Himulu 8:5 - The Keyagana NT and 25 OT books

⁵ Moseseʼa ani seli mono noʼmo kisiyafeʼmo nehigenoʼaeʼmo Gotiʼa, aveleʼmo maiʼnanageʼnaeʼmo ago aliʼna kave liʼnovanagi ani kava huka ageka alagepa huka aune yaʼmo alo huvo, huno ha paiʼniye. Apakaemo kokuʼnapi haneʼniya mono nokana huno haneʼniya agufa aune nopiʼmo aliʼyaʼmo neʼaliye.

Himulu 8:5 ပူးပေါင်းရင်းမြစ်များ

Matiyu 2:12

Gotiʼa alagamuna kategatiʼmo hapa painoʼaeʼmo, Helotitegamo halate atagi neta oʼviyo, huno hapa paiʼnigeʼa ataleʼa alu katetiʼmo koʼapilegamo uʼnae.

Apa 7:44

Gotiʼa Mosesefeʼmo hunoʼaeʼmo, Mago seli nofeʼmo kaha paisugekaeʼmo ina kavaʼmo huka kiyo, huno ha paiʼnigeʼa ani gemo akame huʼa kiʼnae. Gotiʼa apakaeʼeʼmo magokepi lokaeno maiʼniya seli noʼmo kaʼme kotegamo ki maleʼnae.

Kolosi 2:17

Mani agufa kavaʼmo afole aisiya kavafeʼmo aune kavaʼmo haneʼniyaʼmonanafa Kalaisi auneʼamo ageʼnayana agufaʼamo ago afole aiʼniye.

Himulu 10:1

Gotiʼa Yu vayaʼmo apamiʼniya keʼaepa gemoʼmo alagepa aune kavaʼmo ohaneʼnifa alagepa kavaʼmo Gotiʼa afole aigiye, huno hu maleʼniya kavaʼmo alino lave lisiyafeʼmo yegemo auneʼagana huno haneʼniye. Kafugaʼae kafugaʼaeʼmo afumo amagiʼa amiʼnayaʼmonanafa ani agufa ofalinimoʼa alagepa huʼa maige maige huʼa maisayafeʼmo Gotitegamo neʼvaya vayaʼmo alagi alino alagepa huno oʼapategaiye.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 13:10

Lagae ofalinimo haneʼniye. Inagi lagae ofalinimo hiʼyalamutetiʼmo alita neʼnonaʼmonanafa mono huʼa neʼapataya vayaʼmogi seli nopiʼmo aliʼyaʼmo neʼaliya vayaʼmogimo lagae hiʼyalamutetiʼmo afaʼa aliʼa oʼnegae.

Himulu 9:9

Ani agufa aune kavaʼmo hemeni afina kavafeʼmo huʼniye. Alino apave linoʼaeʼmo, fikumo neʼamiya kavaʼmoʼe afumo amagiʼa neʼamiya kavaʼmoʼeʼmo mono nehaya vayaʼai apakupi mafaʼnemo alagi alino alagepa huno oʼategaiye.

Yasuva 22:28

Henagaʼamo ani agufa gemo huʼa laha paisafi afole aisaya laginago vayaʼaifeʼmo hapa paisafi huta ina gemo huta hapa paigune. Ageyo, huta, afotimogimo hu maleʼnaya ofalini yafa hiʼyalamuʼmoʼa Ala kava neʼmo ofalini yafa hiʼyalamukana huno haneʼniye. Ani hiʼyalamuteʼmo ofalini yaʼmo kaege afumo amagige hisunafeʼmo osuʼnopa haneʼneno vitanisimo huno laha paige lapa paige hisiyafeʼmae.

Leveleseni 15:5

Hutageʼnaeʼmo ageʼnovana kokuʼnapi aote mono nopiʼmo kitaʼamo aote aote huno yaki maleʼnigeʼapaeʼmo