Himulu 3:1 - The Keyagana NT and 25 OT books

¹ Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 3:1 ပူးပေါင်းရင်းမြစ်များ

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Aiyeya 1:3

Pulumakamogimo afoʼapimoʼmo ago ageʼnae. Nokimogimo afoʼapimoʼmo neʼyaʼmo neʼapamiya yuvapamo ago ageʼnae. Ageʼnayaʼmonanafa Isaleli vayaʼmogi nagaemo nageʼa aeto osuʼnae. Vayaʼnimo maiʼnayaʼmonanafa nagaefeʼmo apakesamo noʼafiye.

Aiyeya 5:12

Neʼyaʼmo yagita huʼapaeʼmo nofi alagafati aniʼmo neʼneʼapaeʼmo alu agufa gita amagige feliyopa huge yaveʼya amagige nehayaʼmonanafa Ala kava neʼmo aliʼyaʼamo neʼaliya kavafeʼmo apakesamo oʼafige nehiya kavafeʼmo apakesa afifi osuge nehae.

Hagai 1:5

Notapifiʼmo neʼmaiyaʼmofeʼmo Ala kava neʼmo asole vayaʼaiteʼmo neʼyagaiya vekamoʼmo hunoʼaeʼmo, hosu kavatapiyeʼmo lapakesa afifi hutapa maiyo.

Hagai 2:15

Hemenimo lapakesa afifi hume hume viyo. Hogotetapa mono noʼnimo aepa faitapa okiʼnaya afinaʼmo lapakaetegamo afole aiʼniya kavafeʼmo alagepa hutapa lapakesa afifi hutapa maiyo.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 20:21

Yesuʼa halate hunoʼaeʼmo, lapaipamoʼmo falu hino, huteno, Afoʼnimoʼmo alino nateʼnigeʼna emiʼneʼnova kava huʼna aliʼna lapatesugetapa ugae, huno hapa paiteno

Yoni 20:27

Tomasifeʼmo hunoʼaeʼmo, ati yagaina kayaʼmo nayatalapiʼmo vaika ago. Kayaʼmo alika ataleʼneka ati yagaina kayatetiʼmo hayoletiʼmo nahaopafiʼmo aeʼnaya kapiʼmo vaiyo. Vaiteka kagesamo afika fatago nosana kavakamo ataleka kagesa afika fatago huvo, huno ha paiʼnigeno

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Lomu 11:17

Gotiʼa hoyafiʼmo haneʼniya yosamo agiʼamo olivi yosa akopamo lo aeno ataleteno kahaufilaga olivi yosa akopamo lo aelineno aeno hanino ateʼniye. Lapakaemo alu nofi vayaʼmo kahaufilaga yosagana hutapa maiʼnae. Hemenimo lapakaemo yosa akopaʼaʼeʼmo lokaetapa maiʼnetapaeʼmo hafuʼyaʼafatiʼmo yosa anumo aliʼnageno alino lokiya vaino nelapate.

Lomu 15:27

Yu nofi vayaʼmo oʼmaiʼnaya vayaʼmogimo hapauʼniyaʼmonanafa Yu vayaʼaina hapa maesaya anonaʼapimo haneʼniye. Yu vayaʼmogimo apauneʼapameʼmo hapa maesiya yaʼmo apamiʼnayaʼmofeʼmo Yu nofi vayaʼmo oʼmaiʼnaya vayaʼmogimo Yu vayaʼaina amega apakufale yaʼmo apamisaya agufa anonaʼapimo haneʼniye.

Lomu 15:8

Nagaemo huʼnaeʼmo, Gotiʼa Yu vayaʼmogita laginago vayaʼaifeʼmo fikumo lapa maegauve, huno hapa paiʼniya polomasi geʼamo afole aisiyafeʼmo Kalaisiʼa Goti aliʼyaʼamo neʼalinoʼaeʼmo Yu vayaʼaitegamo uno aliʼyaʼmo aliʼniye.

Lomu 9:24

Keya aeno ge huʼniya vayaʼmogitalegamo ani kavaʼmo huʼniye. Yu vayaʼaifekeʼmo keya aeno ge osuʼnifa alu nofi vayaʼefeʼmo keya aeno ge huʼniye.

1 Kolitiyani 10:17

Magoke peleti mayamo haneʼniya kava huta mukiʼamogita magoke vayaʼmo maiʼnone. Magoke peleti mayafatiʼmo neʼnonaʼmofeʼmo magoke vayaʼmo maiʼnone.

1 Kolitiyani 9:23

Alagepa faigoko geʼamo aino atagu faesiyafeʼmo mani kavaʼmo nehuve. Alagepa faigoko geʼaletiʼmo fiku naha maeno namisiya yaʼmo muki vayaʼeʼmo magokepi alisunafeʼmo ani kavaʼmo huʼna maiʼnove.

2 Kolitiyani 1:7

Kana yaʼmo neʼaluna kava hutapa kana yaʼmo neʼaliye. Ani kava huno alino lokiya vaino nelateya kava huno alino lokiya vaino lapategaiye, huta ago afiʼnonaʼmofeʼmo, oʼataleʼa atafauʼa alagi hugae, huta lagesamo neʼafune.

2 Kolitiyani 9:13

Lapakaemo hapa maetapa apamitetapaeʼmo, Kalaisifeʼmo alagepa faigoko geʼaeʼmo lagesamo afita fatago nehune, hutapa alita apave lisageʼa ageteʼapaeʼmo, he lama gemo nehae, huteʼa, Kolitiyani vayaʼmogimo Goti geʼamo akame huteʼa lagaeʼe muki vayaʼeʼmo magoke agufa apaipa apakesafatiʼmo afalu afalugana kavaʼmo nehae, huʼa huteʼa Goti agiʼaleʼmo aliʼa asaga huʼa ategae.

Efasasi 3:6

Alu nofi vayaʼmogimo Kalaisifeʼmo alagepa faigoko geʼamo afiteʼa apakaeʼeʼmo magoke vayaʼmo hamaleteʼa Gotiʼa Yu vayaʼaina apamisigeʼa alisaya kava huʼa Kalaisitetiʼmo aligae. Mafaʼneʼapimogimo muki afoʼapimogi yaʼmo neʼaliya kava huʼa aligae, huno alino lave liʼniye.

Efasasi 4:1

Inagi nagaemo Ala kava netefeʼmo kalavusi huʼneʼnaeʼmo, Gotiʼa alagepa kavaʼmo hutapa maisayafeʼmo keya aeno ge huʼniya agufa kavaʼmo hutapa maiyo, huʼna aliʼna he tiʼna nelapatove.

Efasasi 4:4

Kalaisi agufaʼamo maiʼnonagenoʼaeʼmo magoke agufamo haneʼniye. Magoke Aunemeʼamo maiʼniye. Magoke kavafekeʼmo agava neʼmaune. Gotiʼa keya aeno ge huʼnigetaeʼmo ani magoke kavafekeʼmo agava maiʼneta lavayagunagu nehune.

Filipai 3:14

Gotiʼa anaga kotegamo uʼna haiʼna maisuvafeʼmo Kalaisi Yesutetiʼmo nagaefeʼmo keya aeʼnigeʼna atupaleʼmo uʼna avaʼyi huteʼna hetamaʼnimo alisuvafeʼmo nayamukiki huʼna nagu nagu huʼna neʼuve.

Kolosi 1:12

Agaemo yagaino neʼapateya ha le koteʼmo uʼa haiʼa neʼmaiya vayaʼeʼmo hetama maleno lateʼniya yatimo afaʼa alisunafeʼmo alo huno lateʼniye.

Kolosi 1:22

Lapaote vayaʼamo maisageno hosu kavatapimo alagi ohanesigetapa vaiʼmo oʼalisayafeʼmo Mafaʼneʼamoʼmo agufamo aliteno faliʼniya kavatetiʼmo Goti aulagaleʼmo alino he tino lapategaiye.

Kolosi 3:12

Gotiʼa lapakaefeʼmo hau ayamopafiʼmo hauʼnigeno ago lekana paino lapateteno lapavaleno lapaote lapateʼniyaʼmofeʼmo lapau huta apatege alitapa lapao yaʼmo huge ina agufa vayaʼmo maiʼnone, hutapa lapakesamo afige yagu yaga kavaʼmo hutapa apatege lapakaetegamo hosu kavaʼmo nehisagetapaeʼmo afaʼa maiʼnetapa falu fala lapaipamo kalita apatege hiyo.

1 Tesaloniyani 2:12

Gotiʼa yagaino neʼapateya koteʼmo uta haitapa maiʼnetapaeʼmo ha le konali yaʼamo alisayafeʼmo keya aeno ge huʼniya agufa kavaʼmo hutapa maiye.

1 Tesaloniyani 5:27

Nagaemo Ala kava neʼmo himamuʼaletiʼmo huʼnaeʼmo, mani avoʼmo alita lekana paigeʼapao muki apaote konagatimogi afiyo.

2 Tesaloniyani 1:11

Gotiʼa hunoʼaeʼmo, Apakaemo keya aeʼna ge huʼnova agufa kavaʼmo huʼa maiʼnae, huno hisiyafeʼmo muki afinaʼmo nunumuʼmo nehune. Gotifeʼmo nunumuʼmo hutaeʼmo, Kagaemo Tesaloniyani vayaʼmo apaote maisayafeʼmo keya aeka ge huʼnane. Apaote maisayafeʼmo alika apaote apato. Apakaetegamo kahauʼnisiya kavaʼmo alagepa kavaʼmo huka himamukaletiʼmo apaipafiʼmo apakesamo afiʼa fatago huteʼa alagepa kavaʼmo hisayafeʼmo alo huteka alika afole aika ato, huta nunumuʼmo nehune.

2 Tesaloniyani 2:14

Lagaemo alagepa faigoko geʼamo aeta hakalo huta lapa nepaunagenoʼaeʼmo Gotiʼa Ala kava netimo Yesu Kalaisi ha le konali yaʼamo alisayafeʼmo keya aeno ge huʼniye.

1 Timoti 6:12

Kagaemo alagepa kamemo apakesamo afiʼa fatago nehaya vayaʼmogi nehaya agufa kamemo huvo. Maige maige huka maisanafeʼmo keya aeno ge huʼniyanagi ani kavateʼmo atafauka alagi huka maiyo. Keya aeno ge huʼnigekaeʼmo kagaemo muki afiʼnaya vayaʼai apaulagaleʼmo hukaeʼmo, Yesufeʼmo nagesamo afiʼna fatago huʼnove, huka alagepa gemo ago hapa paiʼnane.

1 Timoti 6:2

Aliʼyaʼmo afoʼamoʼmo agesamo afino fatago huʼnisiya vekamoʼmo maiʼnisiyana aliʼyaʼamo neʼaliya vayaʼmogimo huʼapaeʼmo, konagatimoʼmo maiʼniyaʼmofeʼmo geʼamo oʼafigune, huʼa osuʼa, lagaemo ha maesuna vekamo agesamo afino fatago huʼniya vekamo lahauʼniya vekamo maiʼniyaʼmofeʼmo geʼamo afigune, huʼa hisaya kavaʼmo haneʼniye. Ani kavaʼmo hiyo, huka hapa paiteka alika apaya malo.

2 Timoti 1:9

Gotiʼa alagepa kavatilefeʼmo lagaefeʼmo keya aeno ge osuʼnifa hisiya kavafeʼmo agesamo afiteno fikumo laha maeno lamiʼniya kavaʼaletiʼmo lagufamo alino katino lateʼniyanageta laote vayaʼamo maisunafeʼmo keya aeno ge huʼniye. Akeyaʼvilagamo ma mopamo alo osuʼniya afinaʼmo hogoteno Gotiʼa Kalaisi Yesupiʼmo maiʼnonagenoʼaeʼmo fikumo laha maeno lamiʼniye.

2 Timoti 2:7

Mani nehuva geeʼmo kagesa afifi huka maiʼnegenoʼao Ala kava neʼmoʼa kamisigekaeʼmo muki geʼamo afika aeto hugane.

Himulu 10:19

Konagaʼnimogitapae, huʼna, ani gemo huʼniyaʼmofeʼmo koli osuta Yesu kolaʼaletiʼmo alagi aote mono nopiʼmo uta haigetao.

Himulu 10:21

Siosi vayaʼaiteʼmo yagaino neʼapateya vekamo maiʼneno Ala kava netimo mono huno nelateya vekamo maiʼniyaʼmofeʼmo

Himulu 10:23

Ani kavaʼmo huguve, huno laha paiʼniya vekamoʼmo geʼamo amagino ataleteno alu gemo osugiyaʼmofeʼmo agava maiʼneta lavayagunagu nehuna kavatefeʼmo lole lagesamo oʼafita atafauta alagi huʼneta aeta hakalo higetao.

Himulu 13:22

Konagaʼnimogitapae, huʼna, yatala gemo avoʼmo okaeʼnovana lapaipamo alino lokiya vaino lapatesiya gemo afitetapaeʼmo alagaʼmo olapaeʼninagetapa lapaipamoʼmo falu hino.

Himulu 2:11

Yesuʼa apavaleno apaote apateʼniya vekamoʼe apavaleno apaote apateʼniya vayaʼaʼeʼmo magoke agufa yaʼmo aliʼnayaʼmofeʼmo naganaʼnimogitapae, huno hapa paisiyafeʼmo avagage nosiye.

Himulu 2:17

Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 3:12

Konagaʼnimogitapae, huʼna, ehetapiye, fiku yanagetapa mago vayaʼamogitapamo hosu lapaipamo kalitetapa lapakesamo afita fatago osutapa afaʼa neʼmaiya kavaʼmo afoʼamoʼmo Gotiʼa lapakameʼya amiteta ataletapa ugayanagi.

Himulu 3:14

Hogoteta lokiya vaita lagesamo afitaeʼmo, lama gemo huʼniyanageno alagi afole aigiye, huta huteta oʼataleta atafauta alagi huta maime maime neʼutaeʼmo atupa afinaʼeʼmo ani kavakeʼmo huta maiʼnisunaʼmoʼmo Kalaisiʼa alita laipafiʼmo ateʼnonageno neʼmaiye.

Himulu 6:20

Yesuʼa lavayagunagu huta agava neʼmauna vekamo laha maesiyafeʼmo hogoteno Gotiʼa neʼmaiya yateʼmo aeno asai maleʼniya kenafatiʼmo uno haino aote nopiʼmo neʼmaiye. Agaemo Melikisetekigana huno maiʼneno hogote vekamo mono huno neʼapateya vekamo hamaleʼniyanageno muki afinaʼmo maige maige huno maigiye.

Himulu 7:26

Inagi Yesuʼa ani hogote vekamo mono huno nelateya vekamo maiʼniyaʼmofeʼmo afaʼa laha maegaiye. Agaemo Gotitegamo alagepa kavaʼmo huge vayaʼaitegamo hosu kavaʼmo osuge hosu kavaʼamo ohanege huʼnigeno ma mopafi vayakana huno oʼmaiʼnifa aote vekamo maiʼniye. Gotiʼa kokuʼnapiʼmo alino asaga huno ateʼnigeno kokuʼnapi neʼmaiya vayaʼmo ago aeno apakaseno maiʼniye.

Himulu 7:28

Vayaʼmogi Mosese keʼaepa gelefeʼmo mono huʼa neʼapataya aliʼyaʼmo alisayafeʼmo uʼa haiʼa metaleʼnaya vayaʼmo lekana paiʼa apateʼnayaʼmonanafa henagaʼamo Gotiʼa keʼaepa gemo agoʼyamo ataleteno Mafaʼneʼamo lekana paino ateʼniye. Aliʼyaʼamo alisiyafeʼmo alino ateʼniyanageno muki afinaʼmo alagepa huno maige maige huno maisiya Mafaʼneʼamo lekana paino ateʼniye.

Himulu 9:11

Ani kavaʼmo haneʼniyaʼmonanafa Kalaisiʼa alagepa kavaʼmo afole aisiya kavatefeʼmo hogote vekamo mono huno neʼapateya vekamoʼmo ago aeno agaseʼniya alagepa seli mono nopiʼmo afole aiʼniye. Vayaʼmogimo ani seli mono noʼmo okige Gotiʼa ma mopamo alo huʼniya afinaʼmo okige huʼniye.

Himulu 9:15

Ani kavaʼmo huʼniyaʼmofeʼmo saufa kotalakemo folagapi vekamo maiʼniye. Agaemo Gotiʼa keya aeno ge huʼniya vayaʼaifeʼmo polomasi gemo hunoʼaeʼmo, lapamiguve, huno huʼniya alagepa yaʼmo hanege hanege huno hanesiya yaʼmo mafaʼneʼapimogi muki afoʼapimogi yaʼmo neʼaliya kava huʼa alisayafeʼmo atafa kotalakemo amagiʼa ataleʼnaya vayaʼai hosu kavaʼapifatiʼmo miya faino hatu maeno apatesiyafeʼmo faliʼniye.

1 Pita 2:9

Huno hu maleʼniyaʼmonanafa ago lekana paino lapateʼniya vayaʼmo maiʼnae. Lapakaemo lapaote nofi vayaʼamo maiʼnae. Mono hutapa neʼapataya kini vayaʼamo maiʼnae. Lapakaemo Goti agaiʼa vayaʼamo maiʼnae. Gotiʼa keya aeno ge huʼnigetapaeʼmo hani huʼniya kavategatiʼmo eta agetetapa lapau aiʼnaya ha le kavaʼalegamo maiʼnae. Agaemo lapakaefeʼmo keya aeno ge huʼniya vekamoʼmo alagepa kavaʼmo huʼniya kavaʼaeʼmo ava gemo aeta hakalo hutapa hapa paisageno ala agiʼamo alisiyafeʼmo lekana paino lapateʼniye.

1 Pita 3:5

Akeyaʼvilaga apaote aʼnemogimo Gotifeʼmo aliʼa amufa amiʼnaya aʼnemogi anauʼapimogi apaiyafiʼmo maiʼneʼapaeʼmo ani agufa konali yaʼapimo vaiʼa aliʼnae.

1 Pita 5:1

Nagaemo lapakaeʼeʼmo magokepi lokaeʼa maiʼneʼa yagaiʼa nelapataya vayatama vayaʼaifeʼmo gemo hapa paigesuve. Nagaeʼeʼmo yagaiʼna neʼapatova vayatama vekamo maiʼnove. Naulagafatiʼmo Kalaisiʼa ageʼnogeno kana yaʼmo aliʼnigeʼna ageteʼnaeʼmo aeʼna hakalo huʼna hapa nepauva vekamo maiʼnovanageʼna Kalaisiʼa ha le konali yaʼamo afole aisigeʼnaeʼmo hetamaʼnimo aliguve. Lapao ke hovanagi,

1 Pita 5:10

Muki yaʼamo fikumo lapa maeno nelapamiya Gotiʼa Yesu Kalaisitetiʼmo alagi hanege hanege huno hanesiya ha le konali yaʼamo alisunafeʼmo lagaefeʼmo keya aeno ge huʼniye. Inagi lapakaemo aise afinaʼmo kana yaʼmo alisagenoʼaeʼmo agaemo alagi alino alagepa huno lapatege alino lokiya vaino lapatege lokiyaʼamo alino lapamige agaiʼaleʼmo faino lapatege hugiye.

1 Yoni 1:3

Lagaemo afiteta ageʼnona kavafeʼmo ava gemo hutaeʼmo lapakaemo lagaeʼeʼmo afalu afalugana huta maisunafeʼmo aeta hakalo huta lapa nepaune. Lagaemo Afotimoʼe mafaʼneʼamo Yesu Kalaisiʼeʼmo afalu afalugana huta neʼmaune.

Yuti 1:1

Nagaemo Yutiʼnamo Yesu Kalaisi aliʼyaʼamo neʼaluva vekamo Yemisi aganaʼamoʼnamo maiʼnove. Afotimo Gotiʼa keya aeno ge huno lapavaleno alino lapaote lapateʼnenoʼaeʼmo Yesu Kalaisipiʼmo afaʼa maisayafeʼmo yagaino nelapateya vayaʼmogitapaeʼmo mani gemo avoʼmo nekaove.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.