Himulu 2:8 - The Keyagana NT and 25 OT books

⁸ Muki yaʼe vayaʼeʼmo alika aiyafiʼmo ateʼnane, huno huʼniye. Gotiʼa muki yateʼmo yagaisiyafeʼmo alino ateʼniyaʼmofeʼmo magoke yateʼmo noʼyagaiya yaʼmo ohaneʼniyaʼmonanafa muki yaʼamo alino aiyafiʼmo ateʼniye. Ateʼniyaʼmonanafa hemenimo ma mopafi vayaʼmogimo muki yateʼmo yagaiʼnageta oʼapakeʼnonaʼmonanafa

Himulu 2:8 ပူးပေါင်းရင်းမြစ်များ

Samu 2:6

Agaemo hunoʼaeʼmo, ani kavaʼmo nehayaʼmonanafa nagaemo Saiyoni kotega naote aveleʼmo lekana paiʼna ateʼnova kini vekamoʼmo yagaino apatesiyafeʼmo lekana paiʼna ateʼnove, huno hapa paiʼniye.

Samu 8:6

Kagaemo, alo huʼnova yateʼmo yagaika apato, huka ha paiteka muki yaʼe vayaʼeʼmo alika aiyafiʼmo apateʼnane.

Neniyo 7:14

Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Yoni 3:35

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.

1 Kolitiyani 15:27

Goti mukufi gemoʼmo hunoʼaeʼmo, Agaemo muki yateʼe vayaʼaiteʼeʼmo yagaino apatesiyafeʼmo alino aiyafiʼmo apateʼniye, huno huʼniye. Gotiʼa muki yaʼe vayaʼeʼmo alino aiyafiʼmo apateʼniye, huno huʼniyaʼmonanafa Gotiʼa Kalaisi aiyafiʼmo alino apateʼniya vekamoʼmo agaiʼamo Kalaisi aiyafiʼmo noʼmaiye, huta afiʼnone.

Himulu 1:13

Gotiʼa agaefeʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo aliʼna kaiya afeʼalumelagamo apategauve, huno ha paiʼniyaʼmonanafa mago enisole vayaʼaifeʼmo ani agufa gemo huno hapa opaiʼniye.

Himulu 1:2

Hemenimo henaga afinaʼmo Mafaʼneʼaletiʼmo laha paiʼniye. Mafaʼneʼapimogimo afoʼapimogi muki yaʼapimo neʼaliya kava huno Mafaʼneʼamoʼmo muki yaʼamo alisiyafeʼmo ago lekana paino ateʼniye. Gotiʼa agaetetikeʼmo muki yaʼmo alo huʼniye.

Himulu 2:5

Nagaemo henagaʼamo afole aisiya saufa kavafeʼmo ava gemo huʼna avoʼmo nekaova kavateʼmo Gotiʼa enisole vayaʼmogimo yagaisayafeʼmo lekana paino oʼapateʼniye.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.