Himulu 8:2 - The Keyagana NT and 25 OT books

² Agaemo mago aune seli nopiʼmo aliʼyaʼmo noʼalifa aote mono nopiʼmo lama ge aote seli mono nopiʼmo aliʼyaʼmo neʼaliye. Ma mopafi vayaʼmogi ani seli mono noʼmo okiʼnafa Ala kava neʼmokeʼmo kiʼniye.

Himulu 8:2 ပူးပေါင်းရင်းမြစ်များ

Hatu maeno apate'niya gemae 33:7

Moseseʼa agaiʼa seli noʼmo alinino uno Isaleli vayaʼmo maiʼnaya koʼmo afagiʼaleʼmo alino he tino ateʼniye. Moseseʼa ani seli nofeʼmo agiʼamo Gotiʼeʼmo magokepi lokaeʼa aliʼa anupa huʼa neʼmaiya none, huno ateʼniye. Inagi Ala kava neʼmo kahauya huʼa agesayafeʼmo huʼnaya vayaʼmo ani malaga haneʼniya nopiʼmo uʼnae.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Lomu 15:8

Nagaemo huʼnaeʼmo, Gotiʼa Yu vayaʼmogita laginago vayaʼaifeʼmo fikumo lapa maegauve, huno hapa paiʼniya polomasi geʼamo afole aisiyafeʼmo Kalaisiʼa Goti aliʼyaʼamo neʼalinoʼaeʼmo Yu vayaʼaitegamo uno aliʼyaʼmo aliʼniye.

2 Kolitiyani 5:1

Ago afiʼnonana ma mopafi seli notimo atalagausiyaʼmoʼmo oʼatalagauno afaʼa hanege hanege huno hanesiya notimo kokuʼnapiʼmo haneʼniyaʼmofeʼmo laipamoʼmo kana osuʼniye. Vayaʼmogimo notimo apayatetiʼmo okiʼnayaʼmonanafa Gotiʼa ki maleʼniye.

Kolosi 2:11

Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

Himulu 10:11

Muki Yu vayaʼmogimo mono huʼa neʼapataya vayaʼmo he tiʼa maiʼneʼapaeʼmo muki afinaʼae afinaʼaeʼmo aliʼyaʼmo neʼaliʼapaeʼmo ani agufa ofalinimo amite amite huʼa maiʼnayaʼmonanafa ani agufa ofalinimoʼmo hosu kavaʼapimo alagi alino oʼatalegaiye.

Himulu 10:21

Siosi vayaʼaiteʼmo yagaino neʼapateya vekamo maiʼneno Ala kava netimo mono huno nelateya vekamo maiʼniyaʼmofeʼmo

Himulu 11:10

Agaemo Gotiʼa agesamo afino alo huno faino ateʼniya taonifiʼmo maisiyafeʼmo agava maiʼniye.

Himulu 9:1

Hogote kotalakemo Gotiʼa apamiʼnigeʼa mono nehaya kavatefeʼmo keʼaepa gemo hanege ma mopafi mono noʼmo hanege huʼniye.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.