Kolosi 1:28 - The Keyagana NT and 25 OT books

²⁸ Lagaemo muki vayaʼamo apavalelita uta apatesunageʼa Goti aulagaleʼmo Kalaisipiʼmo maiʼneʼa uʼa haiʼa hapaisayafeʼmo muki vayaʼaifeʼmo Kalaisife ava gemo aeta hakalo huta hapa nepaune. Lagaemo alagepa huta lagesamo afiʼnetaeʼmo muki vayaʼaifeʼmo hutaeʼmo, ehetapiye, huta huge muki vayaʼaina alita apaya malege huta neʼmaune.

Kolosi 1:28 ပူးပေါင်းရင်းမြစ်များ

Esala 7:25

Esalao, huʼna, afiyo. Gotikamoʼmo afiteka ageʼnana kavaʼmo kamiʼniya kavatetiʼmo muki vayaʼaiteʼmo alagepa huʼa yagaiʼa apatesayafeʼmo agoti gemo neʼafiya vayaʼe yasi vayaʼeʼmo lekana paika apategeʼapao muki vayaʼmogi aniʼmo mugagayaga faliga koteʼmo maiʼnaya vayaʼmogimo alagepa huʼa aliʼa fako huʼa apateyo. Goti keʼaepa gemo akame nehaya vayaʼmo lekana paika apato. Kagaemo Goti keʼaepa gemo oʼafiʼnaya vayaʼaina alika apaya malo.

Mai'naya kavane 8:5

O mafaʼnegana huno apakesamo haneʼnigeʼa gemo noʼafiya vayaʼmogitapae, huʼna, alagepa kavaʼmo hisayafeʼmo lapakesa afi yaʼmo aliyo. Negi vayaʼmogitapae, huʼna, alagepa huta afisaya lapaipamo aliyo.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Maki 6:34

Yesuʼa sipifatiʼmo emineno apakeyana asole vayaʼmo eʼa maiʼnageno apaketenoʼaeʼmo, sipisipile neʼyagaiya vekamo oʼmaiʼnigeʼa afa sipisipigana huʼa maiʼnae, huno huteno hau huno apateteno aepa faino alino apaya maleʼniye.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Apa 10:36

Gotiʼa mago alagepa gemo Yu vayaʼmogitalegamo alino ateʼnigeno emineʼniye, huʼa huʼnagetapa ago afiʼnae. Ani gemoʼmo hunoʼaeʼmo Yesu Kalaisiʼa muki ma mopafi vayaʼaiteʼmo yagaino neʼapateya vekamoʼmo ma mopafi vayaʼe Gotiʼeʼmo alino nanu aeno apateteno alino magoke apaipamo kalino apateʼniye.

Apa 11:20

Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 13:38

Konagaʼnimogitapae, huno, Gotiʼa alino he tino ateʼniyaʼmofeʼmo ani vekamo agiʼaletiʼmo hosu kavatapimo afaʼa alino atalegaiye, huʼna aeʼna hakalo huʼna lapa nepauve. Gotiʼa Mosese keʼaepa gemo akame nehaya kavatetiʼmo hosu kavatapimo afaʼa alino ataleteno naulagaleʼmo fatago vayaʼmo maiʼnae, huno osugiye. Osugiyaʼmonanafa Gotiʼa ani vekaeʼmo apakesamo afiʼa fatago nehaya vayaʼaifekeʼmo, muki hosu kavatapimo aliʼna ataleʼnogetapa naulagaleʼmo fatago vayaʼmo maiʼnae, huno hapa nepaiye.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 17:3

Ani gemo aepaʼamo aeno hakalo huno hapa painoʼaeʼmo, Goti geʼamo alino afole aino atesiyafeʼmo Mesaiya vekamo Gotiʼa alino ateʼnigeno emineʼniya vekamo faliteno ago he tiʼniye, huno Goti Mukufi haneʼniya geletiʼmo alino apaya maleʼniye. Poloʼa hunoʼaeʼmo, Ani ava gemo aeʼna hakalo huʼna hapa nepauva vekamo Yesuʼa Mesaiya vekamo maiʼniye, huno hapa paiʼniye.

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Apa 3:20

Lapakaemo ani kavaʼmo higenoʼao Gotiʼa aeno hakalo huno lapa paiʼniya vekamo Yesu Kalaisiʼa alino atesigeno emineno.

Apa 5:42

Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Apa 8:35

Filipiʼa lekana paiʼniya gefatiʼmo Yesufeʼmo ava gemo aeno hakalo huno ha paiʼniye.

Apa 8:5

Filipiʼa Sameliya kotega taonifiʼmo uno Kalaisife ava gemo aeno hakalo huno hapa paiʼniye.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

Lomu 16:25

Gotiʼa nagaemo aeʼna hakalo nehuva alagepa faigoko geʼaletiʼe Yesu Kalaisifeʼmo ava gemo aeʼa hakalo nehaya geʼaletiʼeʼmo afaʼa alino lokiya vaino lapategaiye. Ma mopamo alo huʼniya afinatetiʼmo ani gemo fala kino haneme haneme eʼniyaʼmonanafa

1 Kolitiyani 1:23

Nehayaʼmonanafa lagaemo Kalaisiʼa malipu yosaleʼmo nili aiteʼa aliʼa he tiʼa ateʼnaya kavafekeʼmo ava gemo aeta hakalo huta hapa nepaunageʼapaeʼmo Yu vayaʼmogimo ani gemo afiteʼapaeʼmo hosu apaipamo kaliteʼa apaiyamo faiʼa lo aeteʼa heleve huʼnageʼapaeʼmo Yu nofi vayapatiʼmo oʼmaiʼnaya vayaʼmogimo ani gemo afiteʼapaeʼmo, negi nagi gemo huʼnae, huʼa nehae.

1 Kolitiyani 1:30

Gotiʼa Kalaisi Yesupiʼmo faleno lapateʼnigetapa maiʼnae. Gotiʼa Kalaisiʼmo alino hamaleno ateʼniyanageta Gotitegatiʼmo ageteta afisuna agufa kavaʼmo hamaleʼniye. Ina kava huno Kalaisiʼa Goti aulagaleʼmo fatago vayaʼmo maisunafeʼmo fatago kavatimo maiʼniyanageno hemenimo magoʼe magoʼe huno alino alagepa huno nelateyanageno muki hosu kavapatiʼmo lagufamo alino katino lategaiye.

1 Kolitiyani 12:8

Goti Aunemeʼamoʼmo mago vayaʼamogimo alagepa faigoko geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo alagepa geʼamo aliʼa apaya malesayafeʼmo lokiyaʼamo apamige nehiye.

1 Kolitiyani 15:12

Lagaemo hutaeʼmo, Kalaisiʼa faliʼniyatetiʼmo ago alino he tino ateʼniye, huta aeta hakalo huta lapa nepaunaʼmofeʼmo na kava higetapa mago vayaʼamogitapamo hutapaeʼmo, faliʼnaya vayaʼmo he otigae, hutapa nehae.

1 Kolitiyani 2:15

Afaʼa oʼafigayaʼmonanafa Goti Aunemeʼamo aliʼnaya vayaʼmogigeʼmo muki geʼamo afiteʼa aliʼa fako nehayaʼmonanafa afa vayaʼmogimo afaʼa afiʼa aliʼa fako osugae.

1 Kolitiyani 2:6

Ani agufa gemo nehayaʼmonanafa alopa vayaʼaifeʼmo afiteta ageʼnona geletiʼmo hapa nepaune. Ma mopafi vayaʼmogi afiteʼa ageʼnaya agufa geletiʼmo hapa opaige ma mopafiʼmo maiʼneʼa yagaiʼa neʼapataya vayaʼmogi afiteʼa ageʼnaya agufa geletiʼmo hapa opaige nehune. Henagaʼamo apakaemo ina agufa vayaʼmo maigae.

1 Kolitiyani 4:14

Lapavagage hisiyafeʼmo mani avoʼmo nokaovaʼmonanafa nahau nayamopafiʼmo nahauʼniya mafaʼneʼnimo maiʼnayaʼmofeʼmo alagepa hutapa afisayafeʼmo ehetapiye, huʼna mani avoʼmo nekaove.

2 Kolitiyani 10:14

Lapakaemo haku maleno lamiʼniya mopaleʼmo oʼmaitapa malaga maiʼnaesinana lapakaetegamo oʼuʼnonesinaʼmonanafa lamiʼniya mopa hakuʼmo aeta agaseta lapakaetegamo Kalaisifeʼmo alagepa faigoko geʼamo alinita oʼuʼnone.

2 Kolitiyani 11:2

Gotiʼa lapakaefeʼmo kaino nefaiya kava huʼna kaino nefauve. Nagaemo magoke vekamo Kalaisi aʼamo maisayafeʼmo, apavaleʼna kamiguve, huʼna Kalaisifeʼmo ha paiʼnove. Lapakaemo veʼeʼmo lokaeno ohavaeʼniya aʼmafaʼnemoʼa yaveyave kavaʼmo nehiya aʼmafaʼnegana hutapa maiʼnisageʼna lapavalelinuʼna haiʼna amisuvafeʼmo nehuve.

2 Kolitiyani 4:5

Lagaemo lagaitieʼmo aeta hakalo nosupa Yesu Kalaisiʼa Ala kava netiekeʼmo aeta hakalo nehune. Lagaemo Yesu agiʼalefeʼmo aliʼyaʼamo neʼaluna vayatapimo maiʼnone.

Efasasi 3:8

Muki apaote vayaʼamogimo aeʼa naga seʼnageʼna henaga vekamo maiʼnovaʼmonanafa kanale yaʼmo ageta lekana opaisuna agufa yaʼmo Kalaisiʼa neʼapamiya kagemi yaʼalefeʼmo ava gemo alu nofi vayaʼaifeʼmo aeʼna hakalo huʼna hapa paisuvafeʼmo fikumo naha maeno namiʼniye.

Efasasi 5:27

Alagepa siosiʼamo ha le konali siosiʼamo oʼaniʼya faifa yaʼmo ohanege kalagukifa yakana huno ohanege magoke hosu yaʼmo ohanege huʼnisigeno aote siosiʼamo aʼmo aligekana huno alisiyafeʼmo falino apateʼniye.

Kolosi 1:22

Lapaote vayaʼamo maisageno hosu kavatapimo alagi ohanesigetapa vaiʼmo oʼalisayafeʼmo Mafaʼneʼamoʼmo agufamo aliteno faliʼniya kavatetiʼmo Goti aulagaleʼmo alino he tino lapategaiye.

Kolosi 2:10

Agaemo muki apauneʼapameʼe vayaʼmo yagaiʼa neʼapataya vayaʼaiteʼe ala kava vayaʼaiteʼeʼmo yagaino neʼapateya vekamo maiʼnigetapaeʼmo agaepiʼmo maiʼnageno agaepiʼmo haneʼniya yaʼamo lapakaepiʼmo havai teʼniye.

Kolosi 2:3

Hogote kagemi yaʼapimo aliʼa fala kiʼa neʼmalaya kava huno Kalaisipiʼmo muki alagepa huʼa afiteʼa agesaya kavaʼe afisaya kavaʼeʼmo fala kino haneʼniye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 4:6

Ani kavatefeʼmo fiku yanageʼa mago vayaʼmogi konagaʼapimogifeʼmo humi apateteʼa aliʼa hosu huʼa apategae. Hogoteta hutaeʼmo, Ala kava neʼmoʼa kumai kavaʼmo anonaʼapilefeʼmo apamigiye. Ehetapiye, huta ago lapa paiʼnone.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

1 Timoti 3:2

Ani vayatama vekamo vaiʼmo noʼamisageno afaʼa neʼmaisiya vekamoʼmo magoke aʼmo aliʼnisiya vekamokeʼmo maigiye. Agufaleʼmo alagepa huno yagaino atege aipa agesaleʼmo alagepa huno yagaino atege alagepa kavaʼmo huge nata vayaʼaiteʼmo alagepa huno yagaino apatege afaʼa alino apaya malege nehiya vekamokeʼmo maigiye.

Himulu 10:14

Agaemo magoke ofalinimo amiteno apavaleno apaoteʼmo apateteno alagi alino alagepa huno apateʼniyanageʼa alagepa huʼa maige maige huʼa maigae.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

2 Pita 3:15

Ala kava neʼmoʼa lagava maiʼniyanageno mukiʼamogita lagufamo alino katino lategaiye, huta lapakesamo afiyo. Lahauʼniya konagatimo Poloʼmo Gotiʼa amiʼniya yaʼmo ageteno afiʼniya geʼaletiʼmo ani kavatefeʼmo lapakaefeʼmo avoʼmo kaeʼniye.