Himulu 3:12 - The Keyagana NT and 25 OT books

¹² Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Himulu 3:12 ပူးပေါင်းရင်းမြစ်များ

Aepa Gemae 8:21

Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve.

Samu 18:21

Nagaemo keʼaepa geʼamo akame huʼnovaʼmofeʼmae. Hosu kavaʼmo huʼna Gotiʼnimoʼmo ataleʼna oʼuʼnove.

Mai'naya kavane 1:32

Gemo noʼafiya vayaʼmogimo nagaemo apakameʼyamo namiʼnayanageno ani kavaʼapimoʼmo hapaesigeʼa faligae. Negi vayaʼmogi huʼapaeʼmo, alagepa huta maiʼnone, huʼa nehaya geʼapimoʼmo apakaiʼapimo alino hano huno apatalegaiye.

Aiyeya 59:13

Lagaemo kagaetegamo gekamo amagita atalege aigofe gemo huge Gotitimoʼmo ataleta uge lavayafatiʼmo gemo huta alita afepiʼmo apatege gekamo oʼafigune, huta huge huta maiʼnone. Laipafiʼmo lagesamo afiteta laipafatiʼmo aigofe gemo nehune. Apakaemo vayaʼmogi kavaʼapimo alagepa huʼa aliʼa fako huʼa oʼapateʼnagenoʼaeʼmo Ala kava neʼmoʼa agetenoʼaeʼmo alagepa aipamo kalino oʼapateʼniye.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Matiyu 24:4

Yesuʼa, humi olapatesayafeʼmo alagepa hutapa yagaita lapateyo.

Maki 13:23

Nagaemo muki afole aisiya kavafeʼmo ago lapa paiʼnovanagi alagepa huta kava yagaiyo.

Maki 13:33

Hainu afinaʼmofi hutapa oʼafiʼnayaʼmofeʼmo ehetapiye, huʼna, kava yagaita maiʼnetapa nunumuʼmo hutapa maiyo.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Luki 21:8

humi olapatesayafeʼmo ehetapiye. Alagepa huta yagaiyo. Asole vayaʼmogi eʼa nagiʼnimo aeteʼapaeʼmo, Kalaisi vekamo maiʼnove, huʼa huge, ani afinaʼmo ago afole aiʼniye, huʼa huge hisagetapaeʼmo apakame osiyo.

Lomu 11:21

Gotiʼa yosaʼafatiʼmo agaiʼamo aeʼniya yosa akopamo alino lo aeno atalesiyafeʼmo agegeno oʼateʼniyaʼmofeʼmo lapakesamo afita fatago osisayana ani kava huno lapakegeno olapategaifa alino lahapafaino lapatalegaiye.

1 Kolitiyani 10:12

Maiʼnonaʼmofeʼmo lapakaemo lokiya vaita he tita maiʼnone, hutapa lapakesamo neʼafisayana asagauta aigayanagi ehetapiye.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

1 Tesaloniyani 1:9

Ani vayaʼmogimo lagaefeʼmo huʼapaeʼmo, apakaemo Tesaloniyani vayaʼaitegamo uʼnageʼapaeʼmo aigofe gotiʼapimogi apataleʼa aiʼa afe leʼa Gotitegamo eʼa afaʼa neʼmaiya lama ge Goti aliʼyaʼamo neʼaliye.

Himulu 10:31

Gotiʼa afaʼa neʼmaiya vekamo maiʼniyaʼmofeʼmo ayapiʼmo apatafauno maiʼnisiya vayaʼmogimo lusi kava huʼa koli hugae.

Himulu 10:38

Inagi fatago vayaʼmo apakesamo afiʼa fatago nehaya kavatetiʼmo alagepa huʼa maigayaʼmonanafa mago vekamo halate ataleno aino atagi neno uʼnisiyaʼmoʼmo alagi aiseʼamo amuse huʼna oʼategauve, huno hu maleʼniye.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 12:22

Lapakaemo Sainai aveleʼmo oʼmeʼnafa Saiyoni kotega avemo kokuʼnapi Yulusalemu taonifiʼmo yalagisa Gotiʼa neʼmaiya taonifiʼmo tauseni tauseniʼa enisole vayaʼmo neʼmaiya taonifiʼmo etapa maiʼnae.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 3:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamo leʼna apateteʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Himulu 3:19

Inagi ago afiʼnonana apakesamo afiʼa fatago osuʼnayaʼmofeʼmo afaʼa uʼa ohaiʼnae.

Himulu 9:14

Afumo kolaʼmoʼa vayaʼmogi amega apakufaleʼmo aeno kalo paeno apaeʼniyaʼmonanafa afaʼa neʼmaiya yaʼmo neʼapamiya Goti aliʼyaʼamo alisayafeʼmo Kalaisi kolaʼamoʼa magoʼe huno lapakupi mafaʼnemo falisaya kavaʼmo aliʼyaʼalefeʼmo aeno kalo paeno lapategaiye. Agaemo hosu kavaʼamo alagi ohaneʼniya vekamo maige maige huno neʼmaiya Aunemeʼaletiʼmo agaiʼa agufamo Gotiʼmo amiʼniye.