Himulu 4:1 - The Keyagana NT and 25 OT books

¹ Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

Himulu 4:1 ပူးပေါင်းရင်းမြစ်များ

Mai'naya kavane 14:16

Afiteno ageʼniya vekamoʼmo hosu kavafeʼmo koli nehiyaʼmonanafa negi vekamoʼmo koli osuno aipamo leʼnigeno ayamukiki nehiye.

Mai'naya kavane 28:14

Muki afinaʼmo Ala kava nefeʼmo koli nehiya vekamoʼmo Goti aulagaleʼmo alagepa huno maiʼniyanageno afaʼa amogaga aigiyaʼmonanafa aipamo alino lokiya vaino neʼateya vekamoʼmo hanageke kavapiʼmo asagauno aigiye.

Napa 14:34

Lapakaemo ani kotegamo uta mopamo agesayafeʼmo fotiʼa afinaʼmo umenitata huʼnaya kava hutapa fotiʼa kafugamo kaʼme kotegamo umenitata nehutapaeʼmo faligae. Magoke afinatefeʼmo magoke kafugamo hosu kavatapilefeʼmo kana yaʼmo alita kofilitapa utapaeʼmo oʼnahauʼniya kavaʼmo huʼnayaʼmofeʼmo kametapimo maisugetapaeʼmo alita lapamalagigae.

Matiyu 24:48

aliʼyaʼamo neʼaliya hosu vekamoʼmo, aliʼyaʼmo afoʼamoʼmo yatala afinaʼmo maiʼniye, huno agesa afiteno

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Lomu 11:20

He, lama gemo huʼnayaʼmonanafa Kalaisifeʼmo apakesamo afiʼa fatago osuʼnayaʼmofeʼmo alino lo aeno apataleʼnigetapaeʼmo lapakaemo lapakesamo afita fatago nehaya kavatapiletiʼmo afaʼa neʼmaiye. Himuʼnamu kavaʼmo osutapa koligeʼmo huta maiyo.

Lomu 3:23

Na kava huʼnagenoʼaene. Muki vayaʼmogimo hosu kavaʼmo huteʼa Goti ha le konali yaʼamo uʼa haiʼa me taleʼnayaʼmofeʼmo noʼaliye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

2 Kolitiyani 6:1

Lagaemo Gotiʼeʼmo magokepi lokaeta aliʼyaʼamo neʼaluna vayaʼmogitamo hutaeʼmo, Gotiʼa fikumo hapa maeno neʼapamiya kavaʼamo fikumo oʼalitapa agetapa alagepa huʼnetapageʼmo aliyo, huta ge huta nelapatone.

Galesiya 5:4

Lapakaemo hutapaeʼmo, keʼaepa gemo akame nehuna kavatetiʼmo Goti aulagaleʼmo fatago vayaʼmo maigune, hutapa hisayana Kalaisiʼa ataletapa Gotiʼa fikumo lapa maeno nelapamiya kavategamo oʼmaitapa malaga vayaʼmo maiʼnae.

2 Timoti 2:13

Lagaemo hutaeʼmo, akame hugune, huta hutetaeʼmo akame nosisunana agaemo ani kavaʼmo huguve, huno hu maleʼnisiya gemo akame hugiye. Huguve, huno nehiya gemo alagi oʼataleno afaʼa akame nehiya vekamoʼmo maiʼniyaʼmofeʼmae.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 13:7

Yagaiʼa lapateʼneʼa Goti geʼamo lapa paiʼnaya vayaʼaifeʼmo lapakesamo afiyo. Alagepa kavaʼmo huteʼa uʼa atupaleʼmo avaʼyi huʼnae, hutapa lapakesamo afifi nehutapaeʼmo apakesamo afiʼa fatago huʼnaya kavaʼmo apakame hutapa hiyo.

Himulu 3:11

Naipamo leʼnigeʼnaeʼmo nagoʼyamo ataleteʼna lokiya gefatiʼmo huʼnaeʼmo, nagaeʼeʼmo maiʼa haga leʼa maisayapiʼmo alagi u haiʼa oʼmaigae, huʼna huʼnove, huno huʼniye.

Himulu 4:11

Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.

Himulu 4:9

Gotiʼa muki yaʼamo alo huno hano hutenoʼaeʼmo maino haga leʼniya kava huno Kalaisiʼa aliʼyaʼamo ago alino hano huʼniyanageno Gotiʼeʼmo magokepi lokaeno maino haga legaiye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.