Himulu 6:4 - The Keyagana NT and 25 OT books

⁴ Gotiʼa mago vayaʼmo kokuʼnapatiʼmo ha le yaʼamo fikumo neʼapamiya yaʼamo ago apamiʼnigeʼa neʼa afigeʼnae. Goti Aunemeʼamoʼmo neʼapamiya himamuʼamo alige

Himulu 6:4 ပူးပေါင်းရင်းမြစ်များ

Napa 24:3

Agaemo aune gemo aeno hakalo hunoʼaeʼmo, Mani geʼnimo afiyo. Nagaemo Melamiʼnamo Miyo mafaʼnemae. Naulagamo haleʼnigeʼna alagepa huʼna ageʼnove.

Matiyu 12:45

Ageteno ataleno uno seveniʼa hosu apaune vayaʼmogi magoʼe huʼa hosu kavaʼmo huʼa aeʼa aga seʼa maiʼnaya vayaʼmo apavalelinuno ani vekamo aipafiʼmo uʼa haiʼa magokepi lokaeʼa maiʼnae. Maiʼnagenoʼaeʼmo ani vekamo hogoteno hosu kavaʼmo huno maiʼniyana henagaʼamo magoʼe huno lusi hosu kavaʼmo huno maiʼniye. Ani agufa kavaʼmo hemenimo neʼmaiya vayaʼaiteʼmo afole aigiye, huno hapa paiʼniye.

Matiyu 5:13

Lapakaemo ma mopafi vayaʼai hageʼapigana hutapa maiʼnae. Maiʼnayaʼmonanafa hagemoʼmo haga nehiya yaʼamo hano hisiyana haiya kava huno halate haga nehiya yaʼamo alino hamalegaiye. Aliʼyaʼamo ohanegaiyaʼmofeʼmo aliʼa yaga auʼa ataleʼnageʼa ani hageleʼmo apaiyaletiʼmo aeʼa umenitata nehae.

Yoni 15:6

Mago vekamoʼa nagaepiʼmo aeno hanino oʼmaiʼnisiyaʼmoʼmo akopamo hatagauno ataleʼnisigeno leno vaitesigeʼa aliʼa anupa huteʼa atafiʼmo aliʼa yaga auʼa kaesageno leno sagaligiye.

Yoni 3:27

Yoniʼa hunoʼaeʼmo, Gotiʼa mago vekamo agiʼaleʼmo alino asaga huno oʼateʼnisiyana ala agiʼamo oʼaligiye.

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Yoni 6:32

Alagi lama gemo lapa nepauve, huno, Moseseʼa kokuʼnapati lama ge peleti mayamo oʼapamiʼnifa Afoʼnimokeʼmo kokuʼnapatiʼmo lama ge peleti mayamo nelapamiye.

Apa 10:45

Yu vayaʼmo apakesamo afiʼa fatago huʼnaya vayaʼmo Pitaʼeʼmo Yopa taonifatiʼmo eʼa maiʼnaya vayaʼmogimo ani kavaʼmo ageteʼapaeʼmo hapau aiʼnae. Alu apake alu apakemo aiteʼapaeʼmo Goti agiʼaleʼmo aliʼa asaga huʼnageʼa afiʼnae. Afiteʼapaeʼmo Gotiʼa fiku hapa maeno neʼapamiya Aunemeʼamo alu nofi vayaʼmo apamiʼniyaʼmofeʼmo hapau aiʼnae.

Apa 11:17

Lagaemo Yesu Kalaisi Ala kava nefeʼmo lagesamo afita fatago huʼnonagenoʼaeʼmo Gotiʼa Aunemeʼamo lamiʼniya kava huno alu nofi vayaʼmo apamiʼniyaʼmofeʼmo nagaemo ina agufa vekamogeʼna Goti kaʼmo afaʼa akaniʼna oʼategauve, huno hapa paiʼniye.

Apa 15:8

Gotiʼa muki vayaʼai apaipafiʼmo neʼapakeya vekamoʼa kanalene, huno huteno Aunemeʼamo lamiʼniya agufa kavaʼmo huno apamiʼniye.

Apa 8:20

Pitaʼa hunoʼaeʼmo, Gotiʼa fikumo hapa maeno neʼapamiya yafeʼmo kagaemo, moniletiʼmo miya faiguve, huka kagesa neʼafinaʼmofeʼmo kagaeʼe monikaʼeʼmo ata kopiʼmo utana lamigaʼae.

Lomu 1:11

Nagaemo Goti Aunemeʼaletiʼmo fikumo alisaya yaʼmo lapamisugeno lokiya vaino lapatesigetapa atafauta alagi hutapa maisayafeʼmo uʼna lapakesuva naipamo nekaliye.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

2 Kolitiyani 4:6

Gotiʼa hani huʼniya yapifeʼmo, aeka ha lo, huno huʼniya Gotiʼa laipafifeʼmo hunoʼaeʼmo, aeka ha lo, huno huʼnigeno Goti ha le konali yaʼamo Kalaisi augosafatiʼmo aeno ha leʼnigeta ageʼnone.

Galesiya 3:2

Magoke kavafeʼmo ge huʼna lapafi gesuvafeʼmo huve. Lapakaemo keʼaepa gemo akame huʼnaya kavatetiʼmo Goti Aunemeʼamo aliʼnafi Kalaisifeʼmo ava gemo afitetapa lapakesamo afita fatago huʼnaya kavatetiʼmo aliʼnae.

Galesiya 3:5

Lapakaemo Goti keʼaepa geʼamo akame nehayaʼmofeʼmo Gotiʼa agaiʼa Aunemeʼamo alino lapamige lapaipafiʼe lapaopaleʼeʼmo aune kavaʼmo huge nehifi Kalaisifeʼmo ava gemo afitetapa lapakesamo afita fatago nehaya kavatetiʼmo aune kavaʼmo nehiye.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 2:8

Gotiʼa fikumo lapa maeno lapamitenoʼaeʼmo lapakesamo afita fatago huʼnaya kavatetiʼmo lapakufamo alino katino lapateʼniye. Lapakaitapimo lapakesamo afita fatago osuʼnafa Gotiʼa fikumo lapa maeno lapamiʼnigetapa lapakesamo afita fatago huʼnae.

Efasasi 3:7

Inagi Poloʼnamo mani alagepa gelefeʼmo aliʼyaʼamo alisuvafeʼmo Gotiʼa fikumo naha maeno namiteno himamuʼaletiʼmo naipafiʼmo aliʼyaʼmo aliʼnigeʼna aliʼyaʼamo neʼaluve.

Efasasi 4:7

Magoke vayaʼmo maiʼnonaʼmonanafa Kalaisiʼa hauʼnigeno Goti aliʼyaʼamo alisuna himamuʼamo alino fako huno lamete lamete huno fikumo laha maeno lamiʼniye.

1 Timoti 4:14

Yagaiʼa neʼapataya vayatama vayaʼmogi kagaeteʼmo apayaʼmo maleʼa kateteʼa Gotitegatiʼmo aliʼnaya geletiʼmo aliʼyaʼamo alisanafeʼmo lokiyaʼamo kamiʼnae. Fiku yanageno kamiʼnaya yaʼmo afaʼa hanegaiyanagi kamiʼnaya yatetiʼmo aliʼyaʼmo aliyo.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

2 Timoti 4:14

Alekasaniʼa aenimo alo nehaya aliʼyaʼmo neʼaliya vekamoʼmo nagaetegamo alagi hosu kavaʼmo huʼniye. Ala kava neʼmoʼa anonaʼalefeʼmo amigiye.

Himulu 10:32

Hogotetapa maiʼnaya kavafeʼmo lapakesamo afita ho hiyo. Gotiʼa ha le yaʼamoʼmo lapaipafiʼmo aeno ha leʼnigetapa ageʼnae. Agetetapaeʼmo lusi hanageke yaʼmo aliʼnetapaeʼmo oʼataleta lokiya vaitapa lapayamukiki huʼnae.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.

1 Yoni 5:16

Mago vekamoʼmo konagaʼamoʼmo ageʼniyana hosu kavaʼmo ofalisiya agufa hosu kavaʼmo huʼnisigeno agetenoʼaeʼmo Gotifeʼmo ge huno afi gesigenoʼaeʼmo ani konagaʼamoʼmo falisiya agufa hosu kavaʼmo osuʼniya konagaʼamoʼmo maige maige huno maisiya yaʼmo amigiye. Mago vekamoʼmo alagi falisiya agufa hosu kavaʼmo nehisiyana nunumuʼmo hutapa ateyo, huʼna nosuve.