Kolosi 2:11 - The Keyagana NT and 25 OT books

¹¹ Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

Kolosi 2:11 ပူးပေါင်းရင်းမြစ်များ

Maki 14:58

Apakaemo huʼapaeʼmo, afiʼnonageno alopa mono noʼmo vayaʼmogi apayatetiʼmo ki maleʼnaya nofeʼmo heʼna halagape vaiteʼna loleʼe magoʼe afinaʼmo utesigeʼna vayaʼmogi okisaya agufa kavaʼmo huʼna kiguve, huno huʼnigeta afiʼnone, huʼa huʼnayaʼmonanafa

Luki 2:21

Magoke salemo utegeʼa Yu vayaʼmogi nehaya agufa kavaʼmo huʼa Yesu agufamo lagauʼa ataleteʼapaeʼmo agiʼamo Yesuʼae huʼa ateʼnae. Maliyaʼmo aipaguʼeʼmo oʼmaiʼnigenoʼaeʼmo enisole vekamoʼmo ani agimo ateʼniye.

Apa 17:24

Gotiʼa ma mopaʼe muki ma mopafi haneʼniya yaʼeʼmo alo huteno kokuʼnate haneʼniya yateʼe ma mopafi haneʼniya yateʼeʼmo neʼyagaiye. Vayaʼmogi muki ki maleʼnaya mono nopiʼmo noʼmaiye.

Apa 7:48

Ki maleʼniyaʼmonanafa anaga hogote vekamoʼmo ma mopafi vayaʼmogi nekiya nopiʼmo noʼmaiye. Mago vekamo Gotitegati gemo alinineno aeno hakalo huno hapa nepaiya vekamoʼmo ani kavafeʼmo hunoʼaeʼmo,

Lomu 6:6

Ago afiʼnonana lagufafi hosu kavatimo lokiyaʼamo hano hisigeno hosu kavaʼmoʼa yagaino lateʼnisigeta aliʼyaʼamo magoʼe huta oʼalisunafeʼmo Gotiʼa atafa vekatimo Kalaisiʼeʼmo malipu yosaleʼmo nili aiʼnigeno faliʼniye.

Lomu 7:24

Vaehae, huʼna, lusi kana yaʼmo aliteʼna hosu kavaʼmo huʼna maiʼnove. Hosu kavaʼnimoʼmo nagufaleʼmo yagaino nateʼneno falisuvategamo navalelino visiyafeʼmo nehiyanageno ina laʼmo nagufaʼnimo alino katino nategaiye.

2 Kolitiyani 5:1

Ago afiʼnonana ma mopafi seli notimo atalagausiyaʼmoʼmo oʼatalagauno afaʼa hanege hanege huno hanesiya notimo kokuʼnapiʼmo haneʼniyaʼmofeʼmo laipamoʼmo kana osuʼniye. Vayaʼmogimo notimo apayatetiʼmo okiʼnayaʼmonanafa Gotiʼa ki maleʼniye.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

Galesiya 2:20

Inagi Kalaisiʼa malipu yosaleʼmo faliʼnigeʼnaeʼmo agaeʼeʼmo faliʼnovaʼmofeʼmo hemenimo afaʼa oʼmaiʼnovaʼmonanafa Kalaisiʼa nagaepiʼmo maiʼniye. Hemenimo ma mopafiʼmo maiʼneʼnaeʼmo Goti Mafaʼneʼaeʼmo nagesamo afiʼna fatago nehuva kavatetiʼmo afaʼa maiʼnove. Agaemo nagaefeʼmo hau ayamopafiʼmo hauʼnigeno falino nateʼniye.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

Filipai 3:3

Huʼnayaʼmonanafa lama ge alagena yaʼmo oʼaliʼnae. Lagaemo lama ge alagena yaʼmo laipafiʼmo aliteta Goti Aunemeʼaletiʼmo Gotifeʼmo mono huge Kalaisi Yesufeʼmo alopa gefatiʼmo huta lamogaga aige huta maiʼnonaʼmonanafa lagufaeʼmo lagesamo afiteta alita amufa oʼamiʼnone.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

Himulu 9:11

Ani kavaʼmo haneʼniyaʼmonanafa Kalaisiʼa alagepa kavaʼmo afole aisiya kavatefeʼmo hogote vekamo mono huno neʼapateya vekamoʼmo ago aeno agaseʼniya alagepa seli mono nopiʼmo afole aiʼniye. Vayaʼmogimo ani seli mono noʼmo okige Gotiʼa ma mopamo alo huʼniya afinaʼmo okige huʼniye.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.