Himulu 2:9 - The Keyagana NT and 25 OT books

⁹ Gotiʼa Yesuʼmo ha le konali yaʼaʼe ala agiʼaʼeʼmo amiʼniya vekamo ago ageʼnone. Gotiʼa, fikumo hapa maeʼna apamiguve, huno huteno Yesuʼmo muki vayaʼaitefeʼmo falisiyafeʼmo aise afinaʼmo enisole vayaʼai apaiyafiʼmo alino ateʼniye.

Himulu 2:9 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Aiyeya 11:1

Yesiʼmo mago heʼya aiʼniya yosamo hafuʼyafatiʼmo saufa ausisimo aegaiye.

Aiyeya 7:14

Ala kava neʼmoʼa agaiʼamo afole aisiya kavafeʼmo alagena kavaʼmo alino lapave ligiye. Afiyo, huʼna, mago saufa aʼmafaʼnemo veʼeʼmo lokaeno ohavaeʼniya aʼmafaʼnemoʼmo aipaguʼeʼmo maiteno ve mafaʼnemo alino ategaiye. Ani mafaʼneeʼmo agiʼamo Imanuveliʼae, huʼa hugae. Ani agimo aepaʼamo Gotiʼa lagaeʼeʼmo magokepi lokaeno neʼmaiye.

Matiyu 16:28

Lama ge lapa nepauve, huno, hemenimo mani kanaleʼmo maiʼnaya vayapatiʼmo mago vayaʼamo ofaliʼnisageno Vemo mafaʼnemo ala kini vekaʼapimo emineno yagaino apatesigeʼa agegae, huno hapa paiʼniye.

Matiyu 6:28

Na kava higetapaeʼmo kukena yatapimo alisayafeʼmo lapakesa alaʼamo neʼafiye. Kahaufilaga kahaumoʼmo ause neheya kavafeʼmo lapakesamo afiyo. Kahaumoʼa aliʼyaʼmo oʼalige kukenamo alo osuge nehiyaʼmonanafa afaʼa nelagiye.

Maki 9:1

Huno hapa paitenoʼaeʼmo, Alagi lama gemo lapa nepauve, huno, hemenimo maiʼnaya vayapatiʼmo mago vayaʼamo ofaliʼneʼa Gotiʼa yagaino apateʼniya kavaʼmo himamuʼaletiʼmo alino afole aino atesigeʼa agegae, huno hapa paiʼniye.

Luki 9:27

Lama gemo lapa nepauve, huno, Manile he tiʼa maiʼnaya vayapatiʼmo mago vayaʼmo ofaliʼa afaʼa maiʼneʼapaeʼmo Gotiʼa yagaino apatesiya kavaʼmo afole aisigeʼa agegae, huno hapa paiʼniye.

Yoni 1:29

Egaʼamo Yoniʼa ageyana Yesuʼmo agaetegamo eʼnigeno agetenoʼaeʼmo, Ageyo, huno, ani vekamo Goti aikeli sipisipi vekaʼamae. Muki ma mopafi vayaʼai hosu kavaʼapimo alininuno atalegaiye.

Yoni 10:17

Afaʼa maisuva yaʼnimo alisuvafeʼmo afaʼa maisuva yaʼnimo atalegauvaʼmofeʼmo Afoʼnimoʼmo nagaefeʼmo hau ayamopafiʼmo hauʼniye.

Yoni 12:32

Apakaemo ma mopafiʼmo aliʼa he tiʼa natetesageʼnaeʼmo muki vayaʼamo nagaiʼnilegamo aiʼna apavayu huliʼna egauve, huno hapa paiʼniye.

Yoni 3:16

Gotiʼa ma mopafi vayaʼaifeʼmo lusi kava huno hau ayamopafiʼmo hauʼniyaʼmofeʼmo ani aiya magoke mafaʼneʼamo avaleno apamiʼniye. Ina lagimo mafaʼneʼaeʼmo apakesamo afiʼa fatago nehisafigeʼa alagi ofaliʼa alagepa huʼa maige maige huʼa maisayafeʼmo avaleno apamiʼniye.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 3:13

Haʼao, Gotiʼa Emalehamuʼagi Aisikiʼagi Yekopuʼagi huʼa laginago vayaʼmogi Gotiʼapimo aliʼyaʼamo neʼaliya vekamo Yesu agiʼaleʼmo alino asaga huno ateʼniye. Lapakaemo gamani vayaʼai apayapiʼmo avalelitetapa ateʼnageno Pailatiʼa afaʼa ategauve, huno lapa paiʼniyaʼmonanafa Pailati aulagaleʼmo lapakameʼyamo amiʼnae.

Lomu 5:18

Gotiʼa magoke vekamoʼmo huʼniya hosu kavatetiʼmo muki vayaʼaifeʼmo hunoʼaeʼmo, hosu vayaʼmo maiʼnayanagetapa alagi faligae, huno huʼniya kava huno Gotiʼa magoke vekamoʼmo huʼniya fatago kavatetiʼmo muki vayaʼmo fikumo hapa maeno apamitenoʼaeʼmo, naulagaleʼmo fatago vayaʼmo maiʼnayanagetapa alagepa hutapa maige maige hutapa maigae, huno hapa paiʼniye.

Lomu 5:8

Faliʼa apategayaʼmonanafa hosu kavaʼmo nehuna vayaʼmo maiʼnonagenoʼaeʼmo Kalaisiʼa falino lateʼniya kavatetiʼmo Gotiʼa lagaefeʼmo hau ayamopafiʼmo hauʼniya kavaʼamo ago alino lave neliye.

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

Lomu 8:32

Agaemo mafaʼneʼamo agegeno oʼateʼnifa mukiʼamogitalefeʼmo avalelino uno hosu vayaʼai apayapiʼmo ateʼniye. Agaemo mafaʼneʼamo ago avaleno lamiʼniyaʼmofeʼmo mafaʼneʼaʼe muki yaʼaʼeʼmo fikumo olamisifiye. Haʼao, fikumo lamigiye.

2 Kolitiyani 5:15

Faliʼnayaʼmonanafa afaʼa maiʼnaya vayaʼmo apakaiʼapi hapauʼniya kavaʼmo magoʼe huʼa osuʼa faliteno he tiʼniya vekalefeʼmo muki kavaʼmo hisayafeʼmo ani muki vayaʼaitefeʼmo falino apateʼniye.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Galesiya 4:4

Gotiʼa hu maleʼniya afinaʼmo afole aiʼnigenoʼaeʼmo Mafaʼneʼamo alino ateʼnigeno emineʼniye. Mago ma mopafi a kanomoʼmo alino ateʼnigeno Yu keʼaepa gemo afeʼalumelagamo maiʼniye.

1 Timoti 2:6

Agaemo muki vayaʼmo miya faino hatu maeno apatesiyafeʼmo agaiʼa agufamo Gotina amiʼnigeʼapaeʼmo Gotiʼa lekana pai maleʼniya afinaʼmo geʼamo aeʼa hakalo huʼa hapa paigae.

Himulu 1:9

Kagaemo alagepa kavafekeʼmo kahauʼnigekaeʼmo gemo amagiʼa neʼatalaya kavafeʼmo kaini huʼnanageno Gotikamoʼmo uvelimo lakino kateʼnigekaeʼmo lusi kava huka kamogaga aiteka kafalukamogimo ago aeka apakaseka maiʼnane, huno huʼniye.

Himulu 10:5

Afaʼa alino oʼatalegaiyaʼmofeʼmo Kalaisiʼa ma mopafiʼmo eminenoʼaeʼmo, Afumo amagiʼa nekamiya kavaʼe ofalinimo nekamiya kavaʼefeʼmo alagi okahauʼniyaʼmofeʼmo nagufamo alo huka nateʼnane.

Himulu 11:5

Inokiʼa agesamo afino fatago huʼniya kavatetiʼmo ofalino afaʼa maiʼniye. Gotiʼa kokuʼnapiʼmo ago avalelino uno haiʼniyaʼmofeʼmo kahauya huʼnayana oʼageʼnae. Gotiʼa kokuʼnapiʼmo avalelino ohaiʼniya afinaʼmo hogoteno Inokifeʼmo amuse huno ateʼniyaʼmofeʼmae, huno huʼniye.

Himulu 12:2

Yesufekeʼmo aulu haelita nagu nagu huta vigetao. Agaekeʼmo lagesamo afita fatago nehuna kavaʼmo alino aepa failino uʼniyanageno alino hano huno atesiya vekamo maiʼniye. Agaemo, lusi kava huʼna namogaga aiguve, huno agesamo afitenoʼaeʼmo malipu yosaleʼmo falisiya kavatefeʼmo oʼataleno atafauno alagi huno maiʼneno faliʼniye. Malipu yosaleʼmo falisiya kavafeʼmo lusi kava huno navagage hugiye, huno huteno agesa alaʼamo oʼafiʼnifa, kanalene, huteno falitenoʼaeʼmo uno haino Gotiʼa yagaino neʼapateya siyaʼaleʼmo lamaga haopaleʼmo fai maiʼniye.

Himulu 2:7

Kagaemo aise afinaʼmo enisole vayaʼai apaiyafiʼmo maisiyafeʼmo alika ateʼnane. Ha le konali yaʼaʼe ala agiʼaʼeʼmo amiteka alo huʼnana yateʼmo yagaisiyafeʼmo alika ateʼnane.

Himulu 7:25

Agaemo muki afinaʼmo nunumuʼmo huno apatesiyafeʼmo alagi maige maige huno neʼmaiyaʼmofeʼmo agaiʼaletiʼmo Gotitegamo neʼaya vayaʼai apakufamo alagi alino katino apateteno apakaetefeʼmo aliʼyaʼamo afaʼa alino hano huno hugiye.

Himulu 8:3

Gotiʼmo fiku neʼamiya yaʼmo amige afumo heʼa ofalinimo amige hisayafeʼmo muki hogote vayaʼmo mono huʼa apatesaya vayaʼmo lekana paino apateʼniye. Ani kava huno mani vekamoʼmo ofalinimo amisiya yaʼmo haneʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Yoni 2:2

Agaiʼamo Gotiʼa aipamoʼmo falu huno latesiyafeʼmo maiʼniye. Gotiʼa lagaefekeʼmo aipamoʼmo falu huno latesiyafeʼmo oʼmaiʼnifa muki ma mopafiʼmo maiʼnaya vayaʼefeʼmo Gotiʼa aipamoʼmo falu huno apatesiyafeʼmo maiʼniye.

Leveleseni 19:12

Aulagalaʼmoʼa ata legekana huno nelegeno agenopaleʼmo asole kakolitamo kini vayaʼmogi maleʼa neʼaliya agufa kakolitamo maleno aliʼniye. Agaiʼa agufaleʼmo agiʼamo avoʼmo kae maleʼniya agimo agaiʼageʼmo afiʼniyana muki vayaʼmogi oʼafiʼnae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.