Himulu 8:10 - The Keyagana NT and 25 OT books

¹⁰ Inagi ani afinaʼmo hano hutesigeʼnaeʼmo Isaleli vayaʼeʼmo kotalakemo hu maleteʼnaeʼmo keʼaepa geʼnimo aliʼna apakesafiʼmo maleteʼna apaipafiʼmo avoʼmo kae malegauve. Gotiʼapimoʼnamo maisugeʼa nagaiʼni vayaʼnimo maigae.

Himulu 8:10 ပူးပေါင်းရင်းမြစ်များ

Hatu maeno apate'niya gemae 24:4

Inagi Moseseʼa Ala kava neʼmoʼa muki huʼniya geʼamo mago mukufiʼmo avoʼmo kae maleʼniye. Kotilamiyapiʼmo he tino avemo aiyafiʼmo ofalinimo hisaya hiʼyalamuʼmo huteno tuolofuʼa yafaʼmo alino faino ateʼniya yafaʼmoʼa tuolofuʼa Isaleli nofi vayaʼaitefeʼmo aune kavaʼmo huʼniye.

Hatu maeno apate'niya gemae 24:7

Inagi kotalakemo haneʼniya mukumo alino lekana paino hapa paiʼnigeʼa afiteʼapaeʼmo, Ala kava neʼmoʼa muki huʼniya gemo akame hugune, huʼa huʼnae.

Hatu maeno apate'niya gemae 34:1

Ala kava neʼmoʼa Mosesefeʼmo ina ge huno ha paiʼniye. Kagaemo lole latapa yafatalaʼmo hogote yafatalakana huka atalavaika latapa huvo. Kagaemo hogoteka yaga auka ataleʼnanageno aino lo aeʼniya yafatalateʼmo avoʼmo kaeʼnova kava huʼna halate saufa yafatalateʼmo avoʼmo kaegauve.

Hatu maeno apate'niya gemae 34:27

Ani gemo avoʼmo kae malo. Ani geletiʼmo Isaleli vayaʼeʼmo kotalakemo hu maleʼnove, huno ha paiʼniye.

Salomoni Yokemae 2:16

Nahau nayamopafiʼmo neʼnahaiya vekamo nagaiʼni vekaʼnimo maiʼnigeʼna agaiʼa aʼamo maiʼnove. Agaemo sipisipi anagaʼamo apavalelino uʼnigeʼapaeʼmo kanale yaveyave kahaumoʼmo ause heʼniya folagapatiʼmo kahaumo neʼnae.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Lomu 11:27

Ani kotalake gemo ago hapa paiʼnove. Henagaʼamo hosu kavaʼapimo aliʼna atalegauve, huno huʼniye.

1 Kolitiyani 6:16

Mago vekamoʼmo kumai a kanoʼeʼmo magokepi lokaeʼana havaesaʼagenoʼaeʼmo magoke anakufageʼmo alino hamalegaiye, hutapa oʼafiʼnafiye. Ani kavatefeʼmo Goti mukufi gemoʼa hunoʼaeʼmo, lole kanolaʼmoganimo magoke anakufageʼmo alino hamalegaiye, huno huʼniye.

2 Kolitiyani 3:3

Kalaisiʼa aliʼyatiletiʼmo afole yateʼmo avoʼmo kae maleʼniye. Agaemo avoʼmo nekaya anitetiʼmo avoʼmo okaeʼnifa afaʼa neʼmaiya Goti Aunemeʼaletiʼmo avoʼmo kae maleʼniye. Latapa yafateʼmo avoʼmo okaeʼnifa malu male nehiya lapaipafiʼmo avoʼmo kae maleʼniye.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.

Yemisi 1:21

Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.