Himulu 8:12 - The Keyagana NT and 25 OT books

¹² Hosu kavaʼapieʼmo nahau huʼna apateteʼna hosu kavaʼapiʼe keʼaepa geʼnimo amagiʼa neʼatalaya kavaʼapileʼefeʼmo nagesamo oʼafiʼna nage kaniʼna atalegauve, huno huʼniye.

Himulu 8:12 ပူးပေါင်းရင်းမြစ်များ

Samu 25:7

Neya vekamo maiʼneʼnaeʼmo hosu kavaʼmo huge gekamo ago amagiʼna atalege huʼnova kavafeʼmo kagesamo oʼafiyo. O Ala kava nene, huʼna, kahau huka apatege alagepa huka hapa maege nehukaeʼmo nagaefeʼmo kagesamo afiyo.

Samu 65:3

Hosu kavaʼmoʼmo aeno neʼnagase. Hosu kavatilefeʼmo kagaemo aeka kalo paeka atalegane.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Maika 7:19

Halate alu agesamo afiteno lagaefeʼmo hau ayamopafi hausigeno hosu kavatiʼeʼmo kame huno aeno aga seteno hosu kavatileʼmo yagaino ategaiye. Kagaemo muki hosu kavatimo alika yaga auka atalesanageno solovala aniʼmo afepilagamo lusi vasilonafiʼmo uno lamigiye.

Lomu 11:27

Ani kotalake gemo ago hapa paiʼnove. Henagaʼamo hosu kavaʼapimo aliʼna atalegauve, huno huʼniye.

Efasasi 1:7

Kalaisipiʼmo maiʼnonagenoʼaeʼmo Gotiʼa lusi kava huno fikumo hapa maeno neʼapamiya kavaʼamo mago kagemi yaʼagana huno maleʼniya kavatefeʼmo Yesu kolaʼaletiʼmo miya faino hatu maeno lateʼniya hosu kavatieʼmo afaʼa ateyo, huno laha paiʼniye.

Kolosi 1:14

Agaepiʼmo maiʼnonagenoʼaeʼmo kolaʼaletiʼmo miya faino hatu maeno latetenoʼaeʼmo hosu kavatimo alino ataleʼniye.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.