Himulu 7:5 - The Keyagana NT and 25 OT books

⁵ Livai nofi vayapatiʼmo mono huʼa neʼapataya vayaʼmogimo Yu vayaʼai taisimo aliʼnae. Keʼaepa gemoʼmo hunoʼaeʼmo, Livai nofi vayaʼaina taisi ofalinimo apamiyo, huno huʼnigeʼa Livai nofi vayaʼmogi konagaʼapimogi taisimo aliʼnae. Konagaʼapimogimo Emalehamu aginago vayaʼmo maiʼnayaʼmonanafa apakaetetiʼmo taisimo aliʼnae.

Himulu 7:5 ပူးပေါင်းရင်းမြစ်များ

Aepa Gemae 35:11

Gotiʼa magoʼe gemo ha painoʼaeʼmo, Nagaemo muki lokiyaʼnimo haneʼniya Gotiʼnamo maiʼnove. Asole mafaʼne alika apategane. Kagaemo asole mafaʼnemo alika apatesanageʼapaeʼmo asole kaginago vayaʼmo maige alu nofi alu nofi vayaʼmo afole aiʼa maige kini vayaʼmo maige hugae.

Aepa Gemae 46:26

Yekopuʼeʼmo Isipi kotegamo magokepi lokaeʼa uʼnaya vayaʼamae. Yekopu aginago vayapatiʼmo afole aiʼnaya vayaʼmo mukiʼamo sigisiti sigisiʼa vayaʼmae. Yekopu mafaʼne anagaʼmogi aʼne anagaʼapieʼmo lekana opaiʼnae.

Hatu maeno apate'niya gemae 1:5

Yosefeʼa hogoteno uno Isipi kotegamo maiʼnigeʼapaeʼmo Yekopuʼagi muki nofi vayaʼamo sevetiʼa vayanagi huʼa Isipi kotegamo uʼnae.

Himulu 5:4

Mago vayaʼmogi apakaiʼapimo huʼapaeʼmo, ani aliʼyaʼmo afaʼa aligune, huʼa osugafa Gotikeʼmo Elonifeʼmo keya aeno ge huʼniya kava huno keya aeno ge huʼniya vayaʼamogigeʼmo ani aliʼyaʼmo afaʼa aligae.