Himulu 4:6 - The Keyagana NT and 25 OT books

⁶ Hogoteʼa alagepa gemo afiʼnaya vayaʼmogi apakesamo afiʼa fatago osuʼnayaʼmofeʼmo maiʼa haga leʼa maisayapiʼmo u haiʼa oʼmaiʼnae. Oʼmaiʼnayaʼmofeʼmo alu vayaʼmogi maiʼa haga leʼa maisayapiʼmo u haiʼa maigae.

Himulu 4:6 ပူးပေါင်းရင်းမြစ်များ

Aiyeya 65:15

Ala kava neʼmo Gotiʼa kamitimo lapamagigiyaʼmofeʼmo lekana paiʼna lapateʼnova vayaʼmogitapamo lapakitapiletiʼmo vayaʼaifeʼmo huʼapaeʼmo, Gotiʼa alino Yu vayakana huno hamaleno lapateno, huʼa huteʼa lifana huʼa apategae. Apategayaʼmonanafa nagaemo aliʼyaʼnimo neʼaliya vayaʼaifeʼmo alu apakimo aegauve.

Napa 14:12

Nagaemo alopa hosu kaita kayotetiʼmo apamagiʼna aliʼna hano huʼna apatalegauve. Nagaemo apakae apaimuʼyaleʼmo alopa lokiya Isaleli vayaʼmo maiʼnaya vayaʼmo aeʼa apaka seʼa maisayafeʼmo alo huʼna apatesugeʼa vayakamo maigae, huno ha paiʼniye.

Napa 14:31

Muki vayaʼamo mani kaʼme koteʼmo faligayaʼmonanafa kame vayatimogimo aise mafaʼne anagatimo kalavusi huʼa apategae, hutapa huʼnaya mafaʼne anagatapimo alagepa koteʼmo apavaleliʼna uguve. Apakaefeʼmo lapakaemo hutapaeʼmo, hosu koʼmo haneʼniye, hutapa huʼnaya koʼmo uʼa haiʼa ageteʼa alagepa huʼa oʼmaigae.

Matiyu 21:43

Inagi ani kavafeʼmo lapa nepauve, huno, Lapakaemo Gotiʼa yagaino neʼapateya kopiʼmo magoʼe hutapa aliʼyaʼmo oʼaligae. Lapayapatiʼmo lapa faleno hoyaʼaleʼmo alagepa huʼa yagaiʼa ateʼneʼa nofi alagamo lagiʼa amisaya vayaʼmo apamigiye.

Apa 28:28

Poloʼa hapa paino hano nehunoʼaeʼmo, Ani gemo huʼniyaʼmofeʼmo alagi alagepa hutapa afiyo. Gotiʼa alu nofi vayaʼmo hapa maesiya gemo alino atesigeno visigeʼa afigae, huno hapa paiʼniye.

1 Kolitiyani 7:29

Konagaʼnimogitapae, huʼna, Geʼnimo aepaʼamo haneʼniyana kanatimo aupa afinaʼmo haneʼniye. Hemeni afinatetiʼmo aʼmo aliʼnisaya vayaʼmogimo aʼapieʼmo apakesa alaʼamo oʼafiʼa aʼmo oʼaliʼnaya vayakana huʼa maime maime visaya kavaʼmo haneʼniye.

Galesiya 3:8

Gotiʼa hogoteno apakeʼniyana malaga nofi vayaʼmogimo apakesamo afiʼa fatago hisageʼna apaketeʼnaeʼmo, naulagaleʼmo fatago vayaʼmo maiʼnae, huʼna hapa paiguve, huno apakeʼniye. Apaketeno hogoteno alagepa faigoko geʼamo Emalehamufeʼmo polomasi gemo huno ha painoʼaeʼmo, nagaemo kagaetetiʼmo muki nofi vayaʼmo aliʼna auleʼna apategauve, huno ha paiʼniye.

Himulu 4:11

Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

Himulu 4:9

Gotiʼa muki yaʼamo alo huno hano hutenoʼaeʼmo maino haga leʼniya kava huno Kalaisiʼa aliʼyaʼamo ago alino hano huʼniyanageno Gotiʼeʼmo magokepi lokaeno maino haga legaiye.