Himulu 8:9 - The Keyagana NT and 25 OT books

⁹ Apakinago vayaʼmo Isipi kotegatiʼmo apayate aliʼna apavaleliʼna eʼnova afinaʼmo hu maleʼnova agufa kotalakemo osuguve. Apakaeʼeʼmo hu maleʼnova kotalakemo akame osuʼa amagiʼa ataleʼnageʼnaeʼmo yagaiʼna oʼapateʼna afaʼa apataleʼnove.

Himulu 8:9 ပူးပေါင်းရင်းမြစ်များ

Aepa Gemae 19:16

Ha paiʼnaʼaʼmonanafa Lotiʼa malage huno he tino oʼuʼnigeʼanaeʼmo lole vekalaʼmoganimo Loti ayatenagi aʼamo ayatenagi lole a mafaʼneʼalaʼmogani anayatenagi huʼana aliteʼana apavaleli uʼana taonimo malaga apateʼnaʼae. Ala kava neʼmoʼa Lotifeʼmo hau huno ateʼniyaʼmofeʼmae.

Samu 105:43

Ani kavaʼmo huno vayaʼamo apavalelino neʼvigeʼapaeʼmo lekana paino apateʼniya vayaʼamogimo yokemo huʼa apamogaga aiʼnae.

Samu 77:20

Sipisipi anagaʼmogi neʼyagaiya vekamo akame nehaya kava huka uka hogotetanageʼa vayakamogi kakame huʼnae. Kagaemo Mosesetetiʼe Elonitetiʼmo vayakamogi alika apavalelika uʼnane.

Samu 78:57

Afoʼapimogi himuʼnamu kavaʼmo huteʼa ataleʼnaya kava huʼa maiʼneʼa kayagiʼniya kevemo hetalageno kahaufilagamo neʼviya kava huʼa ataleʼa hosu kateʼmo uʼnae.

Hatu maeno apate'niya gemae 32:8

Apakaefeʼmo akame hiyo, huʼna huʼnova kaʼmo malage huʼa ataleʼa uʼnae. Apakaemo goli yafaʼmo atafiʼmo kaeʼnageno ani heʼnigeʼa aliʼa pulumakamo auneʼamo alo hu maleʼneʼa ani yatefeʼmo mono huteʼa ofalini amiteʼa, O Isaleli vayaʼmogitapae, huʼa, Isipi kotegatiʼmo lapavalelino eʼniya gotitapimoʼmae, huʼa huʼnae.

Hatu maeno apate'niya gemae 34:10

Ala kava neʼmoʼa hunoʼaeʼmo, Afiyo, huno, lapakaeʼeʼmo magokepi kotalakemo hu malegauve. Nagaemo muki Isaleli vayakamogi apaulagaleʼmo ageʼa hapau aisaya agufa kavaʼmo hisugeʼapaeʼmo muki haopalegamo maiʼnaya vayaʼmogimo Ala kava neʼmoʼna aliʼyaʼnimo agegae. Nagaemo noʼagaya agufa naune kavaʼmo muki haopalegamo maiʼnaya mopafiʼmo muki nofi vayapatiʼmo afole oʼaiʼniya agufa naune kavaʼmo huguve. Lapa maesuvafeʼmo ani kavaʼmo hisugeʼa ageʼa hapau aigae.

Salomoni Yokemae 8:5

Ina laʼamoʼmo yahaofilagatiʼmo eno hau ayamopafiʼmo hauʼniya vekamo agufaleʼmo atafautegeʼana kako kiliʼana eʼana hai eʼnaʼae, huʼa huʼnae. Kagaemo apoli yosamo aepafiʼmo havaeʼnanageʼna kahauneʼna kateʼnove. Itakamoʼmo ani yosa aepafiʼmo alino kateʼniye. Alino kateʼniya a kanomoʼmo ani yosa aepafiʼmo alino kateʼniye, huno ha paiʼniye.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 51:18

Yulusalemu taonimoʼmo Isaleli vayaʼmo itaʼapimogana huno asole mafaʼnemo alino apateʼniyaʼmonanafa ani mafaʼne anagapatiʼmo magoke ve mafaʼnemoʼmo kaʼmo alino ho huno ateteno ayateʼmo alinino visiyafeʼmo oʼmaiʼniye. Agaeteʼmo asole yagaino neʼapateya mafaʼne anagapatiʼmo mago ha maesiya mafaʼneʼamo oʼmaiʼniye.

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Malakai 2:13

Lapakaemo magoʼe hosu kavaʼmo nehae. Lapakaemo aʼnetapimo hapafaitapa apataleʼnageʼa aviʼyaʼmo huʼnageno apaunumoʼmo ofalini hiʼyalamuteʼmo uno lamino kotu maleʼnigenoʼaeʼmo Ala kava neʼmoʼa ofalinitapieʼmo amuse osuʼniyaʼmofeʼmo lapayapatiʼmo ofalinimo huʼnaya yaʼmo noʼaliye.

Maki 8:23

ani aulaga ali huʼniya vekamo ayate alino avalelino taoni malaga uʼniye. Uno aulagalateʼmo aviʼna heteno ayatalaʼmo maletenoʼaeʼmo, mago yaʼmo ageʼnapiye, huno afi geʼniye.

Apa 13:11

Ala kava neʼmoʼa hemenimo kamagisigeno kaulagalaʼmo ali hisigeka mago afinaʼmo ha le yaʼmo oʼageka afaʼa maigane, huno ha nepaigenoʼaeʼmo aulagalaʼmo ago ali huʼnigeno hiyakana huno hani yaʼmoʼa aulagalapiʼmo aino ati kaeʼniye. Agaemo uno mago vekaeʼmo ge hisigeno ayate alinino visiyafeʼmo kahauya hisiyafeʼmo uʼniye.

Apa 7:36

Agaemo noʼagaya agufa lokiya aune kavaʼmo Isipi kotegagi Haesa anitenagi kaʼme kotegagi huno fotiʼa kafugamo hutenoʼaeʼmo Yu vayaʼmo Isipi kotegatiʼmo apavalelino uʼniye.

Apa 9:8

Soloʼa mopafatiʼmo he tino aulagamo ageno ayakeʼniyana aulagafatiʼmo haniʼage huʼniye. Huʼnigeʼa vayaʼamogi ayate aliniʼa Namasakasi taonifiʼmo uʼnae.

Galesiya 4:24

Mani gemo kalafefa gemo haneʼniye. Lole atalaʼanifeʼmo osuʼnifa lole kotalakelafeʼmo huʼniye. Gotiʼa mago kotalakemo keʼaepa geʼamo Moseseʼmo Sainai kotega avefiʼmo amiʼniye. Hegaʼa kalavusi aliʼyaʼmo neʼaliya mafaʼnemo alino ateʼniya kava huno mani kotalakemoʼa kalavusi aliʼyaʼmo neʼaliya mafaʼnemo alino neʼapate.