Himulu 7:22 - The Keyagana NT and 25 OT books

²² Huno hu maleʼniyaʼmofeʼmo Yesuʼa saufa kotalakemo aeno agaseʼniya kotalakeletiʼmo anonale apakae apaimuʼyaleʼmo maisiya vekamo afole aiʼniye.

Himulu 7:22 ပူးပေါင်းရင်းမြစ်များ

Aepa Gemae 43:9

Anonale nagaemo agae aimuʼyaleʼmo kana yaʼmo aliguve. Inagi nagaemo avaleliʼna kagaetegamo oʼmesuvaʼmoʼmo muki afinaʼmo ani kana yaʼmo nagaeteʼmo alagi hanege hanege huno hanegaiye.

Aepa Gemae 44:32

Nagaemo afoʼnimofeʼmo ha paiʼnaeʼmo, alagepa huʼna yagaiʼna ateteʼna avaleliʼna egauve. Avaleliʼna halate oʼmesuvaʼmoʼmo ani vaiʼmo muki afinaʼmo nagaeteʼmo hanege hanege huno afaʼa hanegaiye, huʼna ha paiʼnove.

Samu 119:122

Anonaʼnilefeʼmo eka naimuʼyaleʼmo maigeʼnao alagepa huʼna maino. Fiku yanageʼa ala apaki aliteʼa apakufamo avaleliʼa nehaiya vayaʼmogi kana yaʼmo aliʼa namigayanagi naha mao.

Mai'naya kavane 20:16

Mago vekamoʼmo alu kotegatiʼmo eʼniya vekamo anonaleʼmo nagaemo kamiguve, huno kaha paisiyaʼmoʼmo alapaʼage siotiʼamo aliyo. Ani kava huno vayaʼmo apayate neʼaliya hosu a kanomo anonaleʼmo nagaemo kamiguve, huno kaha paisiyaʼmoʼmo kenaʼamo aliyo.

Mai'naya kavane 6:1

Mafaʼneʼnimogae, huʼna, mago vekaeʼmo, nagaemo kagae kaimuʼyaleʼmo maiʼneʼna anonakaleʼmo miya faiʼna kategauve, huka ha paiʼnisanaʼmoʼmo

Neniyo 9:27

Mago sotafiʼmo agaemo asole vayaʼeʼmo kotalakemo hu malegaiye. Ani sotamo folagapiʼmo afumo amagiʼa ofalini amige alu ofalini amige nehaya kavaʼmo alino hano huno atalegaiye. Mago ami vayaʼmo alagi hosu faipa vayaʼmo afole aisageno kini vekaʼapimoʼa muki yaʼmo alagi alino hosu huno atalesigeno muki mopamo kaʼme kokana huno haneme haneme neʼvisigenoʼaeʼmo atupa afinaʼmo hosu kavaʼmo ani alino hosu huno atalesiya vekaleʼmo asagauno aigiye.

Matiyu 26:28

Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.

Maki 14:24

Agaemo hunoʼaeʼmo, mani kapufi aniʼmo kolaʼnimae. Gotiʼa mani kavaʼmo huguve, huno hu maleʼniya saufa kotalakemo afole aisiyafeʼmo muki asole vayaʼaitefeʼmo aiʼna lakiguve.

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

1 Kolitiyani 11:25

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, Mani kapufi haneʼniya aniʼmo kolaʼniye. Kolaʼniletiʼmo saufa kotalakemo hu malesuva kolaʼnimo haneʼniye. Muki afinaʼmo mani aniʼmo neʼnetapaeʼmo nagaefeʼmo lapakesamo afitapa ho hiyo, huno hapa paiʼniye.

Himulu 12:24

Yesuʼa folagapi vekamo saufa kotalakemo hu maleʼniya vekalegamo eʼnae. Kolaʼaletiʼmo aino fuli fuli huno faleno apateʼniya kolaʼalegamo eʼnae. Ani kolaʼmoʼa Evo kolaʼmo ago aeno agaseʼniyaʼmofeʼmo hosu kavafeʼmo ge nosifa alagepa kavafekeʼmo ge nehiye.

Himulu 13:20

Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 7:23

Mono huʼa neʼapataya vayapatiʼmo falime falime neʼeʼapaeʼmo aliʼyaʼapimo alagi ataleme ataleme eʼnayaʼmofeʼmo asole vayaʼmo maiʼnae.

Himulu 8:13

Gotiʼa mani kotalakeeʼmo hunoʼaeʼmo, saufa kotalakeʼnimae, huno huʼniyaʼmofeʼmo hogote kotalakemo atafa heʼnigeno aliʼyaʼamo ago hano huʼniyanageno aise afinaʼmo haneteno alagi hano hugiye.