Kolosi 1:23 - The Keyagana NT and 25 OT books

²³ He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 1:23 ပူးပေါင်းရင်းမြစ်များ

Samu 125:5

Ala kava neʼmoʼa alagepa kaʼmo ataleʼa kayagi kayaga kateʼmo neʼvaya vayaʼmo apavalelino visigeʼa hosu kavaʼmo nehaya vayaʼeʼmo magokepi lokaeʼa ugae. Isaleli vayaʼmogitapae, huʼna, Ala kava neʼmoʼa lapa maenagetapa yuna lapaipamo kalita maiyo.

Sefanaiya 1:6

Ala kava neʼmo magoʼe huʼa akame osuʼa ataleʼnaya vayaʼe Ala kava neʼmo agesayafeʼmo kahauya huʼa ge huʼa afi okeʼnaya vayaʼeʼmo aliʼna hano huʼna apatalegauve.

Maki 16:15

Agaemo hunoʼaeʼmo, muki ma mopafi vayaʼaitegamo uta alagepa faigoko geʼnimo aeta hakalo hutapa hapa paiyo.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Luki 6:48

Apakaemo no kiʼniya vekagana huʼa maiʼnae. Ani vekamoʼmo noʼmo kisiyafeʼmo hogoteno yatala kelimo kafilino lami maleʼneno alopa yafaʼmo faino ateʼneno noʼmo ki maleʼniye. Ki maleʼnigenoʼaeʼmo lusi kava huno aniʼmo heteno noʼmo aeno agoʼya faigefeʼmo huʼniyana alopa yafaʼmo faino ateʼneno ki maleʼniyaʼmofeʼmo alino kanage osuʼniye.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Apa 1:17

Yesuʼa lekana paino ateʼnigeno lagaeʼeʼmo magokepi lokaeno aliʼyaʼmo alino maiʼniye, huno hapa paiʼniye.

Apa 1:25

Yutasiʼa aliʼyaʼamo ataleno uno faliteno koʼalegamo lamino maiʼniyaʼmofeʼmo lekana paika ateʼnisana vekamoʼmo Yutasi aimuʼyaleʼmo eno apa vekamo maiʼneno Yutasiʼa aliʼniya agufa aliʼyaʼmo aligiye, huʼa nunumuʼmo huʼnae.

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Apa 2:5

Ani afinaʼmo Yu vayaʼmo mono nehaya afinaʼmogeʼa muki kotegatiʼmo ete ete huʼa Yulusalemu taonifiʼmo maiʼnae.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 26:16

He tika maiyo. Aliʼyaniʼmo aliteka geʼnimo aeka hakalo huka hapa paisanafeʼmo lekana paiʼna katesuvafeʼmo kagaeteʼmo afole aiʼnove. Kagaemo nageʼnana kavaʼe aliʼna kave lisuva kavaʼefeʼmo ava gemo huka hapa paigane.

Apa 4:12

Mago alu vekamoʼmo lapakufamo alino katino lapatesiya vekamo oʼmaiʼnifa agaekeʼmo magokeʼage maiʼniye. Mago alu agiʼe vekamo oʼmaiʼniyaʼmofeʼmo Gotiʼa magoke vekamo agiʼamo ma mopafi vayaʼaina apamiʼniyanageʼa agimo aeʼa ge hisageno hapa maeno, huno hapa paiʼniye.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Lomu 15:16

Mono huʼa neʼapataya vayaʼmogimo Gotiʼmo ofalinimo neʼamiya kava huʼna alagepa faigoko geʼaletiʼmo aliʼyaʼmo neʼaliʼnaeʼmo alu nofi vayaʼmo apavaleliʼna eʼna ani ofalinimo Gotiʼmo amigesuve. Aote Aunemeʼamoʼmo apavaleno apaote apatesigeʼa alagepa ofalinieʼmo Gotiʼa amuse hisiya agufa ofalini yakana huʼa maisageʼna amiguve.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

1 Kolitiyani 15:58

Nahau nayamopafiʼmo nahauʼniya konagaʼnimogitapae, huʼna, ani kavatefeʼmo he titapa lokiya vaita maiʼnetapa maita halove osiyo. Ala kava netefeʼmo aliʼyatapimo fikumo noʼaliyaʼmonanafa alagepa kavaʼmo afole aigiye, hutapa ago afiʼnayaʼmofeʼmo Ala kava neʼmo aliʼyaʼamo oʼataleta magoʼe hutapa alige alige hutapa maiyo.

1 Kolitiyani 3:5

Poloʼnamo ina laʼnamo maiʼnogeno Apolosiʼa ina laʼmo maiʼniye. Laʼagaemo Goti aliʼyaʼamo neʼaluʼa vekalaʼmo maiʼnoʼagetapaeʼmo laʼagaetetiʼmo lapakesamo afita fatago huʼnae. Ala kava neʼmoʼa laʼamiʼniya aliʼyaʼamo neʼaluʼae.

2 Kolitiyani 10:1

Poloʼnamo nagaiʼnimo lapao ke hove. Kalaisiʼa yuna aipa vekamo maiʼneno yagu yaga gemo huʼniya agufa gemo huʼna lapa nepauve. Nagaemo lapaulagaleʼmo maiʼneʼnaeʼmo koli huteʼnaeʼmo ge nosuvaʼmonanafa lapakaeʼeʼmo magokepi lokaeʼna oʼmaiʼneʼnaeʼmo koli osuʼna lokiya gemo nehuva vekamoʼnamo lapa nepauve.

2 Kolitiyani 11:23

Kalaisi aliʼyaʼamo neʼalifiye. Negi vekagana agufa gemo nehuʼnaeʼmo, aeʼna apakaseʼnove. Magoʼe huʼna lokiya aliʼyaʼmo aliʼnove. Lekana opaisuna agufa afinaʼmo namagiʼnaya kavatetiʼmo aeʼna apakaseʼnove. Magoʼe huʼa kalavusi huʼa nateʼnae. Magoʼe huʼna muki afinaʼmo falisuva agufa kavategamo maiʼnove.

2 Kolitiyani 3:6

Agaemo aliʼyaʼamo alisunafeʼmo lokiya vaino lateʼnigeta saufa kotalakeleʼmo aliʼyaʼamo neʼaluna vayaʼmo maiʼnone. Saufa kotalake gemo malaga yateʼmo avoʼmo kae maleʼniya keʼaepa gegana huno ohaneʼnifa Aunemeʼaʼe gemo yuʼilaga gemo haneʼniye. Keʼaepa gemoʼa vayaʼmo apamagigeʼa nefaliyaʼmonanafa Aunemeʼamoʼmo afaʼa maisaya yaʼmo neʼapamiye.

2 Kolitiyani 4:1

Gotiʼa hau huno lateteno ani aliʼyaʼmo lamiʼniyaʼmofeʼmo laipamoʼmo kana osuʼnigeta oʼatalone.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Galesiya 4:11

Lapakaefeʼmo nagesamo afiteʼna koli nehuʼnaeʼmo, apakaetegamo afa aliʼyaʼmo aliʼnofiye, huʼna nehuve.

Galesiya 5:5

Inagi Gotiʼa hunoʼaeʼmo, naulagaleʼmo fatago vayaʼmo maiʼnae, huno laha paisiyafeʼmo Goti Aunemeʼaletiʼmo lagesamo afita fatago nehutaeʼmo lavayagunagu huta agava neʼmaune.

Galesiya 5:7

Hogotetapa Goti kateʼmo alagepa hutapa nagu nagu hutapa uʼnae. Lapakaemo lama gemo ago akame huʼnayana ina laʼmo halate lapatafauno maiʼniye.

Galesiya 6:9

Alagepa kavaʼmo nehutaeʼmo alagi alagaʼmo olahaenageta oʼatalesunana hoyatifatiʼmo neʼyaʼmo afu lesiya afinaʼmo alagepa neʼyaʼmo aligune.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:21

Agaepiʼmo muki yaʼaleʼmo atafauʼneno Ala kava neʼmo aote mono noʼamo kime kime uno nehaiye.

Efasasi 4:16

Agufafi alu ya alu yaʼamo alagepa huno haneʼnigeno aeno hapaiʼniya yaʼmoʼa atafauno ateʼnigeno magokepi lokaeno haneʼniye. Agufafi alu ya alu yaʼamoʼa aliʼyaʼmo neʼaligenoʼaeʼmo agufamo ko nesiye. Ani kava huta magokepi lokaeta maiʼnetaeʼmo lahau layamopafiʼmo nelahaigetaeʼmo magokepi ko nesune.

Kolosi 1:25

Gotiʼa geʼamo afole aisiyafeʼmo lapakaetefeʼmo geʼamo aeʼna hakalo huʼna lapa paisuvafeʼmo siosi aliʼyateʼmo navaleno nateʼniye.

Kolosi 2:7

Maiʼnetapaeʼmo yosamoʼmo hafuʼyamo neʼaeya kava hutapa agaeteʼmo atafauta alagi hutapa maiyo. Yafateʼmo noʼmo faiʼa neʼataya kava hutapa Kalaisiʼmo atafauta alagi huʼnetapaeʼmo alita lapaya maleʼnona geleʼmo lokiya vaitapa maiʼnetapaeʼmo magoʼe magoʼe hutapa lusi kava huta hao ke hetapa maiyo.

1 Tesaloniyani 3:3

Fiku yanageʼa kana yaʼmo aliʼnonaʼmofeʼmo mago vayaʼmo asagauʼa aigae. Lapakaemo ago afiʼnayana Gotiʼa lagaefeʼmo, ani kana yaʼmo afaʼa aligae, huno agesamo afiteno hu maleʼniye.

1 Tesaloniyani 3:5

Ani kavafeʼmo nahausoli huʼnigeʼnaeʼmo, magoʼe huʼna afaʼa oʼmaiguve, huʼna huteʼna Timotifeʼmo, apakesamo afiʼa fatago nehafigi uka apako, huʼna ha paiʼnove. Sataniʼmo apamalageka huteno aliʼyatimo alino hano huno ataleʼnisifi, huʼna huteʼna lusi kava huʼna koli huteʼna aliʼna ateʼnogeno uʼniye.

1 Tesaloniyani 5:8

lagaemo feluga umenitata nehaya vayakana huta laipa lagesaleʼmo yagaita lategetao. Ati vayaʼmogimo kame vayaʼapimogimo ohapaesayafeʼmo lokiya aeni siotimo neʼvaiya kava huta lagesamo afita fatago nehuta lahau layamopafiʼmo lahaino. Ati vayaʼmogi lokiya aeni kakolitamo neʼmalaya kava huta Gotiʼa lagufamo alino katino latesiyafeʼmo agava maiʼneta lavayagunagu huta maigetao.

2 Tesaloniyani 2:16

Afotimo Gotiʼa lagaefeʼmo hau ayamopafiʼmo hauʼnigeno muki afinaʼmo lokiya vaita maiʼneta lavayagunagu huta agava maisunafeʼmo fikumo laha maeno lamiʼniye. Agaeʼe Ala kava netimo Yesu Kalaisiʼeʼmo muki alagepa gemo huge muki alagepa kavaʼmo huge hutapa maisayafeʼmo lapa maeʼana lapaipamo aliʼana lokiya vaiʼana lapatesaʼagetapa maiyo.

1 Timoti 1:12

Ala kava netimo Kalaisi Yesuʼa nagaefeʼmo agesamo afinoʼaeʼmo, aliʼyaʼnimo oʼataleno muki afinaʼmo alagepa huno aliʼyaʼmo aligiye, huno huteno lokiya vaino nateteno aliʼyaʼaleʼmo navaleno nateʼniyaʼmofeʼmo hao ke nehove.

1 Timoti 2:7

Ani kavatefeʼmo lekana paino nateʼnigeʼna geʼamo aeʼna hakalo huʼna hapa nepauva vekamoʼmo maiʼneʼna apa vekaʼamoʼnamo alu nofi vayaʼmogimo apakesamo afiʼa fatago hisayafeʼmo lama geʼamo aliʼna apaya neʼmalova vekamo maiʼnove. Aigofe gemo nosufa alagi lama gemo nehuve.

1 Timoti 3:16

Mono kavatimo hogote kavaʼmo alopa kavaʼmo haneʼnigeno alino fala ki maleʼneno alino lave liʼnigeta ani mono kavaʼmo nehune. Mani geeʼmo hutaeʼmo, Gotiʼa agufamo aliteno vayaʼai apaulagaleʼmo afole aiʼniye. Goti Aunemeʼamoʼmo hunoʼaeʼmo, fatago vekamae, huno huʼniye. Enisole vayaʼmogi ageʼnae. Alu nofi vaya alu nofi vayaʼaifeʼmo agaefeʼmo alagepa faigoko geʼamo aeʼa hakalo huʼa hapa paiʼnae. Ma mopafi vayaʼmogimo agaefeʼmo apakesamo afiʼa fatago huʼnae. Gotiʼa avalelino uno haino kokuʼnapi ateʼnigeno maiʼniye, huta nehune.

Taitasi 3:7

Gotiʼa fikumo laha maeno lamitenoʼaeʼmo, naulagaleʼmo fatago vayaʼmo maiʼnae, huno huʼnigetaeʼmo faliʼniya kavatetiʼmo Afotimotegatiʼmo maige maige huta maisuna yatimo alisunafeʼmo agava maiʼneta lamogaga neʼauna yaʼmo ago lamiʼniye.

Himulu 10:38

Inagi fatago vayaʼmo apakesamo afiʼa fatago nehaya kavatetiʼmo alagepa huʼa maigayaʼmonanafa mago vekamo halate ataleno aino atagi neno uʼnisiyaʼmoʼmo alagi aiseʼamo amuse huʼna oʼategauve, huno hu maleʼniye.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 6:19

Lavayagunagu huta agava neʼmauna yaʼmo lokiya yaʼmo afaʼa hanesiya yaʼmo haneʼniye. Aeniletiʼmo sipimo anipiʼmo aeʼa atafauʼa neʼataya yakana huno haneʼneno lagupi mafaʼnemo atafauno neʼate.

1 Pita 1:3

Lagaemo Goti agiʼaleʼmo Ala kava netimo Yesu Kalaisi afoʼamo agiʼaleʼmo alita auleta ategetao. Lusi kava huno hau huno lateʼniyaʼmofeʼmo Yesu Kalaisiʼa faliʼniyatetiʼmo ago alino he tino ateʼniya kavatetiʼmo saufa vayaʼmo halate alino lateʼniye. Lagaemo afole aisiya kavatefeʼmo agava maiʼnetaeʼmo lama geʼalefeʼmo lavayagunagu huta maisunafeʼmo ani kavaʼmo huʼniye.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.