Himulu 7:3 - The Keyagana NT and 25 OT books

³ Ita afoʼalaʼmoganimo oʼmaige lotoʼamogimo oʼmaige huʼnae. Alino ateʼniya afinafeʼmo ava gemo ohanege faliʼniya afinafeʼmo ava gemo ohanege huʼnigeno Goti Mafaʼneʼagana huno maiʼneno mono huno neʼapateya vekamo ofalino afaʼa maige maige huno maiʼniye.

Himulu 7:3 ပူးပေါင်းရင်းမြစ်များ

Matiyu 4:3

Apamalageka nehiya vekamoʼmo agaetegamo eno avaʼyi huteno, Goti mafaʼneʼamo maiʼnisanana mani yafafeʼmo, peleti mayamo alika hamalo, huka huvo, huno ha paiʼniye.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 7:1

Ani vekamo Melikisetekiʼa akeyaʼvilagamo Selemi taonifiʼmo maiʼnaya vayaʼaiteʼmo yagaino neʼapateya kini vekamo maiʼniye. Agaemo hogote vekamo anaga Goti vekaʼamo mono huno neʼapateya vekamo maiʼniye. Emalehamuʼa mago kini vayaʼeʼmo kamemo huteʼa huno aeno apakasetenoʼaeʼmo atagineno eno Melikisetekiʼeʼmo fotu huʼnaʼae. Melikisetekiʼmo hunoʼaeʼmo, Gotiʼa alino auleno kateno, huno ha paiʼniye.

Himulu 7:17

Gotiʼa ani kavafeʼmo hunoʼaeʼmo, Melikisetekigana huka mono huka neʼapatana vekamo maige maige huka maiʼneka maika hano osuka maigane, huno hu maleʼniye.

Himulu 7:2

Emalehamuʼa kamemo huno aeno apakaseteno kagemi yaʼapimo aliʼniya kagemiyapatiʼmo alino fako huno teniʼa hetamamo maleteno ani hetamafatiʼmo magoke hetamamo taisimo Melikisetekiʼa amiʼniye. Inagi Melikisetekiʼae agimo hogote aepaʼamo haneʼniyana fatago kavaʼageʼmo nehiya kini vekamae. Selemi taonifiʼmo maiʼnaya vayaʼaiteʼmo yagaino neʼapateya kini vekamo maiʼniyaʼmofeʼmo agiʼafiʼmo lole aepaʼamo haneʼniyana alagepa huʼa magokepi lokaeʼa maiʼnaya taonifiʼmo yagaino neʼapateya kini vekamo maiʼniye.

Himulu 7:6

Aliʼnayaʼmonanafa Melikisetekiʼa Livai nofi vekamo oʼmaiʼniyaʼmonanafa Emalehamu taisimo alitenoʼaeʼmo, Gotiʼa alino auleno kateno, huno ha paiʼniye. Melikisetekiʼa Gotiʼmo hunoʼaeʼmo, aliʼna auleʼna kategauve, huno ha paiʼniya vekaeʼmo ani gemo huʼniye.