Himulu 3:10 - The Keyagana NT and 25 OT books

¹⁰ Huʼnayaʼmofeʼmo ani afinaʼmo muki maiʼnaya vayaʼaifeʼmo naipamo leʼna apateteʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Himulu 3:10 ပူးပေါင်းရင်းမြစ်များ

Aepa Gemae 6:6

Ala kava neʼmoʼa vayaʼmo alo huʼna oʼapatesuva yafena alo huʼna apateʼnove, huno agesamo afiteno aipafatiʼmo agafu kiʼniye.

Samu 67:2

Ani kavaʼmo hisanageʼapaeʼmo muki ma mopafi vayaʼmogimo kaʼmo agesageka apakufamo alika katika apategane.

Samu 78:40

Muki afinaʼmo kaʼme kotegamo maiʼneʼapaeʼmo geʼamo ago amagiʼa ataleʼnagenoʼaeʼmo lusu kava huno aipamoʼmo kana huʼniye.

Samu 78:8

Apakinago vayaʼmogimo himuʼnamu kavaʼmo huteʼa geʼamo oʼafige Gotifeʼmo apakesamo afiʼa fatago osuge huteʼa ataleʼa uʼnae. Fiku yanageʼa apakaeʼeʼmo ani agufa kavaʼmo hugae.

Samu 95:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamoʼmo kana huʼnigeʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Aiyeya 63:10

Hapa maeʼniyaʼmonanafa aiyafiʼmo oʼmaigune, huʼa huteʼa Aote Aunemeʼamo aipa kana yaʼmo amiʼnayaʼmofeʼmo Gotiʼa aino afe leno kame vekaʼapigana huno maiʼneno kame huno apateʼniye.

Matiyu 20:24

Teniʼa vayaʼmo geʼamo neʼafiya vayaʼmogimo ani gemo afiteʼapaeʼmo lole konagalaʼanifeʼmo apaipamo leʼa anateʼnaʼae.

Maki 3:5

Yesuʼa aulu hapaeno apakelinuneno huteno aipamo leno apateʼniye. Lokiya apaipa vayaʼmo maiʼnayaʼmofeʼmo aipamoʼmo kana huʼniye. Agaemo hunoʼaeʼmo, kayaʼmo aeka hayo huvo, huno huʼnigeno aeno hayo huʼnigeno ayaʼmo alino api aino ateʼnigeno alu ayakana huno haneʼniye.

Yoni 8:45

Maiʼniyaʼmonanafa nagaemo lama gemo lapa nepauvaʼmofeʼmo nagaefeʼmo alagi lama gemo nehiye, hutapa lapakesamo afita fatago nosae.

Lomu 1:28

Apakaemo Gotifeʼmo lama ge huʼa apakesa afisayafeʼmo ohapauʼniyaʼmofeʼmo Gotiʼa magoʼe huno apatafauno oʼmaiʼnifa afaʼa apakeno apataleʼnigeʼno hosu apaipa apakesakeʼmo alino he tino apateʼnigeʼa osisaya agufa kavaʼmo nehae.

Lomu 3:7

Mago Yu vayaʼmogi, hosu kavaʼmo huʼnisunagenoʼaeʼmo Goti fatago kavaʼamo vayaʼai apaulagaleʼmo magoʼe huno afole aiʼnisiyana na kava higeno agoti huno lategaiye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.