Himulu 6:18 - The Keyagana NT and 25 OT books

¹⁸ Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

Himulu 6:18 ပူးပေါင်းရင်းမြစ်များ

Aepa Gemae 19:22

Mani taonifatiʼmo malage huka faika kasalo paetaleka uvo. Nagaemo mago kavaʼmo afaʼa osuʼna maiʼnisugeka umani taonifiʼmo uka avaʼyi hugane, huno ha paiʼniye. Ani taonimo agiʼamo Sova taoniye ani agimo aepaʼamo aiseʼamae.

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Samu 46:1

Uta fala kita neʼmauna kotimo Gotiʼmae. Lokiyatimo Gotiʼmae. Hanageke yaʼmo afole neʼaisigenoʼaeʼmo laha maesiyafeʼmo lahaopaleʼmo alo huno maiʼniye.

Samu 62:8

Vayaʼmogitapae, huʼna, muki afinaʼmo agaefekeʼmo alita amufa amiyo. Lapaipafatiʼmo aniʼmo lakigekana hutapa nunumuʼmo hutapa ha paiyo. Lagaetegamo hosu kavaʼmo afole neʼaigetaeʼmo Gotipiʼmo alagepa huta fala kita neʼmaune.

Mai'naya kavane 3:18

Ani a kanomo vayaʼmogi atafauʼa anu nekiya vayaʼmo alagepa huʼa afaʼa maisaya yaʼmo alino neʼapamiya yosagana huno maiʼniye. Atafauteʼapaeʼmo noʼatalaya vayaʼmogimo apamogaga neʼaiye.

Mai'naya kavane 4:13

Alino kaya malesiya a kanomo atafauteka oʼatalo. Alagepa huka maisana kavaʼmo aepa a kanomo maiʼniyanagi yagaika ato.

Aiyeya 51:12

Gotiʼa hunoʼaeʼmo, Nagaiʼnigeʼmo lapaipamo aliʼna falu huʼna lapategauve. Ina lagitapamo maiʼnetapaeʼmo falisiya vekaeʼmo koli huge kahaugana huʼa malage huʼa hano hisaya vayaʼaifeʼmo koli huge nehae.

Aiyeya 56:4

Haʼao, Ala kava neʼmoʼa hunoʼaeʼmo, Anamo vayaʼmogi Sapati afinaʼnimo akame huge nahauʼniya kavaʼmo akame hisayafeʼmo lekana pai maleʼneʼa akame huge kotalake geʼnimo atafau alagi huʼneʼa akame huge nehisaya vayaʼmogi nagaetegatiʼmo ala apakiʼapimo aligae. Nagaemo afamo anaga vayaʼnifiʼmo aliʼna apatesugeʼa ala apakiʼapimo aligae. Ani anamo vayaʼmogi ve mafaʼneʼe aʼmafaʼneʼeʼmo aliʼa apateʼnaesinana ala apakiʼapimo aliʼnaesine. Apakiʼapimo aliʼnaesinaʼmonanafa nagaemo apatesuva apakiʼapimoʼmo aeno aga segaiye. Nagaemo apatesuva apakiʼapimoʼmo muki afinaʼmo hanege hanege huno hanegaiye. Mago vekamoʼmo ani apakiʼapimo apayapatiʼmo alino hapa faleno oʼatalegaiye.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Napa 23:19

Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Lomu 15:5

Gotiʼa oʼataleta atafauta alagi huta maiʼnisunagenoʼaeʼmo laipamoʼmo falu hisiya kavaʼmo aepa vekamoʼmo lapaipafiʼmo aliʼyaʼmo alisigetapa Kalaisi Yesuʼa huʼniya geleʼe kavateʼefeʼmo alagepa hutapa lapakesamo afitetapa magokepi lokaeta maiyo.

Lomu 3:25

Agaemo mafaʼneʼamo kolaʼaeʼmo lagesamo afita fatago hisuna kavatetiʼmo aipamo leno olateno aipamo falu huno latesiyafeʼmo mafaʼneʼamo muki vayaʼai apaulagaleʼmo alino afole aino ateʼniye. Akeyaʼvilagamo Goti vayaʼamogi hosu kavaʼmo huʼnagenoʼaeʼmo kayoʼmo oʼapamino afaʼa apakeno apataleʼniye. Gotiʼa hau huʼniya kavaʼaletiʼmo fatago kavaʼmo huʼnove, huno alino lave lisiyafeʼmo mafaʼneʼamo muki vayaʼai apaulagaleʼmo alino afole aino ateʼniye.

Lomu 3:4

Alagi atalegeno hano hino. Muki vayaʼmogimo aigofe gemo nehisagenoʼaeʼmo Gotiʼa agaiʼa geʼamo alagi oʼataleno akame hugiye. Ani kavatefeʼmo Goti mukufi gemoʼa hunoʼaeʼmo, kagaemo gemo hisanageʼa afiteʼapaeʼmo, alagi lama gemo nehiye, huʼa hugae. Vayaʼmogimo agoti huʼa nekatesagekaeʼmo aeka apakasegane, huno avoʼmo kae maleʼniye.

Lomu 5:5

Gotiʼa aote Aunemeʼamo lamiʼnigeno Aunemeʼamoʼmo Gotiʼa lagaefeʼmo hau ayamopafiʼmo hauʼniya kavaʼamo laipafiʼmo ago alino laki maleʼniye. Lakiʼnigeta ageʼnonaʼmofeʼmo lavayagunagu huta agava neʼmauna kavatefeʼmo laipamoʼmo kana hisigeno hosu laipamo okaligiye.

Filipai 2:1

Lapakaemo Kalaisipiʼmo maiʼnagenoʼaeʼmo lapaipamo alino lokiya vaino nelapatefiye. Agaemo lagaefeʼmo hau ayamopafiʼmo hauʼniye, hutapa lapakesamo neʼafigenoʼaeʼmo lapaipamo alino he tino nelapatefiye. Lapakaemo Goti Aunemeʼamo magokepi alitetapa agaeʼeʼmo afalu afalugana huta lokaeta neʼmaifiye. Magokepi yuna lapaipa kalitapa konagatapieʼmo lapau lapayamopafiʼmo nelapaifiye.

Kolosi 1:23

He, oʼataleta lapakesamo afita fatago hume hume neʼutapaeʼmo yafateʼmo noʼmo faiʼa ategekana hutapa maiʼneta oʼataletapa alagepa faigoko geʼamo afitetapa lapavayagunagu hutapa agava maiʼneta oʼataleʼnisayana Goti aulagaleʼmo alagepa huta he titapa maigae. Mani alagepa faigoko geʼamo muki ma mopafi vayaʼaifeʼmo aeʼa hakalo huʼa hapa paiʼnageʼa afiʼnae. Nagaemo Poloʼnamo ani gelefeʼmo Goti aliʼyaʼamo neʼaluva vekamo hamaleʼnove.

Kolosi 1:27

Gotiʼa muki nofi vayaʼaitegamo asole ha le konali kavaʼamo fala kiʼniyanageno alino apave lisiyafeʼmo hauʼnigenoʼaeʼmo agesamo afiʼniye. Mani fala kiʼniya gemo Kalaisiʼa lapaipafiʼmo maiʼniya vekaeʼmo ava gemo haneʼniye. Agaetefeʼmo ha le konali yaʼamo alisayafeʼmo lapavayagunagu hutapa agava neʼmaiye.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Timoti 1:1

Nagaemo Poloʼnamo Yesu Kalaisi apa vekaʼamo maiʼnove. Lagufamo alino katino nelateya vekamo Gotiʼe lavayagunagu huta agava neʼmauna vekatimo Ala kava neʼmo Yesu Kalaisiʼeʼmo, apa vekatiʼamo maiyo, huʼana naha paiteʼana lekana paiʼana nateʼnaʼae.

1 Timoti 6:12

Kagaemo alagepa kamemo apakesamo afiʼa fatago nehaya vayaʼmogi nehaya agufa kamemo huvo. Maige maige huka maisanafeʼmo keya aeno ge huʼniyanagi ani kavateʼmo atafauka alagi huka maiyo. Keya aeno ge huʼnigekaeʼmo kagaemo muki afiʼnaya vayaʼai apaulagaleʼmo hukaeʼmo, Yesufeʼmo nagesamo afiʼna fatago huʼnove, huka alagepa gemo ago hapa paiʼnane.

2 Timoti 2:13

Lagaemo hutaeʼmo, akame hugune, huta hutetaeʼmo akame nosisunana agaemo ani kavaʼmo huguve, huno hu maleʼnisiya gemo akame hugiye. Huguve, huno nehiya gemo alagi oʼataleno afaʼa akame nehiya vekamoʼmo maiʼniyaʼmofeʼmae.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 3:11

Naipamo leʼnigeʼnaeʼmo nagoʼyamo ataleteʼna lokiya gefatiʼmo huʼnaeʼmo, nagaeʼeʼmo maiʼa haga leʼa maisayapiʼmo alagi u haiʼa oʼmaigae, huʼna huʼnove, huno huʼniye.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 6:17

Ani kavakana huno Gotiʼa lapa maegauve, huno hapa paiʼniya vayaʼmogi huʼapaeʼmo, Gotiʼa halate alu gemo osugiye, huteʼa alagepa huʼa afisayafeʼmo agaiʼa agiʼaletiʼmo agoʼyamo ataleteno huʼniya geʼalefeʼmo agesamo afitenoʼaeʼmo, ani kavaʼmo afaʼa afole aigiye, huno hu maleʼniya geleʼmo alino lokiya vaino ateʼniye.

Himulu 7:19

Keʼaepa gemoʼa uʼa haiʼa hapaisaya kaʼmo valino oʼapateʼniyaʼmonanafa hemenimo ago aeno agaseʼniya kavaʼmo hu maleʼnigeta lavayagunagu huta agava neʼmauna kavatetikeʼmo Goti haopaleʼmo neʼune.

Himulu 7:21

Gotiʼa mono huʼa neʼapataya vayaʼmo aliʼyaʼapileʼmo apavaleno apatetenoʼaeʼmo agaiʼa agiʼaletiʼmo agoʼyamo ataleteno lokiya gemo osuʼniyaʼmonanafa agaefekeʼmo agaiʼa agiʼaletiʼmo lokiya gemo hunoʼaeʼmo, Ala kava vekamoʼnamo nagaiʼni nagiʼniletiʼmo nagoʼyamo ataleteʼna lokiya gemo huʼnaeʼmo, Mono huka neʼapatana vekamo Melikisetekigana huka maige maige huka maiʼneka maika hano osuka muki afinaʼmo maigane, huʼna hu maleʼnovanageʼna mago alu nagesamo alagi oʼafiguve, huno hu maleʼniye.

Yasuva 20:3

Mago vekamoʼmo alu vekamo amagiguve, huno agesamo oʼafiʼniyaʼmonanafa fikumo kamiti amagiʼnisiya vekamo aune hetaleno uno mago ani agufa taonifilagamo uno haino afaʼa maisigeno kamitimo amagiʼniya vekamo anonaʼalefeʼmo amagigefeʼmo hisiya vekamoʼa afaʼa oʼamagigiye.

1 Yoni 1:10

Lagaemo, hosu kavaʼmo osuʼnone, huta nehisunana ani ge huta Gotifeʼmo hutaeʼmo, aigofe gemo nehiya vekae, huta nehunagenoʼaeʼmo lama geʼamo laipafiʼmo alagi nohane.

1 Yoni 5:10

Mani ageteno ha maeno faigoko geʼamo Goti Mafaʼneʼaeʼmo apakesamo afiʼa fatago nehaya vayaʼai apaipafiʼmo haneʼniyaʼmonanafa Gotiʼa lama gemo nehiye, huʼa nosaya vayaʼmogimo Gotiʼa aigofe gemo nehiya vekamo maiʼniye, huʼa nehae. Apakaemo Gotiʼa Mafaʼneʼamo ageteno ha maeno faigoko gemo aeno hakalo huʼniya geʼaeʼmo apakesamo afiʼa fatago osuʼnayaʼmofeʼmae.

1 Samiyo 15:29

Gotiʼa Isaleli vayaʼai lokiyaʼapimo maiʼnenoʼaeʼmo aigofe gemo osuno alu aipa agesamo oʼafigiye. Ma mopafi vekamo oʼmaiʼniyaʼmofeʼmae, huno ha paiʼniye.