Himulu 9:15 - The Keyagana NT and 25 OT books

¹⁵ Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.

Himulu 9:15 ပူးပေါင်းရင်းမြစ်များ

Samu 37:18

Ala kava neʼmoʼa fatago vayaʼmo alagepa huʼa maigae, huno apakeʼniye. Hetamaʼapimo afaʼa hanege hanege huno hanegaiye.

Neniyo 9:26

Inagi sigisiti tuʼa sotamo utesigeʼa Mesaiya vekamo agoti huʼa ateteʼa amagisageno faligiyaʼmonanafa agaiʼalefeʼmo ofaligiye. Falitesigeʼapaeʼmo afole aisiya kini vekamo ami vayaʼamogimo eʼa Yulusalemu taoniʼe mono noʼeʼmo heʼa halagape vaiʼa atalegae. Alopa aniʼmoʼa ani heteno muki yaʼmo alinino neʼviya kava huno ani kamemoʼmo muki yaʼe vayaʼeʼmo alinino ugiye. Gotiʼa hu maleʼniya alopa kana yaʼmo afole aime aime neʼvisigenoʼaeʼmo ani kamemoʼmo hano hugiye.

Matiyu 19:29

Muki vayaʼmogimo nagaetefeʼmo noʼapimo ataleʼa eʼnisafi konagaʼapimogi apataleʼa eʼnisafi apasaʼapimogi apataleʼa eʼnisafi afoʼapimogi apataleʼa eʼnisafi itaʼapimogi apataleʼa eʼnisafi mafaʼneʼapimo apataleʼa eʼnisafi hoyaʼapimo ataleʼa eʼnisafi huʼnisaya vayaʼmogimo vani hataletiʼa agufa yaʼmo aliteʼa alagepa huʼa maige maige huʼa maigae.

Matiyu 22:3

Agaemo aliʼyaʼamo neʼaliya vayaʼmo alino apateʼnigeʼa uʼa eyo huno ge huʼniya vayaʼaifeʼmo hapa paiʼapaeʼmo, yahauve vekamoʼmo ago neʼyaʼmo kaeʼniyanagi eyo, huno huʼniye, huʼa hapa paiʼnayaʼmonanafa oʼafiʼnae.

Matiyu 25:34

Apateʼnenoʼaeʼmo ala kini vekaʼapimoʼmo lamaga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo alino auleno lapateʼniya vayanagi eyo. Gotiʼa ma mopamo alo huʼniya afinaʼmo lapamisiyafeʼmo alo huno lapateʼniye. Mafaʼneʼapimogimo afoʼapimogi yaʼmo neʼaliya kava hutapa uta haita muki yaʼnimo aliyo.

Matiyu 25:36

Kukenaʼnimo ohaneʼnigetapaeʼmo kukenamo aliniteta vaitapa natege kaita nahauʼnigetapaeʼmo eta yagaita natege kalavusifiʼmo maiʼnogetapaeʼmo eta nagege huʼnayaʼmofeʼmae, huno hapa paigiye.

Maki 10:17

Yesuʼa ugefeʼmo kateʼmo neʼvigenoʼaeʼmo mago vekamo nagu nagu huno eno aleʼya faiʼnenoʼaeʼmo, Alagepa tisao, huno, maige maige huʼna maisuva yaʼmo alisuvafeʼmo na kavaʼmo hisuve, huno afi geʼnigenoʼaeʼmo

Luki 18:18

Mago yagaino neʼapateya vekamoʼmo Yesufeʼmo hunoʼaeʼmo, alagepa tisao, huno, alagepa huʼna maige maige huʼna maisuva yaʼmo alisuvafeʼmo na agufa kavaʼmo hisuve, huno ge huno afi geʼnigenoʼaeʼmo,

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

Yoni 10:28

Nagaemo maige maige huʼa maisaya yaʼmo aliʼna neʼapamuvanageʼa alagi ofaligae. Mago vayaʼmogi eʼa nayapatiʼmo aliʼa naha faleʼa oʼapatalegae.

Apa 20:32

Konagaʼnimogitapae, huʼna, hemenimo nagaemo Gotiʼa yagaino lapatesiyafeʼmo ayapiʼmo lapateʼnove. Gotiʼa fiku hapa maeno neʼapamiya geʼaletiʼmo afaʼa alino lokiya vaino lapateteno hetamatapimo lapamiteno apaote vayaʼaʼeʼmo magokepi alino lokaeno lapategaiye.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Lomu 5:6

Hauʼniya kavatefeʼmo lokiyatimo ohaneʼnigeta Gotifeʼmo mono osuta hosu kavaʼmo nehuna vayaʼmogitalefeʼmo Gotiʼa lekana pai maleʼniya afinaʼmo Kalaisiʼmo ago falino lateʼniye.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Lomu 8:28

Muki alu kava alu kavaʼmo afole neʼaiya kavaʼmoʼa Gotifeʼmo hapau apayamopafiʼmo nehapaiya vayaʼaifeʼmo Gotiʼa huguve, huno hu maleʼniya geʼaletiʼmo keya aeno ge huʼniya vayaʼmo alagepa huʼa maisayafeʼmo muki alu kavatetiʼe alu kavatetiʼeʼmo alino magokepi lokaeno aliʼyaʼmo neʼaliye.

Lomu 8:30

Lekana paino apateʼniya vayaʼaifeʼmo keya aeno ge huʼniye. Keya aeno ge huʼniya vayaʼaifeʼmo, naulagaleʼmo fatago vayaʼmo maiʼnae, huno hapa paiʼniye. Naulagaleʼmo fatago vayaʼmo maiʼnae, huno hapa paiʼniya vayaʼmo ha le konali yaʼamo apamiʼniye.

Lomu 9:24

Keya aeno ge huʼniya vayaʼmogitalegamo ani kavaʼmo huʼniye. Yu vayaʼaifekeʼmo keya aeno ge osuʼnifa alu nofi vayaʼefeʼmo keya aeno ge huʼniye.

2 Kolitiyani 3:6

Agaemo aliʼyaʼamo alisunafeʼmo lokiya vaino lateʼnigeta saufa kotalakeleʼmo aliʼyaʼamo neʼaluna vayaʼmo maiʼnone. Saufa kotalake gemo malaga yateʼmo avoʼmo kae maleʼniya keʼaepa gegana huno ohaneʼnifa Aunemeʼaʼe gemo yuʼilaga gemo haneʼniye. Keʼaepa gemoʼa vayaʼmo apamagigeʼa nefaliyaʼmonanafa Aunemeʼamoʼmo afaʼa maisaya yaʼmo neʼapamiye.

Galesiya 3:20

Magoke vekaeʼmo fikumo kaha maeʼna kamiguve, huno ha paisiyaʼmoʼmo folagapi vekamo aliʼyaʼamo ohanegaiyaʼmofeʼmo Gotiʼa Emalehamufeʼmo, fikumo kaha maegauve, huno ha paiʼniya afinaʼmo folagapi vekamo oʼmaiʼnigenoʼaeʼmo hu maleʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

2 Tesaloniyani 2:14

Lagaemo alagepa faigoko geʼamo aeta hakalo huta lapa nepaunagenoʼaeʼmo Gotiʼa Ala kava netimo Yesu Kalaisi ha le konali yaʼamo alisayafeʼmo keya aeno ge huʼniye.

1 Timoti 2:5

Gotiʼa magoke vekamo maiʼnigeta lagaemo maiʼnonanageno agaeʼeʼmo magokepi lokaeta maisunafeʼmo ani magoke vekamo folagapi vekamoʼmo Kalaisi Yesuʼa vayaʼmo maiʼniye.

2 Timoti 2:10

Nagaemo lekana paino apateʼniya vayaʼmo Kalaisi Yesupiʼmo maiʼnisageno Gotiʼa apakufamo alino katino apatesigeʼapaeʼmo ha le konali yaʼamo aliteʼa maige maige huʼa maisayafeʼmo Goti aliʼyaʼamo oʼataleʼna neʼaliʼnaeʼmo muki alu kana ya alu kana yaʼmo neʼaluve.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Taitasi 3:7

Gotiʼa fikumo laha maeno lamitenoʼaeʼmo, naulagaleʼmo fatago vayaʼmo maiʼnae, huno huʼnigetaeʼmo faliʼniya kavatetiʼmo Afotimotegatiʼmo maige maige huta maisuna yatimo alisunafeʼmo agava maiʼneta lamogaga neʼauna yaʼmo ago lamiʼniye.

Himulu 10:34

Nagaemo kalavusifiʼmo maiʼnogetapaeʼmo lapau hutapa nateʼnae. Kagemi yatapimo kumayaʼmo aliʼnagetapaeʼmo kanalene, hutapa huʼnae. Hogote kagemi yatimo kokuʼnapiʼmo okasalisiya kagemi yatimo haneʼniye, hutapa lapaipafiʼmo lapakesamo afiʼnayaʼmofeʼmae.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 11:13

Ani muki vayaʼamogimo apakesamo afiʼa fatago hume hume eʼa faliʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo oʼaliʼnayaʼmonanafa muga afagiʼaleʼmo haneʼnigeʼa ageteʼapaeʼmo, aligune, huʼa magoke apakesamo afiteʼa ani geleʼmo atafauʼa anukiʼa alagi huʼa maigekana huʼa atafauʼa alagi huʼa maiʼnae. Ani kavaʼmo huʼa maiʼneʼapaeʼmo, nata vayaʼmo alu kotega vayaʼmo maiʼnone, huʼa huʼnae.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 2:14

Mafaʼnemogi apakufaʼe kolaʼeʼmo neʼaliya kava huno falisiyafeʼmo agufaʼe kolaʼaʼeʼmo aliʼniye.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 6:13

Akeyaʼvilagamo Gotiʼa Emalehamufeʼmo hunoʼaeʼmo, fikumo kaha maeʼna kamiguve, huno polomasi gemo huno ha paiʼniye. Mago vekamoʼmo Gotiʼa aeno agaseʼniya vekamo alagi oʼmaiʼniyaʼmofeʼmo Gotiʼa agaiʼa agiʼaletiʼmo agoʼyamo ataleteno hu maleʼniye.

Himulu 6:15

Huno ha paiʼnigeno Emalehamuʼa oʼataleno agesamo afino fatago huʼneno agava maime maime neʼegenoʼaeʼmo Gotiʼa hu maleʼniya gemo afole aiʼnigeno aliʼniye.

Himulu 7:22

Huno hu maleʼniyaʼmofeʼmo Yesuʼa saufa kotalakemo aeno agaseʼniya kotalakeletiʼmo anonale apakae apaimuʼyaleʼmo maisiya vekamo afole aiʼniye.

Himulu 8:13

Gotiʼa mani kotalakeeʼmo hunoʼaeʼmo, saufa kotalakeʼnimae, huno huʼniyaʼmofeʼmo hogote kotalakemo atafa heʼnigeno aliʼyaʼamo ago hano huʼniyanageno aise afinaʼmo haneteno alagi hano hugiye.

Himulu 9:12

Agaemo mememo kolaʼaletiʼe aikeli pulumakamo kolaʼaletiʼeʼmo aote mono nopiʼmo uno ohaiʼnifa agaiʼa kolaʼaletiʼmo muki afinatefeʼmo magoke afinaʼmo alagi uno haitenoʼaeʼmo maige maige huta maisunafeʼmo alagi hatu maeno lateteno uno haiʼniye.

Himulu 9:16

Mago vayaʼmogi manu gemo huʼapaeʼmo, kagemi yaʼnimo aliyo, huʼa hapa paiteʼa falisageʼapaeʼmo afaʼa aligayaʼmonanafa ofaliʼa afaʼa maiʼnisageʼapaeʼmo oʼaligae.

Himulu 9:28

Ani gelefeʼmo Kalaisiʼa asole vayaʼai hosu kavaʼapimo alino kofisiyafeʼmo magoke afinaʼmo agaiʼa agufamo Gotina amiʼniye. Agaemo henagaʼamo asole vayaʼai hosu kavaʼapimo alino kofisiyafeʼmo ma mopafiʼmo emiʼnoʼmegaifa agaefeʼmo agava neʼmaiya vayaʼai apakufamo alagi alino katino apatesiyafeʼmo apaulagaleʼmo eminegaiye.

Yemisi 1:12

Hanageke kavaʼmoʼa apamalageka nehisigeʼapaeʼmo oʼataleʼa atafauʼa alagi huʼa maiʼnisaya vayaʼmo aulena vayaʼmo maiʼnae. Na kava hinageʼapaene. Apamalageka nehisigeʼapaeʼmo oʼataleʼa atafauʼa alagi huʼa maiʼnisagenoʼaeʼmo Ala kava neʼmoʼa hunoʼaeʼmo, nagaefeʼmo hapauʼniyaʼmofeʼmo alagepa huʼa maige maige huʼa maisaya yaʼmo apamiguve, huno huʼniya yaʼmo aligae.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.