Himulu 9:23 - The Keyagana NT and 25 OT books

²³ Ani kavaʼmo haneʼniyaʼmofeʼmo apakaemo afumo kolatetiʼmo ma mopafi mono kavaʼmo huteʼa kokuʼnapi aune kavatefeʼmo aeʼa kalo paeʼa ataleʼnayaʼmonanafa kokuʼnapi yaʼmoʼa aeno kalo paeno atalesiyafeʼmo afumo amagiʼa amiʼnaya ofalinimo ago aeno agaseʼniya ofaliniletiʼmo aeno kalo paeno ataleʼniye.

Himulu 9:23 ပူးပေါင်းရင်းမြစ်များ

Luki 24:26

Apakaemo huʼapaeʼmo, Kalaisi vekamo hogoteno agafu kitesigenoʼaekeʼmo ala agiʼamo aligiye, huʼa avoʼmo kae maleʼnaya gemo oʼafiʼnaʼafiye.

Luki 24:46

Huno hapa paitenoʼaeʼmo, Kalaisi vekamo agafu kisigeno falitenoʼaeʼmo napa tali afinaʼmo kanolufatiʼmo he tigiye.

Yoni 14:3

Haiʼna notapimo alo huʼna lapateteʼnaeʼmo nagaegiʼeʼmo magokepi uta haita lokaeta maisunafeʼmo emiʼneʼna lapavalesugeta uta haigune.

Apa 23:15

Lapakaeʼe kanisole vayaʼeʼmo hogote Lomu vekamo yagaino neʼapateya vekaeʼmo hutapaeʼmo, lagaemo Poloʼmo magoʼe gemo hisigeta afigefesunanagi Poloʼmo avalelika eno, hutapa ha paiyo. Avaleliʼa neʼesagetaeʼmo kateʼmo kafo yagaiʼneta kamitimo amagigune, huʼa hapa paiʼnae.

Kolosi 2:17

Mani agufa kavaʼmo afole aisiya kavafeʼmo aune kavaʼmo haneʼniyaʼmonanafa Kalaisi auneʼamo ageʼnayana agufaʼamo ago afole aiʼniye.

Himulu 10:1

Gotiʼa Yu vayaʼmo apamiʼniya keʼaepa gemoʼmo alagepa aune kavaʼmo ohaneʼnifa alagepa kavaʼmo Gotiʼa afole aigiye, huno hu maleʼniya kavaʼmo alino lave lisiyafeʼmo yegemo auneʼagana huno haneʼniye. Kafugaʼae kafugaʼaeʼmo afumo amagiʼa amiʼnayaʼmonanafa ani agufa ofalinimoʼa alagepa huʼa maige maige huʼa maisayafeʼmo Gotitegamo neʼvaya vayaʼmo alagi alino alagepa huno oʼapategaiye.

Himulu 10:4

Pulumakamo kolaʼmoʼe mememo kolaʼmoʼeʼmo hosu kavaʼapimo afaʼa alino oʼatalegaiye.

Himulu 8:5

Moseseʼa ani seli mono noʼmo kisiyafeʼmo nehigenoʼaeʼmo Gotiʼa, aveleʼmo maiʼnanageʼnaeʼmo ago aliʼna kave liʼnovanagi ani kava huka ageka alagepa huka aune yaʼmo alo huvo, huno ha paiʼniye. Apakaemo kokuʼnapi haneʼniya mono nokana huno haneʼniya agufa aune nopiʼmo aliʼyaʼmo neʼaliye.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.