Kolosi 1:10 - The Keyagana NT and 25 OT books

¹⁰ Gotiʼa ani kavaʼmo hisigeta ala agiʼamo amisaya kavaʼmo hutapa maisageno alagepa kavaʼmoʼa lapaipafatiʼmo alagagana huno afole aisigetapa Gotiʼmo magoʼe magoʼe hutapa agesaya kavaʼmo hutapa maisayafeʼmo nunumuʼmo nehune.

Kolosi 1:10 ပူးပေါင်းရင်းမြစ်များ

Mai'naya kavane 16:7

Ala kava neʼmoʼa mago vekamo kavafeʼmo haoke nehesiyaʼmoʼmo kame vayaʼaʼeʼmo magokepi lokaeno maisiyafeʼmo apaipamo alino falu hugiye.

Aiyeya 53:11

Agupi mafaʼnemoʼmo lusi kava huno kana huʼniya aliʼyaʼmo alisigeno neʼyaʼmo afole aigiyaʼmofeʼmo aipamoʼmo ha gegaiye. Aliʼyaʼnimo neʼaliya fatago vekamoʼmo hosu kavaʼapimo aligiyaʼmofeʼmo agaemo ageʼa alagepa huʼa agesaya kavatetiʼmo asole vayaʼaifeʼmo, naulagaleʼmo fatago vayaʼmo maiʼnae, huno hapa paigiye.

Neniyo 12:4

Inagi hemenimo kagaemo Neniyogamo mani gemo haneʼniya mukumo aika akaniyo. Ani mukumo aino akanino haneʼnisigeno atupa afinaʼmo afole aigiye. Asole vayaʼmo nagu nagu huʼa u eʼa hisageʼa magoʼe huʼa afiteʼa agegae, huno naha paiʼniye.

Maika 4:5

Muki vayaʼmo apaote apaote huʼa gotiʼapimogi apakiʼapilefeʼmo umenitata nehayaʼmonanafa lagaemo Ala kava neʼmo Gotitimo agiʼalefekeʼmo muki afinaʼmo umenitata huge huge huta maigune, huta nehune.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:8

Lapakaemo asole alagamo aeʼnetapaeʼmo Afoʼnimoʼmo ala agiʼamo amisaya kavatetiʼmo geʼnimo neʼafiya vayaʼmo maigae.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Lomu 1:13

Konagaʼnimogitapae, huʼna, mago gemo afisayafeʼmo nahauʼniyanagi lapakaemo alagepa hutapa afiyo. Muki afinaʼmo huʼnaeʼmo, uguve, huʼna nehuvaʼmonanafa lapakaetegamo visuva kaʼmo ago akani maleʼniye. Nagaemo Yu nofi vayapati oʼmaiʼnaya vayaʼaitegamo uʼna Goti geʼamo hakaleʼnogeno alagamo aeʼniya kava huʼna lapakaetegaʼeʼmo uʼna Goti geʼamo hakalesugeno alagamo aesiyafeʼmo neʼnahaiye.

Lomu 4:12

Agaemo apakufamo lagauʼnaya kavaʼageʼmo huʼnaya vayaʼai afoʼapimoʼmo oʼmaiʼniyaʼmonanafa apakufamo lagauʼnaya vayaʼmogimo Emalehamuʼa agufamo olagauʼniya afinaʼmo agesamo afino fatago huʼniya kavaʼamo akame nehisaya vayageʼmo afoʼapimoʼmo maiʼniye.

Lomu 6:4

Muki yaʼmo Afoʼamoʼmo ha le konali yaʼaletiʼmo Kalaisiʼa faliʼniyatetiʼmo ago alino he tino ateʼniya kava huta he tita saufa kavaʼmo huta maisunafeʼmo Gotiʼa Kalaisipiʼmo aniʼmo faleno lateʼnigeta agaeʼeʼmo magokepi faliʼnonagenoʼaeʼmo agaeʼeʼmo magokepi kino lateʼniye.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

2 Kolitiyani 5:9

Lagufafiʼmo maiʼnopi ataleta visupi nehutaeʼmo amuse huno latesiyafeʼmo aliʼyaʼamo neʼalune.

2 Kolitiyani 9:8

Gotiʼa magoʼe huno fikumo lapa maeno lapamisigeno muki afinaʼmo muki yatapimo magoʼe huno havai teʼnisigetapa muki alagepa aliʼyaʼmo afaʼa aligae.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 4:13

Ani kavaʼmo huta kosime kosime neʼutaeʼmo magokepi lokaeta maiʼneta magoke lagesamo afita fatago huge Goti Mafaʼneʼamo alagepa huta agege nehutaeʼmo alopa vayakana huta maiʼneta uta haita hapaigune. Kalaisiʼa alagi alopa vekagana huno maiʼniyanageta ani kavaʼmo huta kosime kosime uta Kalaisikana huta maigune.

Efasasi 5:10

Mafaʼneʼamo maiʼnetapaeʼmo Ala kava neʼmoʼa hauʼniya kavaʼmo amalageka hutapa agegeyo.

Efasasi 5:15

Huʼniyaʼmofeʼmo muki afinaʼmo alu kava alu kavaʼmo nehutapaeʼmo alagepa hutapa yagaita maiyo. Negi vayaʼmogi kavaʼmo osutapa ageteʼa afiʼnaya vayaʼmogi kavakeʼmo hutapa maiyo.

Efasasi 5:2

Kalaisiʼa lagaefeʼmo hau ayamopafiʼmo hauʼnigenoʼaeʼmo agufaʼamo sipisipimo amagiʼnaya agufa kavaʼmo huno alagepa atumo neʼaiya ofalinimo Gotiʼmo amiʼniya agufa kavaʼmo hutapa konagatapieʼmo lapau lapayamopafiʼmo lapauʼninagetapa maiyo.

Filipai 1:27

Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

Kolosi 2:19

Apakaemo agufamo agenopagana huno maiʼniya vekamo Kalaisiʼmo oʼatafauʼa afaʼa ataleʼnae. Kalaisiʼa agufaleʼmo yagaino neʼategenoʼaeʼmo aeno hapaiʼniya yaʼaʼe aganunaʼeʼmo aeno haniteno alino magokepi lokaeno ateʼnigeno Goti himamuʼaletiʼmo ko nesiye.

Kolosi 2:6

Lapakaemo Kalaisi Yesufeʼmo hutapaeʼmo, Ala kava netimo maiʼniye, hutetapa aliʼnaya kavaʼmo hutapa agaepiʼmo mailita mailita viyo.

Kolosi 3:20

Mafaʼnemogitapae, huʼna, muki kavatefeʼmo itatapi afotapimogi geʼapimo afisagenoʼaeʼmo Ala kava neʼmoʼa lusi kava huno amuse huno lapategaiyaʼmofeʼmo ani kavaʼmo hiyo.

Kolosi 4:5

Lapakaemo malaga vayaʼaifeʼmo alagepa huta lapakesamo afitetapa alagepa kavaʼmo hiyo. Lapakaemo alagepa kavaʼmo hisaya afinaʼmo ago hano hugiyanagi alagepa kavaʼmo hutapa alagepa aliʼyaʼmo aliyo.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

1 Tesaloniyani 4:1

Inagi konagatimogitapae, huta, lagaemo Gotiʼa hauʼniya kavaʼmo hutapa maisayafeʼmo alita lapaya maleʼnone. Ani kava hutapa maiʼnae. Hemenimo Ala kava neʼmo Yesutetiʼmo lokiya gefatiʼmo lapao ke hetaeʼmo, magoʼe hutapa alagepa kavaʼmo hutapa maiyo.

2 Timoti 2:4

Ati vayaʼmogimo kamemo hisayafeʼmo ma mopafi yaʼmoʼa apatafauno apatesiya agufa aliʼyaʼmo noʼaliye. Ati aliʼyateʼmo apavaleno apateʼniya vekamoʼmo amuse huno apatesiyafeʼmae.

Taitasi 3:1

Kagaemo, Gamani vayaʼai geʼapimo afige ala vayatapimo yagaiʼa nelapataya vayaʼai geʼapimo afige hutetapa akame nehutapaeʼmo muki alagepa kavaʼamo hisayafeʼmo alo hutapa maiyo, huka hapa paiyo. Mani gemo ago afiʼnayaʼmonanafa halate hapa paiyo.

Taitasi 3:14

Vayatimogi muki afinaʼmo alagepa kavaʼmo nehuʼa mago yafeʼmo kafu nehaya vayaʼmo hapa maesayafeʼmo fiku yanageʼa kafu hugayanagi apakeyo.

Himulu 11:5

Inokiʼa agesamo afino fatago huʼniya kavatetiʼmo ofalino afaʼa maiʼniye. Gotiʼa kokuʼnapiʼmo ago avalelino uno haiʼniyaʼmofeʼmo kahauya huʼnayana oʼageʼnae. Gotiʼa kokuʼnapiʼmo avalelino ohaiʼniya afinaʼmo hogoteno Inokifeʼmo amuse huno ateʼniyaʼmofeʼmae, huno huʼniye.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

2 Pita 1:8

Mani kavaʼmo magoʼe magoʼe hutapa hisayana Ala kava netimo Yesu Kalaisiʼmo agetapa aeto huʼnaya kavatetiʼmo afaʼa oʼmaitapa alagamo aegae.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

3 Yoni 1:6

Ani nata vayaʼmogi siosi vayaʼaitegamo nehana kavafeʼmo huʼapaeʼmo, alagepa kavaʼmo nehiye, huʼa huʼnae. Kagaemo Gotiʼa ala agiʼamo alisiyafeʼmo kateʼmo uʼeʼa hisaya vayaʼmo hapa maesanana kanale kavaʼmo hugane.