Himulu 9:4 - The Keyagana NT and 25 OT books

⁴ Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.

Himulu 9:4 ပူးပေါင်းရင်းမြစ်များ

Hatu maeno apate'niya gemae 31:18

Ala kava neʼmoʼa Sainai avefiʼmo ani gemo ha paitenoʼaeʼmo lole latapa yafatalateʼmo ayatetiʼmo avoʼmo kae maleʼniya yafatalaʼmo amiʼniye.

Hatu maeno apate'niya gemae 32:15

Inagi Moseseʼa lole yafatalaʼmo aliteno avefatiʼmo ataleno uno lamiʼniye. Ala kava neʼmoʼa ani lole yafatalateʼmo aluga alugaʼalateʼmo avoʼmo kae maleʼniye.

Hatu maeno apate'niya gemae 34:29

Moseseʼa avefiʼmo maiʼneno Ala kava neʼeʼmo gege huʼnaʼagenoʼaeʼmo augosafatiʼmo aeno ha leʼniyaʼmonanafa avefatiʼmo ataleno lole latapa yafatalaʼmo alinino uno laminoʼaeʼmo aeno ha leʼniye, huno agaiʼamo oʼageʼniye.

Hatu maeno apate'niya gemae 40:3

Lapakaemo kotalake kesifiʼmo naya loleʼa keʼaepa gemo haneʼniya kesimo seli nopiʼmo alinita haitapa maletetapa alopa latapa kenaletiʼmo folagapiʼmo aetapa asai malesageno loleʼmo anagaʼe afelagaʼeʼmo hanegaiye.

Napa 17:10

Ala kava neʼmoʼa Mosesefeʼmo ha painoʼaeʼmo, Eloni hayopa kayoʼmo halate seli mono nopiʼmo alinika haika kotalake kesimo haopaleʼmo malo. Gemo amagiʼa neʼatalaya vayaʼmogimo apakesamo afisaya alagena yaʼmo hanegaiye. Apakaemo ofalisayafeʼmo magoʼe huʼa ge oʼnegae.

Napa 17:5

Inagi nagaemo lekana paiʼna ateʼnova vekamo hayopa kayopatiʼmo ausasiʼmo aegaiye. Ani kavatetiʼmo nagaemo Isaleli vayaʼmogi kagaefeʼmo ge kahauʼnaya vayaʼai apavayamo aliʼna akani malegauve.

Napa 17:8

Moseseʼa egaʼamo seli mono nopiʼmo uno haino ageʼniyana Eloniʼmo Livai nofi vekamo hayopa kayoʼafatiʼmo ausasi aeteno ausemo heteno Amoni alagamo aeteno ago afu leʼniye.

Leveleseni 11:19

Goti aote mono noʼamo kokuʼnapiʼmo haneʼniya noʼmo yakiʼnigeʼa ageʼnayana ani mono nopiʼmo kotalakemo yafateʼmo avoʼmo kae maleʼniya keʼaepa gemo kesifiʼmo haneʼnigeʼa ageʼnae. Hafosa lamiʼnigeno alino alave alave huteno hakalu hakalu huʼnigeno imimaʼmo aliʼnigeno lusi ko mopa koʼmo aiʼniye.

Leveleseni 8:3

Mago alu enisole vekamoʼmo goli yuvapafiʼmo atamo kaeʼa neʼmalaya yuvapamo aliteno ofalinimo neʼmalaya hiʼyalamuteʼmo eno he tino maiʼniye. Mago vekamoʼmo asole yaʼmo atafiʼmo kaeʼnigeno alagepa atumo neʼaiya yaʼmo alino enisole vekamo amiʼniye. Muki apaote vayaʼmogimo nunumuʼmo nehaya geʼapiʼe alagepa atumo neʼaiya yaʼeʼmo alino goli hiʼyalamuteʼmo maleteno Gotiʼmo amisiyafeʼmo amiʼniye.