Himulu 6:8 - The Keyagana NT and 25 OT books

⁸ Neʼateyaʼmonanafa mago mopafatiʼmo aufe nofiʼe aufe inoʼeʼmo aesigenoʼaeʼmo ina agufa mopamo haneʼniyanageno aise afinaʼmo utesigeno Gotiʼa lifana huno atesigeno atafiʼmo alino kaeno sagalino atalegaiye.

Himulu 6:8 ပူးပေါင်းရင်းမြစ်များ

Aepa Gemae 4:11

Amagiʼnanagenoʼaeʼmo kaganakamo kolaʼamo mopamoʼmo ago neʼniyaʼmofeʼmo kagaeteʼmo hosu kavaʼmo afole aino, huʼna lifana huʼna katove.

Aepa Gemae 5:29

Alino atetenoʼaeʼmo agiʼamo Noaʼae huno ateʼniye. Agaemo hunoʼaeʼmo, Ala kava neʼmoʼa geʼaletiʼmo mopamo alino hosu huno atalesigeta lahaise vose huta aliʼyaʼmo neʼaluna kavaʼamo laha maesigeta maita haga legaune, huno hapa paiʼniye.

Samu 107:34

Vayaʼmogimo hosu kavaʼmo huʼnayaʼmofeʼmo asole neʼyaʼmo neʼaeya mopaʼapimo alino hosu mopamo hamaleno neʼate.

Malakai 4:1

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, Afiyo, huno, Mago afinaʼmo afole aisigenoʼaeʼmo alopa sitopufiʼmo ata neleya agufa kavaʼmo huno himuʼnamu kavaʼmo nehaya vayaʼe hosu vayaʼeʼmo vaiʼniya kahaugana huʼa maiʼnisageno atamoʼa apaleno pasaga ligiye. Ani afinaʼmo atamoʼmo yosaʼaʼe hafuʼyaʼaʼeʼmo leno saga lisigeno alagi ohanegaiye.

Matiyu 25:41

Huno hapa paiteno hoga haopaleʼmo maiʼnisaya vayaʼaifeʼmo hunoʼaeʼmo, Afoʼnimoʼmo lifana huno lapateʼniya vayanagi nagaetegatiʼmo ataleta lapaune heta viyo. Gotiʼa Nevoʼe hosu apaune vayaʼaʼeʼmo maisayafeʼmo alo hu maleʼniya ata kopiʼmo leno yu oseno lege lege huno neʼmaiya ata kopiʼmo lamitapa maiyo.

Matiyu 3:10

Koʼneletiʼmo yosamo hafuʼyaʼaʼeʼmo heno halagatino atalesiyafeʼmo ago alo huno maleʼniye. Agaemo muki yosamoʼmo alagepa alagamo noʼaesiyana koʼneletiʼmo heʼya aino atafiʼmo kaegaiye.

Matiyu 7:19

Muki alagepa alagamo noʼaeya yosaʼamo ago heʼya aiteʼa aliʼa atafiʼmo yaga auʼa nekae.

Maki 11:14

Yesuʼa hunoʼaeʼmo, halate alagamo oʼaesanageʼa vayaʼmogi eʼa lagiʼa oʼnegae, huno huʼnigeʼa geʼamo neʼafiya vayaʼmogi afiʼnae.

Maki 11:21

Pitaʼa Yesuʼmo huʼniya kavafeʼmo agesamo afino ho huʼniye. Hunoʼaeʼmo, Tisao, huno, ago. Lifana huka ateʼnana figi yosamo ago falu teʼniye, huno huʼnigeno

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Himulu 10:27

Ohaneʼniyaʼmofeʼmo Gotiʼa agoti huno latesiya kavafekeʼmo koli huta agava maisuna kavaʼmo haneʼniye. Aipamo leno neʼapateyanageno kame vayaʼamo atamoʼmo leno pasaga ligiye.

Himulu 12:17

Henagaʼamo afoʼamoʼmo yege mafaʼnemo alino auleno neʼapateya gemo Gotiʼa alino auleno kateno, huno ha paisiyafeʼmo hauʼniyaʼmonanafa afoʼamoʼmo ha opaiʼniye. Ha opaiʼnigenoʼaeʼmo aviʼyaʼmo nehunoʼaeʼmo haoke heno ge huʼniyaʼmonanafa aipamo alino afe lesiya kaʼmo alagi ohaneʼniye.

Leveleseni 20:15

Mukufiʼmo afaʼa maisaya yaʼmo aliʼnaya vayaʼai apakiʼapimo haneʼniya mukufiʼmo agetenoʼaeʼmo apakiʼapimo avoʼmo okaeʼniya vayaʼmo ata kotupiʼmo alino yaga auno apataleʼniye.