Himulu 8:11 - The Keyagana NT and 25 OT books

¹¹ Ani afinaʼmo muki ala apaki vayaʼe aise apaki vayaʼmogiʼeʼmo nagaemo nageʼa alagepa hugayaʼmofeʼmo muki vayaʼamogimo apao vayaʼe konagaʼapimogiʼeʼmo, Ala kava neʼmo agetapa aeto hiyo, huʼa aliʼa apaya oʼmalegae.

Himulu 8:11 ပူးပေါင်းရင်းမြစ်များ

Esala 7:25

Esalao, huʼna, afiyo. Gotikamoʼmo afiteka ageʼnana kavaʼmo kamiʼniya kavatetiʼmo muki vayaʼaiteʼmo alagepa huʼa yagaiʼa apatesayafeʼmo agoti gemo neʼafiya vayaʼe yasi vayaʼeʼmo lekana paika apategeʼapao muki vayaʼmogi aniʼmo mugagayaga faliga koteʼmo maiʼnaya vayaʼmogimo alagepa huʼa aliʼa fako huʼa apateyo. Goti keʼaepa gemo akame nehaya vayaʼmo lekana paika apato. Kagaemo Goti keʼaepa gemo oʼafiʼnaya vayaʼaina alika apaya malo.

Aiyeya 2:3

Asole vayaʼmogi eʼa huʼapaeʼmo, Egetao, Ala kava neʼmo aote aveleʼmo uta haigune. Yekopu Gotiʼamo mono noʼafiʼmo uta haisunageno hauʼniya kateʼmo visunafeʼmo alino laya malesigeta kaʼaleʼmo uteta hugune. Keʼaepa gemo Saiyoni aveletiʼmo uneno hugiye. Ala kava neʼmo geʼamo Yulusalemu taonifatiʼmo aino atagu faeno uneno hugiye.

Aiyeya 54:13

Nagaemo Ala kava neʼmoʼnamo muki mafaʼne anagakamo aliʼna apaya malesugeʼa apakaemo alagi alagepa apaipamokaliʼa maigae.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Apa 8:10

Muki ala apaki vayaʼmogiʼe apaki ohaneʼniya vayaʼmogiʼeʼmo geʼamo alagepa huʼa afiteʼapaeʼmo, Vae, huʼa, ani vekamo lokiya vekamo gotiʼa maiʼniye, huʼa huʼnae.

1 Yoni 2:27

Humi lapatesayafeʼmo nehayaʼmonanafa Kalaisiʼa uvelimo lakino lapategekana huno Goti Aote Aunemeʼamo lapamiʼnigeno alagi maisiyafeʼmo lapaipafiʼmo maiʼniyaʼmofeʼmo mago vayaʼmogi aliʼa lapaya malesaya gemo ohaneʼniye. Goti Aunemeʼamoʼmo muki geʼamo ago alino lapaya maleʼniyaʼmofeʼmae. Ani gemo mago aigofe gemo ohaneʼnifa alagi lama gemo haneʼniye. Agaemo, Kalaisipiʼmo alagi maiyo, huno huteno alino lapaya maleʼniyanagetapa Kalaisipiʼmo alagi maigae.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.