Himulu 2:17 - The Keyagana NT and 25 OT books

¹⁷ Hogote mono vekamo Gotitefeʼmo mono aliʼyaʼmo aliteno mono huno neʼapateya vekamoʼmo hau huno apateteno aliʼyaʼamo oʼataleno alagepa aliʼyaʼmo alisiyafeʼmo aganaʼamogigana huno alino hamaleno ateʼniye. Hosu kavaʼapimo alino atalesigeno Gotiʼa aipamo leno oʼapatesiyafeʼmo muki kavatefeʼmo magoke aiyaya vekamo hamaleʼniye.

Himulu 2:17 ပူးပေါင်းရင်းမြစ်များ

Aiyeya 11:5

Fatago kavaʼmo mapalugana huno afafaleʼmo aegaiye. Ina kava huno aliʼyaʼamo oʼataleno alagepa huno alime alime visiya kavaʼamoʼmo mapalugana huno aegaiye.

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Lomu 15:17

Mani aliʼyaʼmo neʼaluvaʼmofeʼmo Goti aliʼyaʼamo neʼaluva kavatefeʼmo Kalaisi Yesuʼa naha maeʼniya kavatetiʼmo afaʼa hao ke hegauve.

Lomu 5:10

Goti kameʼamo maiʼnonagenoʼaeʼmo mafaʼneʼamo faliʼniya kavatetiʼmo alino ao yaʼmo hu maleʼniyaʼmofeʼmo ao vayaʼmo maiʼnonagenoʼaeʼmo mafaʼneʼamo he tino afaʼa maiʼniya himamuʼaletiʼmo magoʼe huno lagufamo alino katino lategaiye.

Efasasi 2:16

Kalaisiʼa malipu yosaleʼmo faliʼniya kavatetiʼmo apaini huʼa ateteʼapaeʼmo apaini huʼa neʼapataya kavaʼmo alino hano huno ataleteno lole nofi vayaʼmo alino magoke nofi vayaʼmo hamaleno latetenoʼaeʼmo lagaegi lapakaegi Gotiʼagi huno alino nanu aeno lateʼniye.

Kolosi 1:21

Lapakaemo mago afinaʼmo Gotiʼeʼmo lokaeta oʼmaitapa lapaote maige aote maige hutapaeʼmo hosu kavaʼmo 4 huge hosu lapakesamo afige hutapa maiʼnetapaeʼmo kame vayaʼamo maiʼnayaʼmonanafa hemenimo agaiʼaʼeʼmo alino nanu aeno lapateʼniye.

Himulu 10:21

Siosi vayaʼaiteʼmo yagaino neʼapateya vekamo maiʼneno Ala kava netimo mono huno nelateya vekamo maiʼniyaʼmofeʼmo

Himulu 2:11

Yesuʼa apavaleno apaote apateʼniya vekamoʼe apavaleno apaote apateʼniya vayaʼaʼeʼmo magoke agufa yaʼmo aliʼnayaʼmofeʼmo naganaʼnimogitapae, huno hapa paisiyafeʼmo avagage nosiye.

Himulu 2:14

Mafaʼnemogi apakufaʼe kolaʼeʼmo neʼaliya kava huno falisiyafeʼmo agufaʼe kolaʼaʼeʼmo aliʼniye.

Himulu 2:16

Agaemo ani kavatetiʼmo enisole vayaʼmo hapa noʼmaeyaʼmonanafa Emalehamu aginago vayaʼageʼmo hapa neʼmae.

Himulu 3:1

Gotiʼa lapakaefeʼmo kokuʼnapiʼmo uta haitapa magokepi lokaeta maisayafeʼmo keya aeno ge huʼniya lapaote konagaʼnimogitapae, huʼna, Yesufekeʼmo lapakesamo afifi hutapa maiyo. Lagaemo lagesamo afita fatago hutaeʼmo, Goti apa vekaʼamo maiʼneno hogote mono vekamo mono huno nelateya vekamo maiʼniye, huta aeta hakalo nehune.

Himulu 3:2

Moseseʼa Goti nopiʼmo aliʼyaʼmo aliteno Goti afamo anaga vayaʼaiteʼmo aliʼyaʼamo oʼataleno alagepa huno aliʼniya kava huno Yesuʼa lekana paino ateʼniya Gotitefeʼmo aliʼyaʼamo oʼataleno alagepa huno aliʼniye.

Himulu 3:5

Moseseʼa Goti nopiʼmo Goti afamo anaga vayaʼalefeʼmo aliʼyaʼamo oʼataleno alagepa huno aliʼyaʼmo aliteno afole aisiya vekaeʼmo ava gemo huno hapa paiʼniye.

Himulu 4:14

Yesuʼa Goti Mafaʼneʼamo hogote ala vekatimo mono huno nelateya vekamo maiʼnenoʼaeʼmo uno haino kokuʼnaʼmo aeno agaseno Gotitegamo uno haino maiʼniyaʼmofeʼmo lagesamo afita fatago huteta aeta hakalo huta hapa nepauna geleʼmo atafauta alagi huta maigetao.

Himulu 4:15

Hogote ala vekatimo mono huno nelateya vekatimoʼmo himamutimo ohaneʼniya vayaʼmogitaeʼmo hau huno nelate. Muki alu hosu kava alu hosu kavaʼmo hisunafeʼmo lamalageka nehaya kava huʼa amalageka huʼnayaʼmofeʼmo hau huno nelate. Amalageka huʼnayaʼmonanafa hosu kavaʼmo alagi osuʼniye.

Himulu 5:1

Gotiʼa hogote vayaʼmo mono huʼa neʼapataya vayaʼmo apakaepatiʼmo konagaʼapimo lekana paino apateʼniye. Apakaemo konagaʼapimogitefeʼmo Gotiʼmo amigune, huʼa huʼnaya yaʼmo amige konagaʼapimogi hosu kavaʼapilefeʼmo afumo amagiʼa Gotiʼmo ofalinimo amige huteʼa mono aliʼyaʼmo alisayafeʼmo lekana paino apateʼniye.

Himulu 5:10

Hamaleʼnigeno Gotiʼa hunoʼaeʼmo, Melikisetekiʼa hogote vekamo mono huno neʼapateya vekamo maiʼniya kava huka maiʼnane, huno huʼniye.

Himulu 5:2

Himamuʼapimo ohaneʼniyaʼmofeʼmo afiteʼa oʼageʼnaya vayaʼaitegaʼe alagepa kaʼmo ataleʼa uʼnaya vayaʼaitegaʼeʼmo vase vase kavaʼmo afaʼa hugae.

Himulu 5:5

Ani kavaʼmo huno Kalaisiʼa hogote vekamo mono huno nelateya vekamoʼmo lusi aliʼyaʼmo alisiyafeʼmo agaiʼa agufamo avalelino ohaiʼniye. Haʼao, Gotiʼa agaefeʼmo hunoʼaeʼmo, Mafaʼneʼnimo maiʼnane. Hemenimo aliʼna kateʼnove, huno huteno

Himulu 6:20

Yesuʼa lavayagunagu huta agava neʼmauna vekamo laha maesiyafeʼmo hogoteno Gotiʼa neʼmaiya yateʼmo aeno asai maleʼniya kenafatiʼmo uno haino aote nopiʼmo neʼmaiye. Agaemo Melikisetekigana huno maiʼneno hogote vekamo mono huno neʼapateya vekamo hamaleʼniyanageno muki afinaʼmo maige maige huno maigiye.

Himulu 7:26

Inagi Yesuʼa ani hogote vekamo mono huno nelateya vekamo maiʼniyaʼmofeʼmo afaʼa laha maegaiye. Agaemo Gotitegamo alagepa kavaʼmo huge vayaʼaitegamo hosu kavaʼmo osuge hosu kavaʼamo ohanege huʼnigeno ma mopafi vayakana huno oʼmaiʼnifa aote vekamo maiʼniye. Gotiʼa kokuʼnapiʼmo alino asaga huno ateʼnigeno kokuʼnapi neʼmaiya vayaʼmo ago aeno apakaseno maiʼniye.

Himulu 7:28

Vayaʼmogi Mosese keʼaepa gelefeʼmo mono huʼa neʼapataya aliʼyaʼmo alisayafeʼmo uʼa haiʼa metaleʼnaya vayaʼmo lekana paiʼa apateʼnayaʼmonanafa henagaʼamo Gotiʼa keʼaepa gemo agoʼyamo ataleteno Mafaʼneʼamo lekana paino ateʼniye. Aliʼyaʼamo alisiyafeʼmo alino ateʼniyanageno muki afinaʼmo alagepa huno maige maige huno maisiya Mafaʼneʼamo lekana paino ateʼniye.

Himulu 8:1

Inagi mani avoʼmo nekaona gemo aepaʼamo haneʼniyana agaemo ani agufa hogote vekamo mono huno nelateya vekamo maiʼniye. Agaemo ala kini vekamo yagaino neʼapateya siyaʼaleʼmo lamaga haopaleʼmo kokuʼnapiʼmo fai maiʼniye.

Himulu 8:3

Gotiʼmo fiku neʼamiya yaʼmo amige afumo heʼa ofalinimo amige hisayafeʼmo muki hogote vayaʼmo mono huʼa apatesaya vayaʼmo lekana paino apateʼniye. Ani kava huno mani vekamoʼmo ofalinimo amisiya yaʼmo haneʼniye.

Himulu 9:11

Ani kavaʼmo haneʼniyaʼmonanafa Kalaisiʼa alagepa kavaʼmo afole aisiya kavatefeʼmo hogote vekamo mono huno neʼapateya vekamoʼmo ago aeno agaseʼniya alagepa seli mono nopiʼmo afole aiʼniye. Vayaʼmogimo ani seli mono noʼmo okige Gotiʼa ma mopamo alo huʼniya afinaʼmo okige huʼniye.