Himulu 4:16 - The Keyagana NT and 25 OT books

¹⁶ Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Himulu 4:16 ပူးပေါင်းရင်းမြစ်များ

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Efasasi 3:12

Agaepiʼmo maiʼneta agaefeʼmo lagesamo afita fatago nehuna kavatetiʼmo koli osuge lole lagesamo oʼafige huteta Gotitegamo neʼune.

Himulu 13:6

Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

Himulu 3:6

Hapa paiʼniyaʼmonanafa Kalaisiʼa afamo anaga vayaʼai afoʼapimoʼmo Mafaʼneʼamoʼmo Goti afamo anaga vayaʼaleʼmo yagaino neʼapate. Lagaemo alagepa huta maige maige huta maigune, huta lole lagesamo oʼafita lavayagunagu huteta koli osuta lamogaga neʼaitaeʼmo oʼataleta atafauta alagi huta maime maime neʼuta atupa afinaʼeʼmo ani kavaʼmo huta maiʼnisunaʼmoʼmo Goti afamo anaga vayaʼamo maiʼnone.

Himulu 7:19

Keʼaepa gemoʼa uʼa haiʼa hapaisaya kaʼmo valino oʼapateʼniyaʼmonanafa hemenimo ago aeno agaseʼniya kavaʼmo hu maleʼnigeta lavayagunagu huta agava neʼmauna kavatetikeʼmo Goti haopaleʼmo neʼune.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Himulu 9:5

Lole enisole vekalaʼmo ha le vekalaʼmogani anauneʼalaʼmo kesileʼmo he tiʼana anateʼnaʼae. Gotiʼa aipamo falu huno apatesiyafeʼmo afumo kolatetiʼmo aiʼa fuli fuli nehaya yateʼmo hanakumo ataleʼana yagaiʼnaʼae. Hemenimo ani kavafeʼmo magoʼe huta alagi ava gemo afaʼa osugune.

1 Pita 2:10

Hogotetapa afa vayaʼmo maiʼnayaʼmonanafa hemenimo Goti vayaʼamo maiʼnae. Hogoteno Gotiʼa hau huno olapateʼniyaʼmonanafa hemenimo hau huno lapateʼniye.