogi aeto aeto agufa geletiʼmo lapayateʼmo heʼa lapavayu huliʼa ugayanagi ehetapiye. Alagepa kavanageno Gotiʼa fikumo lapa maeno nelapamiya gemoʼa lapaipa lapakesamo alino lokiya vaino lapategaiye. Neʼyafeʼmo, neyo, huʼa huge oʼneyo, huʼa huge nehaya gemoʼa lapaipa lapakesamo alino lokiya vaino olapategaiye. Ani gemo akame nehaya vayaʼmo hapa oʼmaeʼniye.

Himulu 9:10

Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.

Yemisi 4:11

Konagatapimogifeʼmo huta faipa hutapa oʼapateyo. Mago vekamoʼmo konagaʼamofeʼmo huno faipa huno ateteno alino fako huno atesiyana Goti keʼaepa geʼaeʼmo huno faipa huno ateteno alino fako huno neʼate. Lapakaemo keʼaepa geʼamo alita fako hutapa atesayana keʼaepa geʼamo akame osutapa keʼaepa geʼamo alita fako hutapa neʼatae.

1 Samiyo 20:18

Inagi Yonataniʼmo Nevinifeʼmo hunoʼaeʼmo, Egamo saufa kaimo hopa afinaʼmo afole aisigekaeʼmo kagaemo neʼyateʼmo oʼmaisanagenoʼaeʼmo afoʼnimoʼmo siyakamo afaʼa hanesigeno agetenoʼaeʼmo agesa alaʼamo afigiye.

1 Samiyo 20:5

Neviniʼmo ha painoʼaeʼmo, Egamo saufa kaimo hopa afinaʼmogeʼna nagaemo uʼna kini vekaʼeʼmo magokepiʼmo neʼyaʼmo nesuva afinaʼmo haneʼniye. Haneʼniyaʼmonanafa natalegeʼnao nagaemo uʼna afa mopalegamo fala kiʼna maime maime neʼvisugeno napa tali afinaʼmo uneʼmo afole aigiye.