Himulu 5:10 - The Keyagana NT and 25 OT books

¹⁰ Hamaleʼnigeno Gotiʼa hunoʼaeʼmo, Melikisetekiʼa hogote vekamo mono huno neʼapateya vekamo maiʼniya kava huka maiʼnane, huno huʼniye.

Himulu 5:10 ပူးပေါင်းရင်းမြစ်များ

Aepa Gemae 14:18

Melekisetekiʼa Selemi taonifi kini vekaʼmoʼmo Anaga Gotitefeʼmo mono huno neʼapateya vekamoʼmo peleti mayaʼe nofi alagafati aniʼeʼmo alinino Emalemitegamo eʼniye.

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 5:11

Ani kavafeʼmo magoʼe gemo lapa paigunaʼmonanafa lapau maiʼmai hutapa neʼmaiyaʼmofeʼmo haiya kava huta alita lapaya malegaune.

Himulu 6:20

Yesuʼa lavayagunagu huta agava neʼmauna vekamo laha maesiyafeʼmo hogoteno Gotiʼa neʼmaiya yateʼmo aeno asai maleʼniya kenafatiʼmo uno haino aote nopiʼmo neʼmaiye. Agaemo Melikisetekigana huno maiʼneno hogote vekamo mono huno neʼapateya vekamo hamaleʼniyanageno muki afinaʼmo maige maige huno maigiye.