Himulu 9:16 - The Keyagana NT and 25 OT books

¹⁶ Mago vayaʼmogi manu gemo huʼapaeʼmo, kagemi yaʼnimo aliyo, huʼa hapa paiteʼa falisageʼapaeʼmo afaʼa aligayaʼmonanafa ofaliʼa afaʼa maiʼnisageʼapaeʼmo oʼaligae.

Himulu 9:16 ပူးပေါင်းရင်းမြစ်များ

Lomu 5:12

Inagi hosu kavaʼmo magoke vekafatiʼmo muki ma mopafi vayapiʼmo afole aiʼnigeno ani hosu kavaʼaletiʼmo nefaliya kavaʼmo afole aiʼniye. Nefaliya kavaʼmo ani katetikeʼmo afole aiteno muki vayaʼaitegamo aino atagu faeno uneno huʼniye. Muki vayaʼmo magoke vekamoʼmo hosu kavaʼmo huʼniya afinaʼmo Atamupiʼmo maiʼneʼapaeʼmo hosu kavaʼmo huʼnae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

1 Kolitiyani 15:22

Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 9:15

Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.

Himulu 9:17

Afaʼa neʼmaiya afinaʼmo manu gemo hu maleʼnaya gemo afaʼa nehaneyaʼmonanafa falisagenoʼaekeʼmo ani hu maleʼnaya manu gemo afole aigiye.

Yemisi 2:10

Na kava nehayaʼmofeʼmae. Muki keʼaepa geʼamo akame huteʼapaeʼmo magoke keʼaepa gemo amagiʼa neʼatalesayana muki keʼaepa geʼamo ago amagiʼa neʼatalayanageʼa vaiʼmo aligae.