Himulu 3:13 - The Keyagana NT and 25 OT books

¹³ Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Himulu 3:13 ပူးပေါင်းရင်းမြစ်များ

Mai'naya kavane 28:26

Nagaiʼnimo afaʼa naha maegauve, huno agaiʼamo alino amufa neʼamiya vekamo negi vekamo maiʼniyaʼmonanafa afiteno ageʼniya kavaʼmo nehiya vekamo hosu kavapatiʼmo avalelino uno haigiye.

Omataiya 1:3

Lapakaemo himuʼnamu kavaʼmo hutetapa lapakufamo avalelita haiʼnaya kavatapimoʼmo humi lapateʼniye. Lapakaemo alopa taonitapileʼmo lokiya yafa kegiʼyamoʼmo faino vego huno lapateʼnigetapa anaga ave koteʼmo maiʼnetapa alopa yafa kapiʼmo fala kiʼnayaʼmofeʼmo lapakaemo lapaipafiʼmo hutapaeʼmo, Ina lagimo eʼa hai eʼa lavaleliʼuʼa lamiʼa aliʼa afepiʼmo lategae, hutapa nehae.

Apa 11:23

Uno apakeyana Gotiʼa fiku hapa maeno apamiʼnigeno apaketenoʼaeʼmo lusi kava huno amogaga aiteno hapa painoʼaeʼmo, alagepa hutapa lapakesamo afitetapa lokiya vaita maiʼnetapaeʼmo Ala kava neʼmo akame huteta oʼatalegaune, hutapa hiyo, huno apaipa apakesamo alino lokiya vaino apateʼniye.

Lomu 7:11

Hosu kavaʼmoʼa kaʼmo agetenoʼaeʼmo keʼaepa geletiʼmo humi nateteno namagiʼnigeʼna faliʼnove.

Efasasi 4:22

Agaemo hunoʼaeʼmo, hogotetapa huʼnaya kavatapilefeʼmo atafa vekatapimo alita ataleyo, huno alino lapaya maleʼniye. Atafa vekatapimoʼa lapaʼye nehiya kavatapiletiʼmo kasalime kasalime uno humi nelapate.

1 Tesaloniyani 2:11

Afoʼapimogimo mafaʼneʼapileʼmo yagaiʼa neʼapataya kava huta lapakaeteʼmo yagaiʼneta ani kavaʼmo hiyo, huta huge lapaipamo alita lokiya vaita lapatege lokiya gefatiʼmo lapa paige huta maiʼnonagetapa lageʼnae.

1 Tesaloniyani 4:18

Maigunaʼmofeʼmo mani geletiʼmo konagatapimogi apaipamo alita falu hutapa apateyo.

1 Tesaloniyani 5:11

Huʼniyaʼmofeʼmo lapakaemo nehaya agufa kavaʼmo hutapa konagatapimogimo magoʼe hutapa hapa maetapa apaipamo alita lokiya vaitapa apatetetapa alita falu fala hutapa apateyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.

Himulu 13:22

Konagaʼnimogitapae, huʼna, yatala gemo avoʼmo okaeʼnovana lapaipamo alino lokiya vaino lapatesiya gemo afitetapaeʼmo alagaʼmo olapaeʼninagetapa lapaipamoʼmo falu hino.

Yemisi 1:14

Apakaiʼapi apakufamoʼmo hauʼniya kavaʼmoʼa apayateʼmo heno apavayu hulino hosu kavategamo neʼviye.