Himulu 3:5 - The Keyagana NT and 25 OT books

⁵ Moseseʼa Goti nopiʼmo Goti afamo anaga vayaʼalefeʼmo aliʼyaʼamo oʼataleno alagepa huno aliʼyaʼmo aliteno afole aisiya vekaeʼmo ava gemo huno hapa paiʼniye.

Himulu 3:5 ပူးပေါင်းရင်းမြစ်များ

Samu 105:26

Agaemo aliʼyaʼamo neʼaliya vekamo Moseseʼe lekana paino ateʼniya vekamo Eloniʼeʼmo alino anateʼnigeʼana kini vekalegamo uʼnaʼae.

Hatu maeno apate'niya gemae 14:31

Isaleli vayaʼmogi Ala kava neʼmoʼa Isipi vayaʼaitegamo lusi kavaʼmo huʼnigeʼa ageteʼapaeʼmo Ala kava nefeʼmo koli huteʼa aliʼyaʼamo neʼaliya vekamo Moseseʼa huʼniya geʼaeʼmo apakesamo afiʼa fatago huʼnae.

Hatu maeno apate'niya gemae 40:16

Moseseʼa Ala kava neʼmoʼa muki ani ha paiʼniya kavaʼageʼmo akame huno huʼniye.

Napa 12:7

Nehuvaʼmonanafa aliʼyaʼnimo neʼaliya vekamo Mosesetegamo ani agufa kavaʼmo nosuve. Agaemo noʼnifiʼmo afamo anaga vayaʼnilefeʼmo aliʼyaʼamo oʼataleno alagepa aliʼyaʼmo alino afole aino atesiya vekamo augosafiʼmo ageʼnogeno naugosafiʼmo nageʼnigeʼnaeʼmo ge nehuve. Nagaemo aeʼna kalafefa agufa gemo huʼna ha nopaufa huʼna halenageʼmo ha nepauve. Ha nepaugenoʼaeʼmo agaemo nageʼniye. Ani kavaʼmo Mosesetegamo nehuvaʼmofeʼmo na agufa kava higetanaeʼmo koli osutana aliʼyaʼnimo neʼaliya vekamo Mosesepikeʼmo gemo alitana faitana ateʼnaʼae.

Matiyu 24:45

Haiya vayaʼmogi aliʼyaʼapimo oʼataleʼa alige alige huʼa neʼmaiya vayane. Aliʼyaʼmo afoʼamoʼmo aliʼyaʼamo neʼaliya vayaʼaiteʼmo yagaino apatesiyafeʼmo lekana paino ateteno, neʼyaʼmo aligefe hisaya afinaʼmo alika fako huka apamiyo, huno ha paiteno uteno atagi nenoʼeno agesiyana aliʼyaʼamo oʼataleno aliʼyaʼmo neʼaliya vekamoʼmo aulena vekamo maiʼniye.

Matiyu 25:21

aliʼyaʼmo afoʼamoʼmo ha painoʼaeʼmo, aliʼyakamo oʼataleʼnanaʼmofeʼmo aliʼna amufa nekamuve, huno, alagepa kavaʼmo huʼnane. Aise yateʼmo alagepa huka yagaiʼnanaʼmofeʼmo alopa yateʼeʼmo afaʼa yagaisanafeʼmo kavalegauvanagi eka nagaeʼeʼmo kamogaga aiyo, huno ha paiʼniye.

Luki 12:42

aliʼyaʼmo afoʼamoʼmo alino amufa amiʼnisiya vekamo alagepa huno ageʼnisiya vekamoʼmo aliʼyaʼamo neʼaliya vayaʼaiteʼmo yagaiʼneno neʼyaʼapimo alino fako huno apamisiyafeʼmo lekana paino ategaiye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Yoni 5:39

Lapakaemo Goti Mukufiʼmo haneʼniya geeʼmo kahauya hutapa agege lekana paige hutapa maiʼnetapaeʼmo, alagepa huta maige maige huta maisuna yaʼmo aligune, hutapa lapakesamo neʼafiyaʼmonanafa ani gemoʼa nagaefekeʼmo huʼniye.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

Apa 7:37

Ani vekamo Moseseʼa Isaleli vayaʼaifeʼmo hunoʼaeʼmo, Ala kava neʼmo Gotitapimoʼmo mago vekamo agaetegati gemo alinineno aeno hakalo huno lapa paisiya vekamo nagaekana huno maisiya vekamo alino atesigeno lapakaetegamo eminegaiye. Lapakaemo ani vekamoʼmo muki hisiya geʼamo alagepa hutapa afiyo, huno hapa paiʼniye.

Lomu 3:21

Ani kava huʼa maiʼnayaʼmonanafa hemenimo Gotiʼa fatago kavaʼamo agaiʼalegatiʼmo alino apave neliye. Keʼaepa geʼamo akame nehaya kavatetiʼmo noʼapamifa fikumo hapa maeno neʼapamiye. Moseseʼe Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo avoʼmo kae maleʼnaya gefatiʼmo ani kavafeʼmo ava gemo aeʼa hakalo huʼa hapa nepaiye.

1 Kolitiyani 4:2

Aliʼyaʼmo afoʼamoʼmo alino amufa apamiʼniya vayaʼmogigeʼmo ani aliʼyateʼmo afaʼa yagaigae.

1 Timoti 1:12

Ala kava netimo Kalaisi Yesuʼa nagaefeʼmo agesamo afinoʼaeʼmo, aliʼyaʼnimo oʼataleno muki afinaʼmo alagepa huno aliʼyaʼmo aligiye, huno huteno lokiya vaino nateteno aliʼyaʼaleʼmo navaleno nateʼniyaʼmofeʼmo hao ke nehove.

Himulu 1:1

Akeyaʼvilagamo Gotiʼa agaiʼalegati gemo alini eʼa aeʼa hakalo huʼa hapa paiʼnaya vayaʼai apavayafatiʼmo laginago vayaʼaifeʼmo hapa paiʼniye. Alu afinaʼae alu afinaʼaeʼmo aise gemo hapa paite hapa paite huge alu kavatetiʼe alu kavatetiʼeʼmo hapa paige huʼniye.

Himulu 3:2

Moseseʼa Goti nopiʼmo aliʼyaʼmo aliteno Goti afamo anaga vayaʼaiteʼmo aliʼyaʼamo oʼataleno alagepa huno aliʼniya kava huno Yesuʼa lekana paino ateʼniya Gotitefeʼmo aliʼyaʼamo oʼataleno alagepa huno aliʼniye.

Himulu 3:4

Muki noʼamo agaiʼamo afaʼa afole noʼaifa vayaʼmogigeʼmo nekiye. Inagi Gotiʼa muki yaʼmo afoʼamoʼmo maiʼniye.

Himulu 8:5

Moseseʼa ani seli mono noʼmo kisiyafeʼmo nehigenoʼaeʼmo Gotiʼa, aveleʼmo maiʼnanageʼnaeʼmo ago aliʼna kave liʼnovanagi ani kava huka ageka alagepa huka aune yaʼmo alo huvo, huno ha paiʼniye. Apakaemo kokuʼnapi haneʼniya mono nokana huno haneʼniya agufa aune nopiʼmo aliʼyaʼmo neʼaliye.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.

Yasuva 1:15

Lapakaemo hapa maeme hapa maeme neʼvisagenoʼaeʼmo Ala kava neʼmoʼa lapa maeʼnigetapa maitapa haga leʼnaya kava huno Ala kava neʼmoʼa konagatapimogimo mopamo apamisigeʼa maiʼa haga legae. Inagi ataginetapa eta Ala kava neʼmo aliʼyaʼamo neʼaliya vekamo Moseseʼmo Yoneni aniʼmo magayaga faliga yegemo haine neʼeya haopalegamo lapamiʼniya mopaleʼmo maiʼnetapa lapamogaga aigae.

Yasuva 1:2

Aliʼyaʼnimo neʼaliya vekamo Moseseʼmo ago faliʼniyaʼmofeʼmo hemenimo kagaeʼe muki Isaleli vayaʼeʼmo lapakaemo Yoneni aniʼmo lakaetapa nagaemo lapamisuva mopaleʼmo utapa avaʼyi hiyo.

Yasuva 1:7

Kagaemo koli osuka lusi kava huka he tika lokiya vaikageʼmo maiyo. Muki keʼaepa geʼnimo Moseseʼmo aliʼyaʼnimo neʼaliya vekamoʼmo akame huvo, huno kaha paiʼniya keʼaepa gemo akame hisanafeʼmo lokiya vaika maiyo. Kagaemo haiya haopalegamo visapi alagepa huka maisanafeʼmo ani keʼaepa gefatiʼmo magoke aise atupa gemo alagi oʼatalo. Ani kaʼmo ataleka lamaga kotegamofi hoga kotegamofi huka oʼuvo.

Yasuva 8:31

Moseseʼa Ala kava neʼmo aliʼyaʼamo neʼaliya vekamoʼmo Isaleli vayaʼaifeʼmo hiyo, huno hapa paiʼniya gemo Mosese keʼaepa gemo mukufiʼmo avoʼmo kae maleniya geʼamo Yasuvaʼa alagi akame huʼniye. Ani gemo haneʼniyana lapakaemo mago aeni atupaletiʼmo yafaʼmo apalo oʼatiyo. Apalo oʼatiʼnisaya yafatetiʼmo ofalini hiʼyalamuʼmo hiyo. Yasuvaʼa hu maleʼniya hiʼyalamuʼmo agotofuleʼmo atafiʼmo alagi kaeʼa asagalisaya ofalinimo huge Gotiʼa aipamo falu hisiya ofalinimo huge huʼnae.

Yasuva 8:33

Inagi muki Isaleli vayanagi alu kotega vayanagi apakae folagapiʼmo maiʼneʼa aliʼa apateʼnaya vayanagi yagaiʼa neʼapataya vayanagi avoʼmo nekaya vayanagi agoti gemo neʼafiya vayanagi huʼa aliʼa anupa huʼa maiʼnae. Ala kava neʼmo kotalake kesimo folagapiʼmo haneʼniye. Apakaemo Livai nofi vayaʼmo mono huʼa neʼapataya vayaʼmogimo ani kesimo kofiliʼa neʼvaya vayaʼai apaulagaleʼmo he tiʼa maiʼnae. Muki vayaʼmo aliʼa fako huʼa lole vayaʼmo maiteʼa mago vayaʼmo kotalake kesimo hoga haopalega he tiʼa maiʼnageno apakamelega Gelisimo avemo haneʼnigeʼa alu vayaʼmo kotalake kesimo lamaga haopalega he tiʼa maiʼnageno apakamelegamo Emo avemo haneʼniye. Moseseʼa Ala kava neʼmo aliʼyaʼamo neʼaliya vekamoʼmo muki Isaleli vayaʼmo huʼa auleʼa apatesayafeʼmo ani kavatefeʼmo hiyo, huno hapa paiʼniye.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.