Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Himulu 4:2 - The Keyagana NT and 25 OT books

2 Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.

အခန်းကိုကြည့်ပါ။ ကော်ပီ




Himulu 4:2
20 ပူးပေါင်းရင်းမြစ်များ  

Poloʼe Manamasiʼeʼmo koli osuʼana lokiya gefatiʼmo hapa paiʼanaeʼmo, laʼagaemo Goti geʼamo hogotetaʼa lapa paisuʼa kavaʼmo haneʼniyaʼmonanafa Goti gelefeʼmo lapakameʼyamo amitetapaeʼmo ani kavaʼmo hutapa lapakaitapimo agoti hutapa lapatetetapaeʼmo, maige maige huta maisuna yaʼmo alisuna agufa kava huta oʼmaiʼnone, hutapa nehayaʼmofeʼmo lapataletutaʼa alu nofi vayaʼaifeʼmo hapa paiguʼae.


Gotiʼa aliʼyaʼamo aliʼniya vekamo Yesuʼa alino afole aino ateteno alino ateʼnigeno hogoteno lapakaetegamo ago emineʼniye. Agaemo alino auleno lapatesiyafeʼmo alino aino afe leno lapatesigetapa hosu kavategatiʼmo ataletapa egae, huno hapa paiʼniye.


Kagaemo keʼaepa geʼamo akame nehisanaʼmoʼmo kagufamo lagauʼnaya kavaʼmoʼa afaʼa kaha maegaiye. Keʼaepa geʼamo amagika neʼatalesanaʼmoʼmo kagufamo lagauʼnaya kavaʼmo ina agufa kavaʼmo haneʼniye.


Apamiʼniyaʼmonanafa mago Yu vayaʼamogimo apakesamo afiʼa fatago osuʼnayaʼmofeʼmo Gotiʼa Emalehamufeʼmo, kaginago vayaʼmo hapa maegauve, huno ha paiʼniya gemo afa gemo haneʼniyanageno Gotiʼa agaiʼa geʼamo afaʼa akame osisifiye.


Nagaemo muki kagemi yaʼnimo kagemi yaʼapimo ohaneʼnisiya vayaʼmo apamiʼna hano hisuvafeʼmo apamite apamite huʼna apamige vayaʼmo hapa maeʼna faliʼna apatesuvafeʼmo atamoʼmo leno nasagalisigeʼna falige huʼnisuvana nahau nayamopafiʼmo oʼnahausiyaʼmoʼmo ani agufa kavaʼaʼnimoʼa naha oʼmaegaiye.


Magoke kavafeʼmo ge huʼna lapafi gesuvafeʼmo huve. Lapakaemo keʼaepa gemo akame huʼnaya kavatetiʼmo Goti Aunemeʼamo aliʼnafi Kalaisifeʼmo ava gemo afitetapa lapakesamo afita fatago huʼnaya kavatetiʼmo aliʼnae.


Gotiʼa hogoteno apakeʼniyana malaga nofi vayaʼmogimo apakesamo afiʼa fatago hisageʼna apaketeʼnaeʼmo, naulagaleʼmo fatago vayaʼmo maiʼnae, huʼna hapa paiguve, huno apakeʼniye. Apaketeno hogoteno alagepa faigoko geʼamo Emalehamufeʼmo polomasi gemo huno ha painoʼaeʼmo, nagaemo kagaetetiʼmo muki nofi vayaʼmo aliʼna auleʼna apategauve, huno ha paiʼniye.


Hogoteʼna lapakaeʼeʼmo maiʼnova afinaʼmo kaitamo nahauʼnigeʼnaeʼmo visuva himamuʼnimo ohaneʼniyaʼmofeʼmo alagepa faigoko gemo aeʼna hakalo huʼna lapa paiʼnove.


Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.


Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.


Apakufaletiʼmo teleninimo nehaya kavaʼmoʼmo aiseʼamo hapa maegaiyaʼmonanafa mono kavaʼmoʼa muki alagepa kavatefeʼmo laha maegaiye. Gotiʼa hunoʼaeʼmo, alagepa mono nehaya kavaʼmoʼa afaʼa maisaya kavatefeʼmo hemeniʼe afole aisiya afinaʼeʼmo lapa maegaiye, huno polomasi gemo huʼniye.


Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.


Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.


Hogoteʼa alagepa gemo afiʼnaya vayaʼmogi apakesamo afiʼa fatago osuʼnayaʼmofeʼmo maiʼa haga leʼa maisayapiʼmo u haiʼa oʼmaiʼnae. Oʼmaiʼnayaʼmofeʼmo alu vayaʼmogi maiʼa haga leʼa maisayapiʼmo u haiʼa maigae.


Inagi muki hosu oʼaniʼya kavaʼmo lapaipafiʼmo havai teʼniya kavaʼmo alita ataletetapa Goti aiyafiʼmo ape huta maiʼnetapa lapaipafiʼmo faiʼniya geʼamo aliyo. Ani gemokeʼmo lapakufamo afaʼa alino katino lapategaiye.


Gotiʼa hunoʼaeʼmo, lapakaitapilefeʼmo ani aliʼyaʼmo noʼalifa henagaʼamo afole aisaya vayaʼaitefeʼmo ani aliʼyaʼmo neʼaliye, huno hapa paiʼniye. Hemenimo apa vayaʼmogita Aote Aunemeʼamo kokuʼnapatiʼmo alino ateʼnigeno emineʼniya Aunemeʼamo himamuʼaletiʼmo mani alagepa faigoko geʼamo lapa nepaune. Enisole vayaʼmogiʼeʼmo ani kavaʼmo aepaʼamo agesayafeʼmo nehapaiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ