Kolosi 1:12 - The Keyagana NT and 25 OT books

¹² Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

Kolosi 1:12 ပူးပေါင်းရင်းမြစ်များ

Samu 116:7

Ala kava neʼmoʼa alagepa huno naha maeʼniyaʼmofeʼmo nauneʼnameyo, huʼna, aika afeleka maika haga lo.

Samu 36:9

Maige maige huta maisuna kavaʼmo aepa vekamo maiʼnane. Ha le yakamoʼmo aeno ha nelegetaeʼmo ha le yakamo ageta alagepa huta neʼagone.

Samu 79:13

Inagi lagaemo vayakamo ina kava huta sipisipi anagakamogitamo muki afinaʼae afinaʼaeʼmo kahaoke hegaune.

Samu 97:11

Gotiʼa fatago vayaʼmogi ha le yaʼmo alisayafeʼmo ha le yaʼmo avina yaʼmo nefaiye. Agaemo fatago vayaʼamogi apamogaga aisayafeʼmo apamogaga aisaya avina yaʼmo nefaiye.

Mai'naya kavane 16:1

Vayaʼmogimo hisaya kavafeʼmo apakesa afifi huge huge huʼa neʼmaiyaʼmonanafa Ala kava neʼmoʼa ani hisaya gemo alino neʼapamiye.

Mai'naya kavane 4:18

Hosu vayaʼai kateʼmo hani huʼniye. Asagauʼa aiʼnageno apaiyafiʼmo nehapaigeʼapaeʼmo na agufa yateʼmo laiyafiʼmo lahaeʼnifi huʼa oʼageʼnae. Oʼageʼnayaʼmonanafa yegemo netepiʼmo haineteno leme leme haineno magoʼe huno leno lokiya neʼviya kava huʼa fatago vayaʼmo neʼvaya kateʼmo magoʼe huʼa alagepa huʼa uʼa haiʼa hapaigae.

Neniyo 2:23

O Gotiyo, huʼna, naginago vayaʼmogi Gotiʼapimogae, huʼna, kahaoke heʼna ala kagikamo nekamuve. Kagaemo afiteʼna ageʼnova kavaʼe himamuʼniʼeʼmo namiʼnane. Lagaemo nunumuʼmo huta ge huta kafi geʼnonageka ago alika nave liʼnane. Kini vekamoʼmo, aepaʼamo naha paiyo, huno huʼnigekaeʼmo alagamuna gemo aepaʼamo ago alika lave liʼnane, huno huʼniye.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Yoni 4:23

Goti Aunemeʼamoʼmo lama ge mono nehaya vayaʼai apaipafiʼmo aliʼyaʼmo alisigeʼapaeʼmo muki yaʼmo Afoʼamofeʼmo apaipa apakesafatiʼmo mono huteʼa Goti geʼamo lama gelefeʼmo mono hisaya afinaʼmo afole aisiyafeʼmo nehiyaʼmonanafa hemenimo ago afole aiʼniye. Muki yaʼmo Afoʼamoʼmo ani agufa vayaʼmogi agaefeʼmo mono hisaya agufa vayaʼmo kahauya huno apakesiyafeʼmo nehiye.

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Apa 26:18

Apakaemo nagaefeʼmo apakesamo afiʼa fatago hisageʼna hosu kavaʼapimo aliʼna atalesugeʼa Goti apaote vayaʼaʼeʼmo hetamaʼapimo aliteʼa magokepi lokaeʼa maisayafeʼmo kagaemo uka apaulagamo alika ayakeka apateteka hani huʼnisiya yategatiʼmo apayate alinika aika atagi nekeka ha le yategamo apategane. Sataniʼa yagaino neʼapateya kegiʼyafatiʼmo apayate alika apavalelikeka Gotiʼa neʼyagaiya kegiʼyafiʼmo apategane, huno naha paiʼniye, huno ha paiʼniye.

Lomu 11:17

Gotiʼa hoyafiʼmo haneʼniya yosamo agiʼamo olivi yosa akopamo lo aeno ataleteno kahaufilaga olivi yosa akopamo lo aelineno aeno hanino ateʼniye. Lapakaemo alu nofi vayaʼmo kahaufilaga yosagana hutapa maiʼnae. Hemenimo lapakaemo yosa akopaʼaʼeʼmo lokaetapa maiʼnetapaeʼmo hafuʼyaʼafatiʼmo yosa anumo aliʼnageno alino lokiya vaino nelapate.

Lomu 15:27

Yu nofi vayaʼmo oʼmaiʼnaya vayaʼmogimo hapauʼniyaʼmonanafa Yu vayaʼaina hapa maesaya anonaʼapimo haneʼniye. Yu vayaʼmogimo apauneʼapameʼmo hapa maesiya yaʼmo apamiʼnayaʼmofeʼmo Yu nofi vayaʼmo oʼmaiʼnaya vayaʼmogimo Yu vayaʼaina amega apakufale yaʼmo apamisaya agufa anonaʼapimo haneʼniye.

Lomu 8:17

Goti mafaʼneʼamo maiʼnonaʼmofeʼmo Afotimo yaʼamo alisunafeʼmo mafaʼneʼamo maiʼnone. Kalaisiʼeʼmo Afotimo yaʼmo aligune. Lagaemo agaeʼeʼmo magokepi kana yaʼmo neʼalisunana agaeʼeʼmo ha le konali yaʼamo magokepi aligune.

Lomu 9:23

Ani kavaʼmo huno Gotiʼa mago vayaʼamo lusi ha le konali yaʼamo alino apavelisigeʼa agesayafeʼmo hogoteno alo huno apateʼniye. Apakaemo mopa kegana huʼa maiʼnayanageno Gotiʼa hau huno apategaiye.

1 Kolitiyani 8:6

Maiʼnayaʼmonanafa ago afiteta ageʼnonana magoke Gotiʼa afotimoʼmo maiʼniye. Agaemo muki yaʼmo afoʼamoʼmo maiʼnigeta agaetefeʼmo afaʼa maiʼnone. Ani kavaʼmo huno magoke Ala kava netimo maiʼniye. Agaemo Yesu Kalaisiʼa maiʼnigeno Gotiʼa agaetetiʼmo muki yaʼamo alo hu maleʼniye. Lagaemo agaetetiʼmo afaʼa maisuna yaʼmo aliteta maiʼnone.

1 Kolitiyani 9:23

Alagepa faigoko geʼamo aino atagu faesiyafeʼmo mani kavaʼmo nehuve. Alagepa faigoko geʼaletiʼmo fiku naha maeno namisiya yaʼmo muki vayaʼeʼmo magokepi alisunafeʼmo ani kavaʼmo huʼna maiʼnove.

2 Kolitiyani 11:14

Sataniʼa agaiʼamo alino aino afe leno ha le enisole vekagana huno alino hamaleno ateʼniyaʼmofeʼmo aigofe apa vayaʼmogi hisaya kavaʼapieʼmo lahau oʼaigune. Atupa afinaʼmo nehaya kavaʼapimo anonaʼapilefeʼmo alino hano huno apatalegaiye.

2 Kolitiyani 5:5

Ani kavaʼmo huta maisunafeʼmo alo huno lateʼniya vekamo Gotiʼa maiʼniye. Agaemo lamisiya yapatiʼmo Aunemeʼamo ago alino lamiʼniyaʼmofeʼmo muki yaʼamo alagi lamigiye, huta ago afiʼnone.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 3:6

Alu nofi vayaʼmogimo Kalaisifeʼmo alagepa faigoko geʼamo afiteʼa apakaeʼeʼmo magoke vayaʼmo hamaleteʼa Gotiʼa Yu vayaʼaina apamisigeʼa alisaya kava huʼa Kalaisitetiʼmo aligae. Mafaʼneʼapimogimo muki afoʼapimogi yaʼmo neʼaliya kava huʼa aligae, huno alino lave liʼniye.

Efasasi 4:6

Magoke Gotiʼa muki vayaʼamogita afotimoʼmo maiʼniye. Agaemo muki vayaʼamogitaleʼmo yagaino latege muki vayaʼamogitafiʼmo aliʼyaʼmo alige muki vayaʼamogita laipafiʼmo maige nehiye.

Efasasi 5:11

Hanipiʼmo nehaya kavaʼmoʼa alagamo noʼaeyanagi hosu kavaʼmo nehaya vayaʼeʼmo afalu afalugana agufa kavaʼmo osutapa hosu kavaʼapimo ha le yategamo alita afole aitapa ateyo.

Efasasi 5:20

Muki afinaʼmo muki yaʼe kavateʼefeʼmo Afotimo Gotifeʼmo Ala kava netimo Yesu Kalaisi agiʼaletiʼmo hao ke hetapa maiyo.

Efasasi 5:4

Alino oʼaniʼya faino neʼapateya agufa gemo osuge negi nagi gemo osuge hosu kigi yokalo gemo osuge hutapa maiyo. Goti mafaʼneʼamogi nosaya agufa gemo haneʼniyanagi ani agufa gemo osutapa Gotifekeʼmo hao ke heyo.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

Kolosi 2:2

Lapaipamoʼmo atete osuno lokiya vaino haneʼnisigetapa lapau lapayamopafiʼmo lapauʼnisigetapa magoke lapaipa lapakesamo alita maisayafeʼmo aliʼyaʼmo neʼaluve. Ani kavaʼmo huta maiʼnetapaeʼmo Gotiʼa hogoteno alino fala kino ateʼneno alino lapaveliʼniya vekamo Kalaisiʼmo alagepa hutapa ageta aeto hutetapa lole lapakesamo oʼafitapa lusi kava huta magoke lapakesamo afisayafeʼmo nahauʼniye.

Kolosi 3:15

Gotiʼa lapaipamo alino falu huno lapateʼniya kavaʼmoʼa lapaipaleʼmo yagaino lapateno. Gotiʼa magoke vayaʼmo maisageno lapaipamoʼmo falu hisiyafeʼmo keya aeno ge huʼniye. Ani kavaʼmo hutapa maiʼnetapaeʼmo Gotifeʼmo hao ke heyo.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 12:23

Gotiʼa yege mafaʼneʼamogi apakiʼapimo kokuʼnapiʼmo avoʼmo kae maleʼniya vayaʼmo aliʼa anupa huʼa maiʼneʼa apamogaga neʼaiyategamo etapa maiʼnae. Lapakaemo Gotiʼa muki vayaʼmo alino fako huno neʼapateya vekalegamo eʼnae. Fatago vayaʼmo alino alagepa huno apateʼniya vayaʼai apauneʼapametegamo eʼnae.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Yemisi 3:9

Lavayafatiʼmo Afotimo Gotifeʼmo alita auleta atetetaeʼmo Gotiʼa agaiʼagana huno alo huno apateʼniya vayaʼaifeʼmo lifana huta neʼapatone.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

Leveleseni 21:23

Gotiʼa ha le konali yaʼamoʼmo aeno ha leʼnigeno aikeli sipisipimoʼa lamugana huno aeno ha neleyaʼmofeʼmo yegemoʼe kaimoʼeʼmo aeʼana ha lesaʼa aliʼyaʼanimo alagi ohaneʼniye.

Leveleseni 22:14

Gotiʼa ani kavaʼmo hiyo, ina kavaʼmo osiyo, huno huʼniya gemo akame nehaya vayaʼmogimo Goti aulena vayaʼamogimo taoni lafi kate kipatetiʼmo uʼa haiʼa afaʼa neʼmaiya yaʼmo neʼapamiya yosa alagamo negae.

Leveleseni 22:5

Halate magoʼe huno hani osugiye. Ala kava neʼmo Gotiʼa ha le yaʼmo apamigiyaʼmofeʼmo lamumoʼmo aeno ha neleya yaʼmo alagi ohanegaiye. Apakaemo yagaime yagaime uʼa yagaiʼa hano osuʼa maigae.