Kolosi 1:20 - The Keyagana NT and 25 OT books

²⁰ Hauʼniyanageno kokuʼnapi vayaʼe ma mopafi vayaʼeʼmo agaetetiʼmo alino nanu aeno apatesigeʼa magokepi lokaeʼa maisayafeʼmo hauʼniye. Gotiʼa hauʼnigenoʼaeʼmo Mafaʼneʼamoʼmo malipu yosaleʼmo aino lakiʼniya kolaʼaletiʼmo alino nanu aeno lateʼniye.

Kolosi 1:20 ပူးပေါင်းရင်းမြစ်များ

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Maika 5:5

Ani vekamo vayaʼamogimo muki afinaʼmo alagepa huʼa maige maige huʼa kame osuʼa maiʼa haga lesaya kavaʼapimo aepa vekamo maigiye.

Matiyu 1:21

Agaemo ve mafaʼnemo alino atesigenoʼaeʼmo ani mafaʼnemoʼmo vayaʼamo hosu kavapatiʼmo apakufamo alino katino apategaiyaʼmofeʼmo agiʼamo Yesuʼae huka ato, huno ha paiʼniye.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Lomu 5:1

Lagesamo afita fatago huʼnonagenoʼaeʼmo Gotiʼa, naulagaleʼmo fatago vayaʼmo maiʼnae, huno laha paiʼnigeta afitetaeʼmo, aipamo falu huno nelate, huta huteta maiʼnonagenoʼaeʼmo Ala kava netimo Yesu Kalaisitetiʼmo laipamoʼmo falu nehiye.

Efasasi 1:10

Agesamo afino hu maletenoʼaeʼmo, hu maleʼnova afinaʼmo afole aisigeʼnaeʼmo muki kokuʼnapi vayaʼe ma mopafi vayaʼeʼmo aliʼna anupa huʼna apatesugeno Mafaʼneʼnimoʼmo yagaino apategaiye, huno huʼniye.

Filipai 2:10

Amiʼniyaʼmofeʼmo muki kokuʼnapi vayanagi ma mopafi vayanagi ma mopamo afeʼalumelaga vayanagi huʼa apaleʼya faiʼneʼapaeʼmo

Kolosi 1:16

Gotiʼa Kalaisipiʼmo muki yaʼe vayaʼeʼmo alo huno apateʼniye. Kokuʼnapiʼmo haneʼniya yaʼe vayaʼenagi ma mopafiʼmo haneʼniya yaʼe vayaʼenagi neʼagaya yaʼe vayaʼenagi noʼagaya yaʼe vayaʼenagi huno alo huno apateʼniye. Agaetetikeʼmo yagaiʼa neʼapataya vayanagi ala vayanagi kava vayanagi ala apaki vayanagi huno agaetefeʼmo alo huno apateʼniye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.