Himulu 4:13 - The Keyagana NT and 25 OT books

¹³ Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

Himulu 4:13 ပူးပေါင်းရင်းမြစ်များ

Samu 139:4

Ge osuʼnovaʼmonanafa Ala kava nene, huʼna, henagaʼamo hisuva geʼnimo ago ageʼnane.

Samu 7:9

Kagaemo fatago Gotigamo maiʼneka apaipa apakesafiʼmo alika fako nehane. Hosu vayaʼmogi hosu kavaʼapimo alika hano huka atalegeʼa magoʼe huʼa osiyo. Alagepa vayaʼaina alagepa huʼa maisaya yaʼmo apamigeʼa alagepa huʼa maiyo.

Samu 90:8

Hosu kavatimo afole yateʼmo haneʼnigeka neʼagane. Huta fala kita neʼatalona hosu kavatimo kaulagalekeʼmo haneʼnigeka alika afole yateʼmo neʼmalane.

Mai'naya kavane 15:11

Ala kava neʼmoʼa ata koʼmo agege vayaʼmo faliʼa uʼa neʼmaiya koʼmo agege huʼniyaʼmofeʼmo muki vayaʼmogi apaipa apakesafiʼmo ageʼniye.

Mai'naya kavane 15:3

Ala kava neʼmoʼa muki haopalegamo ageno maiʼneno hosu kavaʼmo agege alagepa kavaʼmo agege huno neʼmaiye.

Mai'naya kavane 5:21

Muki vayaʼai kavaʼapimo Ala kava neʼmo aulagaleʼmo haneʼniye. Agaemo muki vayaʼai kavaʼapimo alagepa huno alino fako huno neʼage.

Neniyo 2:22

Agaemo aeno ati kaeno alagi huʼniya kavaʼmo alino apave neliye. Agaemo hanipi haneʼniya kavaʼmo ha le yaʼmo agaeʼeʼmo lokaeno haneʼnigeno ageʼniye.

Matiyu 6:4

Afotapimoʼmo fala kita apamisaya kavatapimo agetenoʼaeʼmo muki vayaʼai apaulagaleʼmo miyatapimo lapamigiye.

Yoni 2:24

Huʼnayaʼmonanafa Yesuʼa muki ma mopafi vayaʼai apaipafiʼmo ago apakeʼniyaʼmofeʼmo alagi lama gemo nehae, huno agesa oʼafiʼnifa afaʼa yagu yaga huno maiʼniye.

Yoni 21:17

Halate napa tali afinaʼmo Yesuʼa hunoʼaeʼmo, Yoni mafaʼneʼamo Saimoniyo, huno, nagaefeʼmo kahauʼnifiye, huno afi geʼnigenoʼaeʼmo Pitaʼa Yesuʼmo napa tali afinaʼmo nagaefeʼmo kahauʼnifiye, huno afi geʼniyaʼmofeʼmo aipamoʼmo kana huʼnigenoʼaeʼmo, Ala kava nene, huno, kagaemo muki kavaʼamo ago ageʼnanana kagaefeʼmo nahauʼniye, huno ha paiʼnigenoʼaeʼmo, nahauʼniya sipisipi vayaʼaina neʼyaʼmo apamiyo.

Yoni 4:16

uka anaukamoʼmo avalelika eno, huno ha paiʼnigenoʼaeʼmo,

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

1 Samiyo 16:7

Agesamo afiʼniyaʼmonanafa Ala kava neʼmoʼa Samiyofeʼmo ha painoʼaeʼmo, kagaemo amega agufalefeʼmo kagesamo oʼafika yatala vekaeʼmo alagepa kaulagamo oʼago. Nagaemo kini vekamo maisiyafeʼmo nagesamo oʼafiʼnove. Vayaʼmogi neʼapakaya agufa kavaʼmo huʼna oʼageʼnove. Ma mopafi vayaʼmogi amega apakufaʼalefekeʼmo neʼapakayaʼmonanafa Ala kava neʼmoʼnamo apaipa apakesafikeʼmo neʼapakove.