Himulu 13:6 - The Keyagana NT and 25 OT books

⁶ Huno huʼniyaʼmofeʼmo koli osuta lokiya gemo hutaeʼmo, Ala kava neʼmoʼa laha neʼmaeya vekamo maiʼniye. Koli osugune. Ma mopafi vayaʼmogi lagaetegamo na agufa kavaʼmo hugae, huta hugune.

Himulu 13:6 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

1 Kini 17:8

Aniʼmo ago leno laneʼnigenoʼaeʼmo Ala kava neʼmoʼa Ilaiyafeʼmo ha painoʼaeʼmo,

Samu 124:8

Ala kava neʼmoʼa kokuʼnaʼmo alo hute mopamo alo hute huʼniya vekamo agaiʼafiʼmo laha neʼmaeya kavaʼmo haneʼniye.

Samu 146:3

Ala apaki vayaʼmogiʼe muki ma mopafi vayaʼmogiʼeʼmo afaʼa lapa oʼmaegae. Alita amufa oʼapamiyo.

Samu 27:9

Kaugosamo alika fala kiliʼneka kaipamo leka nateteka aliʼyakamo neʼaluva vekamo naha faika oʼnatalo. O Gotiyo, huʼna, naha maeʼnananagi kakameʼyamo namiteka nataleka oʼuvo.

Samu 40:17

Inagi nagaemo afa vekamo maiʼneʼna kafu huʼna maiʼnovaʼmonanafa Ala kava neʼmoʼa nagaefeʼmo agesamo neʼafiye. O Gotiyo, huʼna, naha maeka nagufamo alika katika neʼnatana vekaʼnimogae, huʼna, afaʼa oʼmaika malage huka naha mao.

Samu 54:4

Apakaemo namagigefeʼmo apakesamo neʼafiyaʼmonanafa Gotiʼa naha maegaiye. Ala kava neʼmoʼa naha maesigeʼna alagepa huʼna afaʼa maiguve.

Samu 56:4

Nagaemo Gotiʼa hunoʼaeʼmo, lapa maegauve, huno huʼniya Gotifeʼmo ala agimo amiguve. Nagaemo Gotifeʼmo naha maegaiye, huʼna ago huʼnovanageʼna koli osuguve. Vayalafaʼmogimo nagaetegamo na agufa kavaʼmo afaʼa hugae.

Samu 63:7

Naha maeʼnanaʼmofeʼmo kahakufiʼmo maiʼneʼnaeʼmo namogaga aiguve.

Hatu maeno apate'niya gemae 18:4

Henagaʼamo anile alino ateʼniya mafaʼneʼaeʼmo, Afoʼnimo Gotiʼamoʼmo nagaemo naha maeʼnigeno Isipi kini vekamoʼmo namagiʼnigeʼna ofaliʼnove, huno huʼniyaʼmofeʼmo agiʼamo Eliyesaʼae huno ateʼniye.

Matiyu 10:28

Apakaemo amega apakufaʼamo kamitimo apamagigayaʼmonanafa apakupi mafaʼneʼamo alagi oʼapamagisaya vayaʼaifeʼmo koli osiyo. Apakufaʼe apakupi mafaʼneʼeʼmo alino ata kopiʼmo yaga auno apatalesiya vekaekeʼmo koliʼamo hiyo.

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.

Efasasi 3:12

Agaepiʼmo maiʼneta agaefeʼmo lagesamo afita fatago nehuna kavatetiʼmo koli osuge lole lagesamo oʼafige huteta Gotitegamo neʼune.

Himulu 10:19

Konagaʼnimogitapae, huʼna, ani gemo huʼniyaʼmofeʼmo koli osuta Yesu kolaʼaletiʼmo alagi aote mono nopiʼmo uta haigetao.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

1 Samiyo 23:17

Yonataniʼmo ina gemo huno ha painoʼaeʼmo, koli osuvo. Afoʼnimoʼmo kagaemo afaʼa alino hosu huno okategaiye. Afoʼnimoʼmo ago ageʼniyana kagaemo Isaleli vayaʼai kini vekamo maisanageʼnaeʼmo nagaemo napa tu vekamo maiguve, huno ageʼniye, huno ha paiʼniye.