Himulu 4:12 - The Keyagana NT and 25 OT books

¹² Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.

Himulu 4:12 ပူးပေါင်းရင်းမြစ်များ

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Samu 119:130

Gekamoʼmo vayaʼai apaipafiʼmo faleno uno haitenoʼaeʼmo aeno ha nele. Negi vayaʼmogi gekamo afiteʼapaeʼmo gemo aepaʼamo afigae.

Samu 139:2

Nagaemo itopaleʼmo maiʼnofi he tiʼna maiʼnofi huʼnogekaeʼmo nageʼnane. Kagaemo afagitegamo maiʼnekaeʼmo nagesamo neʼafuva nagesamo nageʼnane.

Samu 149:6

Apakaemo apavayaletiʼmo Gotiʼa alagepa ala agiʼamo amiyo. Apakaemo lole avetalaʼmo neʼneya naipemo aliyo.

Samu 45:3

Lokiya vekae, huʼna, kagaemo ha le konali yakaʼe ala kagikaleʼefeʼmo hapau aiteʼa amuse huʼa nekataya vekamo maiʼnananagi naipekamo alika mapalukafiʼmo anoʼafiʼmo faika falu kaeteka uka kamemo huvo.

Mai'naya kavane 5:4

Aligiyaʼmonanafa henagaʼamo kagaeteʼmo atu aigekana huno maigiye. Agaemo aluga alugaʼamo aveʼmo neʼneya naipekana huno maiʼneno kagaemo kaigiye.

Aiyeya 11:4

agaemo fatago kavaʼaletiʼmo kagemi yaʼapimo ohaneʼniya vayaʼmo alino fako huno apategaiye. Agaemo lama geʼaletiʼmo hunoʼaeʼmo himuʼnamu kavaʼmo osuʼa yagu yaga kavaʼmo nehaya vayaʼmo hapa maegaiye. Agaemo avayafatiʼmo uʼniya kayotetiʼmo ma mopafi vayaʼmo apamagigiye. Avamusatetiʼmo hosu vayaʼmo kamitimo apamagigiye.

Aiyeya 49:2

Agaemo navayamo alino aluga alugaʼatiʼmo aveʼmo neʼneya naipegana huno hamaleno nategaiye. Agaemo nagaemo ayapiʼmo alino fala kino nateʼniye. Agaemo nagaemo akoʼya kevemo aino nateteno kevemo kuʼafiʼmo ku aino fala kino nateʼniye.

Aiyeya 55:11

Ani agufa kavakeʼmo huno geʼnimo nagaetegamo fikumo atagi neno oʼmegaifa aliyakeʼmo aligiye, huʼna ge huʼnova kava huno nahauʼnisiya kavaʼmo afole aigiye.

Luki 8:11

Aeʼna kalafefa gemo nehuva gemo aepaʼamo haneʼniyana avina yakana huno Goti geʼamo haneʼniye.

Yoni 12:48

Mago vayaʼmogimo geʼnimo oʼafiʼa apakameʼyamo neʼnamisayana agoti huno apategaiye. Ma mopamo alino hano huno atalesiya afinaʼmo geʼnimokeʼmo agoti huno apategaiye.

Yoni 6:51

Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 5:33

Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigenoʼaeʼmo apaipamo lusi kava huno leʼnigeʼapaeʼmo, ani vayaʼmo apamagigune, huʼa huteʼa ge huge afige huʼnae.

Apa 7:38

Ani vekamo Moseseʼa Isaleli vayaʼeʼmo kaʼme kotega aliʼa anupa huʼa maiʼnae. Moseseʼa Sainai avefiʼmo uno haino maiʼnigeno mago enisole vekamoʼmo apauneʼapameʼmo neʼapamiya gemo ha paiʼnigeno afiteno emineno laginago vayaʼaifeʼmo hapa paiʼnigeʼa lagaefeʼmo laha paiʼnae.

Lomu 1:16

Na kava higeʼnaene. Kalaisifeʼmo alagepa faigoko geʼalefeʼmo navagage osuʼnigeʼna namogaga neʼauvaʼmofeʼmae. Gotiʼa ani gemo himamuʼaletiʼmo apakesamo afiʼa fatago nehaya vayaʼai apakufamo alino katino neʼapate. Hogoteno Yu nofi vayaʼaitegamo afole aitenoʼaeʼmo henagaʼamo alu nofi vayaʼaitegamo afole aiʼniye.

1 Kolitiyani 1:24

Nehayaʼmonanafa Gotiʼa keya aeno ge huʼniya vayapiʼmo Yu nofi vayanagi Yu nofi vayapatiʼmo oʼmaiʼnaya vayaʼmogi, Kalaisiʼa Goti ayamufaʼaʼe ageteno afiʼniya kavaʼaʼeʼmo maiʼniye, huʼa ageʼa aeto nehae.

2 Kolitiyani 2:17

Asole tisa vayatapimogimo umenitata huʼa kagemi yaʼapimo maketi nehaya vayakana huʼa Goti geʼamo aeʼa hakalo huʼa hapa nepaiyaʼmonanafa lagaemo Kalaisipiʼmo maiʼnetaeʼmo Gotiʼa lamiʼniya aliʼyaʼamo neʼalitaeʼmo Goti aulagaleʼmo laipafatiʼmo aeta hakalo huta hapa nepaune.

2 Kolitiyani 4:2

Lagaemo lavagage osisiyafeʼmo hosu kavatimo aeta ati nokaone. Humi lapateteta Goti geʼamo alita afe leta anonale alu gemo nosune. Lagaemo Goti aulagaleʼmo lama geʼamo afole yateʼmo aeta hakalo huta hapa nepaunagenoʼaeʼmo muki vayaʼai yuʼilaga vekaʼapimoʼa hunoʼaeʼmo, lama gemo nehaya vayaʼmo maiʼnae, huno nehiye.

Efasasi 5:13

Fala kiʼa nehayaʼmonanafa hosu kavaʼapimo ha le yategamo alita afole aita apatesageʼapaeʼmo alagepa huʼa ageteʼa ha le vayaʼmo hamalegae.

Efasasi 5:26

Agaemo siosi vayaʼamo alino apaote apateʼneno Goti geʼaletiʼmo aniʼmo falegekana huno faleno apatesiyafeʼmo siosi vayaʼalefeʼmo falino apateʼniye.

Efasasi 6:17

Gotiʼa lapakufamo alino katino lapateʼniya kavaʼmo aeni kakolitagana huno haneʼniyanagi lagufamo alino katino lateʼniye, hutetapa alita maleyo. Goti geʼamo Aunemeʼamo naipegana huno haneʼniyanagi aliyo.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.

Himulu 6:5

Goti alagepa geʼamo afiteʼa neʼa afige saufa afinaʼmo himamu kavaʼamo ageteʼa neʼa afige huʼnae.

Yemisi 1:18

Agaemo hauʼnigeno muki alo huno apateʼniya vayaʼmo aeta apakaseta maisunafeʼmo lama geʼaletiʼmo alino lateʼnigeta mafaʼneʼamo maiʼnone.

1 Pita 1:23

Gotiʼa kasalisiya avina yatetiʼmo halate alino olapateʼnifa okasalisiya avina yaʼmo aunemeʼe gemo hanege hanege huno hanesiya geʼaletiʼmo halate alino lapateʼnigetapa mafaʼneʼamo maiʼnae.

Leveleseni 1:16

Agaemo lamaga ayapiʼmo seveniʼa kanefiʼmo aliʼnigeno avayafatiʼmo aluga alugaʼamo ave neʼneya naipemo emineʼniye. Augosafatiʼmo yegemo haineno feluga kuku huteno neleya kava huno leʼnigeʼna ageʼnove.

Leveleseni 19:15

Avayafatiʼmo emineʼniya naipemo ave nege nege naipeʼaletiʼmo alu kotega alu kotegamo maiʼnaya vayaʼmo kame huno apatesiya naipemo avayafatiʼmo emineʼniye. Agaemo aeni kayotetiʼmo yagaino apategaiye. Gotiʼa muki lokiyaʼaʼe vekamoʼmo lusi kava huno aipamo leno neʼapateyanageno agaemo alopa yuvapafiʼmo aiyalatetiʼmo aeno latapaisigeno kolaʼapimoʼmo anikana huno heno lamigiye.

Leveleseni 19:21

Hosileʼmo fai maiʼniya vekamoʼmo avayafatiʼmo emineʼniya naipeletiʼmo mago vayaʼmo apaiʼnigeʼa faliʼnageno nama anagaʼmogimo eʼa apakufafatiʼmo apameʼamo neʼa apamu huʼnae.

Leveleseni 2:16

lapaipamo alita afe leyo. Lapaipamo alita afe olesayaʼmoʼmo malage huʼna lapakaetegamo emineʼna navayafiʼmo haneʼniya naipeʼniletiʼmo lapakaemo kamemo lahapaegauve.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.

Leveleseni 20:4

Ani kavaʼmo ageteʼnaeʼmo magoʼe kavaʼmo ageʼnovana agoti huʼa apatesaya himamuʼapimo aliʼnaya vayaʼmo siyateʼmo maiʼnageʼna apakeʼnove. Ageʼnovana naipeletiʼmo lugoʼapimo heʼa hatagauʼnageʼa faliʼnaya vayaʼai apauneʼapameʼamo apakeʼnove. Ani vayaʼmogimo Goti geʼamo Yesufeʼmo ava gemo hapa paiʼnayaʼmofeʼmo lugoʼapimo heʼa hatagauʼnae. Apakaemo afela afulefeʼmo mono osuge auneʼaeʼmo mono osuge huteʼa hapanileʼe apayateʼeʼmo afela afumo alagena yaʼamo oʼaliʼnae. Apakaemo afaʼa maisaya yaʼmo aliteʼa Kalaisiʼeʼmo vani tauseniʼa kafugamo magokepi maiʼneʼa yagaiʼa apateʼnayaʼmonanafa