Himulu 5:14 - The Keyagana NT and 25 OT books

¹⁴ Alopa vayaʼmogimo lokiya neʼyaʼmo neʼnae. Muki afinaʼae afinaʼaeʼmo afime afime neʼayaʼmofeʼmo alagepa geʼe hosu geʼeʼmo alagepa huʼa afaʼa aliʼa fako huʼa neʼafiye.

Himulu 5:14 ပူးပေါင်းရင်းမြစ်များ

Aepa Gemae 3:5

Lanakaemo mani yosa alagamo nesaʼaʼmoʼmo lanaulagamo ayakesigetana alagepa kavaʼe hosu kavaʼeʼmo agetetana Gotikana hutana maigaʼae. Gotiʼmo ani kavaʼmo ago ageʼniyaʼmofeʼmo mani yosa alagamo oʼneʼao, huno huʼniye.

Samu 119:103

Nagaemo gekamo neʼna afi geʼnogenoʼaeʼmo haga nahauʼniye. Gekamo hagaʼamoʼmo luʼmemo anumoʼmo nehiya hagaʼamo ago aeno agaseno haga nehiye.

Salomoni Yokemae 1:3

Asole alagepa atumo neʼaiya uveliletiʼmo kagufaleʼmo fale maleʼnanageno kagufalegatiʼmo alagepa atumo neʼaiye. Kagikamoʼmo alagepa atuʼmo neʼaiya aniʼmo aino lakiʼniya anikana huno haneʼneno alagepa atumo neʼaiyaʼmofeʼmo veʼeʼmo magokepi lokaeʼa ohavaeʼnaya aʼmafaʼne anagaʼmogimo kagaefeʼmo hapau apayamopafiʼmo nehapaiye.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Lomu 14:1

Mago konagatapimogimo Goti geʼaeʼmo lokiya vaiʼa apakesamo afiʼa fatago nosisaya konagatapimogimo siosifiʼmo apavalelitapa eyo. Lapakaemo ge hapaisageʼapaeʼmo alu apakesa afisayafeʼmo apavalelita oʼmetapa fikumo apavalelitapa eyo.

1 Kolitiyani 2:6

Ani agufa gemo nehayaʼmonanafa alopa vayaʼaifeʼmo afiteta ageʼnona geletiʼmo hapa nepaune. Ma mopafi vayaʼmogi afiteʼa ageʼnaya agufa geletiʼmo hapa opaige ma mopafiʼmo maiʼneʼa yagaiʼa neʼapataya vayaʼmogi afiteʼa ageʼnaya agufa geletiʼmo hapa opaige nehune. Henagaʼamo apakaemo ina agufa vayaʼmo maigae.

Efasasi 1:18

Apakaefeʼmo keya aeka ge huʼnanageʼapaeʼmo eʼa apamisana yafeʼmo apavayagunagu huʼa agava neʼmaiye. Ha le yakamo apamiteka apaipafi apaulagamo alika ayakeka ategeʼapao mafaʼneʼapimogimo muki afoʼapimogi yaʼmo neʼaliya kava huka apaote vayaʼaina hetamaʼapimo apamisanageʼa ageʼa alagepa huteʼapaeʼmo, ha le konali yaʼamo alagepa yaʼmo haneʼniye, huʼa agava maiyo.

Efasasi 4:13

Ani kavaʼmo huta kosime kosime neʼutaeʼmo magokepi lokaeta maiʼneta magoke lagesamo afita fatago huge Goti Mafaʼneʼamo alagepa huta agege nehutaeʼmo alopa vayakana huta maiʼneta uta haita hapaigune. Kalaisiʼa alagi alopa vekagana huno maiʼniyanageta ani kavaʼmo huta kosime kosime uta Kalaisikana huta maigune.

Filipai 3:15

Neʼuvaʼmofeʼmo alopa vayaʼmo uta haita hapaiʼnona vayaʼmogitamo ani kavaʼmo huta maigetao. Mago vayaʼamogitapamo alu lapakesamo neʼafisayaʼmoʼmo Gotiʼa mani kavaʼmo afaʼa alino lapave ligiye.

1 Tesaloniyani 5:21

Osutapa muki kavaʼe geʼeʼmo alita fako hutapa agege afige hutetapa alagepa kavaʼe alagepa geʼeʼmo atafauta lapaipafiʼmo maleyo.

1 Timoti 4:7

Kategaiyaʼmonanafa ma mopafi gemo aote ohaneʼniya gemo anekalo aʼnemogi kaitene gemo oʼafika yokalo leʼa aeʼa apakasesayafeʼmo teleninimo nehaya kava huka Gotifeʼmo alagepa huka mono hisanafeʼmo teleninimo huvo.

Himulu 6:1

Lagaemo agava maiʼnona vekamo Kalaisi vekaeʼmo ava gemo aepa faita afiʼnona gemo afiʼnone. Aepa faita afiʼnona gemo haneʼniyana lokiya ovaiʼniya kavatefeʼmo lapaipamo alita afe leyo, huʼa huʼnageta afige Gotifeʼmo lapakesamo afita fatago hiyo, huʼa huʼnageta afige sese nehaya kavafeʼmo aliʼa laya maleʼnageta afige aliʼa apaya neʼmalaya gemo afige faliʼnaya vayaʼmo he tisaya kavafeʼmo ava gemo afige agoti huno apatesiya kavafeʼmo ava gemo afige huʼnone. Ani aepa faita afiʼnona gemoʼmo noʼmo faiʼa neʼataya yakana huno haneʼniye. Fiku yanageta halate alita faita ategaunanagi ataleta uta haita hapaigetao.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.