Himulu 6:12 - The Keyagana NT and 25 OT books

¹² Alagaʼmo olapaeʼninagetapa Gotiʼa polomasi gemo hunoʼaeʼmo, lapamiguve, huno hu maleʼniya yaʼmo aliʼnaya vayaʼai apaiyakamo aliyo. Apakaemo oʼataleʼa apakesamo afiʼa fatago huʼneʼa atafauʼa alagi huʼa maime maime neʼeʼapaeʼmo aliʼnae.

Himulu 6:12 ပူးပေါင်းရင်းမြစ်များ

Mai'naya kavane 12:24

Apayamukiki huʼa aliʼyaʼmo neʼaliya vayaʼmogi vayateʼmo yagaiʼa apategaiyaʼmonanafa alagaʼmo nehapaeya vayaʼmogi kalavusi aliʼyaʼmo aligae.

Mai'naya kavane 13:4

Alagaʼmo nehaeya vekamoʼmo kagemi yaʼmo alisiyafeʼmo haʼye nehiyaʼmonanafa oʼalisigeno ayamukiki huno haise vose huno aliʼyaʼmo neʼaliya vekamoʼmo kagemi yaʼmo aligiye.

Mai'naya kavane 15:19

Alagaʼmo nehaeya vekamoʼmo hunoʼaeʼmo, aufe nofitetiʼmo ka akanino nateʼniye, huno nehiyaʼmonanafa fatago vekamo kaʼmo alopa kale kakana huno haneʼniye.

Mai'naya kavane 18:9

Aliʼyaʼmo neʼalinoʼaeʼmo alagaʼmo haeʼniya vekamoʼmo muki yaʼmo alino hosu huno neʼateya vekamo konagaʼamoʼmo maiʼniye.

Mai'naya kavane 2:20

Geʼnimo afisanana alagepa vayaʼmogi neʼvaya kateʼmo ugane. Fatago kavaʼmo hisanafeʼmo uganaʼmofeʼmo oʼatalegane.

Mai'naya kavane 26:14

Kitamoʼmo uteno eteno nehiya kava huno alagaʼmo nehaeya vekamoʼmo hipaʼaleʼmo havaeno felo falo huno neʼmaiye.

Mai'naya kavane 28:10

Mago vekamoʼmo fatago vayaʼmogimo alagepa kaʼmo ataleʼa hosu kateʼmo visayafeʼmo apayate alisiyaʼmoʼmo agaiʼamo kafi maleʼniya kelifiʼmo asagauno aigiyaʼmonanafa vaiʼmo oʼaliʼnisiya vekamoʼmo afoʼamomo Gotitegatiʼmo alagepa yaʼmo aligiye.

Salomoni Yokemae 1:8

Kanale alagepa a kanomogae, huʼna, muki aʼne anagaʼmo ago aeka apakaseʼnane. Ani kotegamo oʼageʼnisanaʼmoʼmo sipisipi anagaʼai apaiyakamo alinika aise meme anagakamo apavalelikuka sipisipileʼmo neʼyagaiya vayaʼai seli no haopaleʼmo uka neʼyaʼmo apamiyo.

Matiyu 22:32

Gotiʼa hunoʼaeʼmo, Emalehamu Gotiʼamoʼnamo maiteʼna Aisiki Gotiʼamoʼnamo maiteʼna Yekopu Gotiʼamoʼnamo maiteʼna huʼnove, huno huʼniye. Agaemo faliʼnaya vayaʼai Gotiʼapimoʼmo oʼmaiʼnifa afaʼa neʼmaiya vayaʼai Gotiʼapimoʼmo maiʼniye, huno hapa paiʼniye.

Matiyu 25:26

Ago, huno, monikamo afaʼa haneʼniye, huno ha paiʼnigenoʼaeʼmo aliʼyaʼmo afoʼamoʼmo hunoʼaeʼmo, aliʼyafeʼmo alagaʼmo nekahaeya vekamogae, huno, Avina yaʼmo ohakaleʼnana hoyafatiʼmo neʼyaʼmo alige haletiʼyaʼamo ohaleʼnana nopatiʼmo neʼyaʼmo alige nehane, huka nageʼnapiye.

Luki 16:22

Afaʼa maiʼneno aukaya nehiya vekamo faliʼnigeʼapaeʼmo enisole vayaʼmogi emi eʼa avaleli uʼa haiʼa kokuʼnapiʼmo Emalehamu haopaleʼmo ateʼnageno maiʼniye. Ani kavaʼmo huno kagemi yaʼamo haneʼniya vekamo faliʼnigeʼapaeʼmo alini uʼa kiʼa ateʼnae.

Luki 8:15

Mago avina yaʼmo alagepa mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo aliʼa lama ge apaipamo kanale apaipafiʼmo maleteʼapaeʼmo alagepa kateʼmo uge uge huʼa maiʼneʼapaeʼmo alagepa alagamo neʼae.

Lomu 12:11

Alaga olapaenagetapa lapayamukiki hutapa Ala kava neʼmo aliʼyaʼamo aliyo.

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 4:12

Agaemo apakufamo lagauʼnaya kavaʼageʼmo huʼnaya vayaʼai afoʼapimoʼmo oʼmaiʼniyaʼmonanafa apakufamo lagauʼnaya vayaʼmogimo Emalehamuʼa agufamo olagauʼniya afinaʼmo agesamo afino fatago huʼniya kavaʼamo akame nehisaya vayageʼmo afoʼapimoʼmo maiʼniye.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

2 Tesaloniyani 1:4

Apaini huʼa nelapatagetapa kana yaʼmo aliʼnetapaeʼmo lapakesamo afita fatago nehutapa oʼataleta atafauta alagi hutapa maiʼnayaʼmofeʼmo lagaemo Goti siosi vayaʼamo aliʼa anupa huʼa maiʼnaya yategaʼe yategaʼeʼmo hutaeʼmo, alagepa kavaʼmo huʼa neʼmaiye, huta lapakitapileʼmo alita asaga huta nelapatone.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 11:33

Apakaemo apakesamo afiʼa fatago huʼnaya kavatetiʼmo alu nofi vaya alu nofi vayaʼai ati vayaʼapiʼeʼmo kamemo huʼa aeʼa apakaseʼnae. Apakaemo vayaʼai kavaʼapimo aliʼa fako huʼa apateʼnageʼapaeʼmo alagepa kavaʼmo huʼnae. Gotiʼa polomasi gemo hunoʼaeʼmo, fikumo lapa maeʼna lapamiguve, huno hu maleʼniya yaʼmo ago aliʼnae. Afela laiyonimogimo hapaesaya kavaʼmo huʼnayaʼmonanafa apakesamo afiʼa fatago huʼnaya kavatetiʼmo apavayamo alino akaniʼniye.

Himulu 12:1

Ani asole vayaʼmogi apakesamo afiʼa fatago huʼnaya kavaʼmo aliʼa lave liʼnaya vayaʼmo faliteʼapaeʼmo hiyakana huʼa maiʼneʼa faiʼa vego huʼa lateʼa maiʼnageta folagapiʼmo maiʼnonageʼapaeʼmo aulu lahaeʼa lageʼa maiʼnae. Aulu lahaeʼa lageʼa maiʼnayaʼmofeʼmo lagaemo aliʼnona kana yaʼmo atalege latafausiya hosu kavaʼmo hatu maeta atalege huteta lesisi agufa kavaʼmo huta oʼataleta atafauta alagi huta maiʼneta laulagaleʼmo valino lateʼniya kateʼmo nagu nagu huta vigetao.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.

Himulu 5:11

Ani kavafeʼmo magoʼe gemo lapa paigunaʼmonanafa lapau maiʼmai hutapa neʼmaiyaʼmofeʼmo haiya kava huta alita lapaya malegaune.

Himulu 6:15

Huno ha paiʼnigeno Emalehamuʼa oʼataleno agesamo afino fatago huʼneno agava maime maime neʼegenoʼaeʼmo Gotiʼa hu maleʼniya gemo afole aiʼnigeno aliʼniye.

Yemisi 1:3

Ago afiʼnayana hanageke kavaʼmoʼa lapakesamo afita fatago nehaya kavatapileʼmo lapamalageka nehisigetapaeʼmo oʼataletapa lokiya vaita maisayafeʼmo ani kavaʼmoʼa lapaipafiʼmo aliʼyaʼmo aligiye.

2 Pita 1:10

Konagaʼnimogitapae, huʼna, Mani gemo huʼniyaʼmofeʼmo lapakaemo hutapaeʼmo, Gotiʼa lagaefeʼmo keya aeno ge huʼniye. He, lekana paino lateteno keya aeno ge huʼniye, hutapa ageta aeto hisayafeʼmo lapayamukiki hiyo. Lapakaemo muki mani kavaʼmo nehisayana alagi asagautapa oʼaigayanagi hiyo.

1 Yoni 2:25

Kalaisiʼa lapa maegauve, huno hu maleʼniya polomasi gemoʼa hunoʼaeʼmo, maige maige hutapa maisaya yaʼmo lapamiguve, huno laha paiʼniye.

Leveleseni 13:10

Gotiʼa hunoʼaeʼmo, kalavusi huʼa apateʼnisaya vayaʼaina kalavusi huʼa apategae. Naipeletiʼmo apaiʼnageʼa faliʼnaya vayaʼaina naipeletiʼmo apaisageʼa faligae, huno huʼniyaʼmofeʼmo Goti aote vayaʼamogimo hosu afinaʼmo oʼataleʼa atafauʼa alagi huʼa maisaya kavaʼmo haneʼniye.