Kolosi 2:14 - The Keyagana NT and 25 OT books

¹⁴ anonatilefeʼmo avoʼmo kae maleʼniya gemo ani kavaʼmo hiyo ina kavaʼmo osiyo, huno huʼniya keʼaepa gemo aeno kalo paeno ataleʼniye. Gotiʼa ani gemoʼmo aeno lagaseno kame huno lateʼniya gemo alino ataleteno malipu yosaleʼmo nili aiʼniye.

Kolosi 2:14 ပူးပေါင်းရင်းမြစ်များ

Esata 3:12

Napa vani kaileʼmo tetini afinaʼmo Hemaniʼa kini vekamo avoʼmo nekaya vayaʼaifeʼmo ge huʼnigeʼa eʼnae. Eʼnagenoʼaeʼmo agaemo muki geʼamo alagi hapa paiʼnigeʼa avoʼmo kaeʼnae. Muki ani kotega mopaleʼmo maiʼnaya vayaʼmogi apakeʼapifati apakeʼapifatiʼmo ani avoʼmo kaeʼnae. Avoʼmo ago kaetagenoʼaeʼmo ani avoʼmo alino muki neʼyagaiya vayatama vayaʼaitegagi gamani vayaʼaitegagi hogote vayaʼaitegagi huno atalegeno uneno huʼniye. Hemaniʼa muki ani kaeʼnaya avoʼaleʼmo kini vekamo Sekisi liniletiʼmo alagena yaʼmo hu maleʼnigeno kini vekamoʼmo agaiʼamo ani avoʼmo kaeʼnegekana huʼniye.

Esata 8:8

Lanakaitanigeʼmo Yu vayaʼmo hapa maesiya agufa avoʼmo lanahauʼnisiya gemo hutana kaetetana nagae nagimo afaʼa kaetetana liniletiʼmo alagena yaʼnimo ani avoteʼmo hu maleʼao. Mago avoteʼmo nagae nagimo haneteno alagena yaʼnimo haneʼnisigeʼa ageteʼapaeʼmo magoke vekamoʼa afaʼa aeno kalo paeno oʼatalegaiye.

Samu 51:1

O Gotiyo, huʼna, kahau kayamopafiʼmo kahauʼnigeka hapa neʼmana kava huka kahau huka nato. Lusi kava huka kahau huka neʼapatana kava huka gekamo amagiʼna neʼatalova kavaʼnimo aeka kalo paeka atalo.

Samu 51:9

Hosu kavaʼnimo oʼageka aika afe leka maiyo. Muki hosu kavaʼnimo aeka kalo paeka atalo.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Aiyeya 57:14

Ala kava neʼmoʼa ina gemo hunoʼaeʼmo, Mago vekamoʼmo ina gemo hunoʼaeʼmo, Kaʼmo valiyo, kaʼmo valiyo. Kaʼmo valita apateyo. Lapakaemo muki haneʼniya yateʼmo vayaʼnimo apaiyafiʼmo hapaegaiyanagi alita ataleyo, huno hapa paigiye.

Luki 1:6

Ani yalavelaʼmoganimo Goti aulagaleʼmo alagepa kavaʼmo huteʼana muki Goti keʼaepa geʼamo akame huteʼana alagepa huʼana maiʼnaʼae.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Kolosi 2:20

Lapakaemo ma mopafiʼmo hogoteʼa aepa faiʼnaya gelefeʼmo faliʼnisayaʼmoʼmo na kava higetapa ani ya oʼaliyo, ina neʼyaʼmo oʼneyo, ani yateʼmo ame oʼaliyo, huʼa nehaya gemo ma mopafi vayakana hutapa ma mopafi vayaʼai keʼaepa geʼapimo akame nehae.

2 Tesaloniyani 2:7

Hemenimo mago vayaʼmogimo alagi hosu vekamoʼmo hisiya agufa kavaʼmo nehayaʼmonanafa kaʼmo neʼakaniya vekamoʼmo ka akanime akanime visigenoʼaeʼmo hosu vekamoʼmo muki vayapatiʼmo afole aigiye.

Himulu 7:18

Inagi atafa keʼaepa gemoʼa vayaʼmo hapa maesiya lokiyaʼamo ohaneʼnigeno hapa oʼmaeʼniyaʼmofeʼmo Gotiʼa ani gemo ago ataleʼniye.

Himulu 8:13

Gotiʼa mani kotalakeeʼmo hunoʼaeʼmo, saufa kotalakeʼnimae, huno huʼniyaʼmofeʼmo hogote kotalakemo atafa heʼnigeno aliʼyaʼamo ago hano huʼniyanageno aise afinaʼmo haneteno alagi hano hugiye.

1 Pita 2:24

Agaiʼageʼmo hosu kavatimo agufafiʼmo aliteno malipu yosaleʼmo faliʼniye. Hosu kavatilefeʼmo falitetaeʼmo alagepa kavaʼalefeʼmo afaʼa maisunafeʼmo faliʼniye. Amagiʼnageno fugaginaʼamoʼmo huʼniya kavaʼaletiʼmo Gotiʼa alino auleno lapateʼniye.