Himulu 13:5 - The Keyagana NT and 25 OT books

⁵ Lapaʼye osino. Aliʼnaya yafekeʼmo hutapaeʼmo, alagi haiʼmo aliʼnone, hutapa lapakesamo afitetapa lapaipamoʼmo falu hino. Na kava higetapaene. Agaiʼamo hunoʼaeʼmo, muki afinaʼmo olapataleʼna lapakaeʼeʼmo magokepi lokaeʼna maige maige huʼna maiʼneʼna lapa maegauve, huno huʼniyaʼmofeʼmae.

Himulu 13:5 ပူးပေါင်းရင်းမြစ်များ

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Aepa Gemae 30:31

Na agufa yaʼmo kamisuve, huno ge huno afi geʼnigenoʼaeʼmo Yekopuʼa hunoʼaeʼmo, kagaemo mago yaʼmo oʼnamigane. Oʼnamiganaʼmonanafa hisuva kavafeʼmo kaha paisugekaeʼmo he kanalene, hisanageʼnaeʼmo halate uʼna sipisipikaleʼmo yagaiguve.

Aepa Gemae 31:5

Nagaemo ageʼnovana afotanimoʼmo nagaefeʼmo hosu augosa kaliʼnigeʼna ageʼnove. Ageʼnovaʼmonanafa afoʼnimo Gotiʼamoʼmo nagaeʼeʼmo magokepi lokaeno maiʼniye.

Samu 10:3

Hosu kavaʼmo nehiya vekamoʼmo hosu kavafeʼmo haʼye nehunoʼaeʼmo, alagepa kavaʼmo nehuve, huno nehiye. Agaemo hapaʼye nehiya vayaʼmo aliʼa auleʼa neʼapateyaʼmonanafa Ala kava nefeʼmo hosu gemo huteno ataleno uʼniye.

Samu 119:36

Fiku yanageno ma mopafi yafeʼmo nahaʼye hugiye. Kavayafatiʼmo huʼnana gekamo akame hisuva naipa nagesamo namiyo.

Samu 37:25

Nagaemo yatala afinaʼmo maime maime eʼna hemenimo ago kosuna leʼnovaʼmonanafa Ala kava neʼmoʼa fatago vayaʼamo apataleno uʼniya kavaʼamo oʼagege mafaʼneʼapimogi neʼyafeʼmo aukaya huʼnaya kavaʼmo oʼagege huʼnove.

Samu 37:28

Ala kava neʼmoʼa alagepa kavafekeʼmo hauʼniyanageno aote vayaʼamo alagi apataleno oʼugiye. Yagaino apatesigeʼa hano osuʼa maige maige huʼa maigayaʼmonanafa hosu vayaʼai mafaʼneʼapimo alino hapa faino apatalegaiye.

Hatu maeno apate'niya gemae 2:21

Yetaloʼa Mosesefeʼmo, lagaeʼeʼmo lokaeka maiyo, huno ha paiʼnigeno Moseseʼa he, ani kavaʼmo huguve, huno huʼnigenoʼaeʼmo Yetaloʼa mago a mafaʼnemo agiʼamo Sipolaʼmo avaleno amiʼnigeno aliʼniye.

Hatu maeno apate'niya gemae 20:17

Lapakaemo mago vayaʼmogi noʼapiyeʼmofi aʼapiyeʼmofi aliʼyaʼapimo neʼaliya vayaʼaifeʼmofi aliʼyaʼapimo neʼaliya aʼneʼaifeʼmofi pulumakaʼapiyeʼmofi nokiʼapiyeʼmofi muki yaʼapiyeʼmofi huno lapaʼye osino, huno hapa paiʼniye.

Mai'naya kavane 23:4

Kagemi yakamo hanesiya vekamo maisanafeʼmo lusi kava huka aliʼyaʼmo oʼaliyo. Ani agufa kagesamo neʼafina kagesamo alika atalo.

Aiyeya 42:16

Nagaemo apaulagamo ali huʼniya vayaʼmogi uʼeʼa nosaya kateʼmo apavaleliʼna egauve. Oʼageʼnaya kateʼmo apavaleliʼna uguve. Nagaemo hani yaʼmo aliʼna ataleteʼna hale yaʼmo apamisugeʼa hale yategamo umenitata hugae. Kayagi kayaga kaʼapimo aliʼna api aiʼna kaʼmo valiguve. Nagaemo hapa maesuvafeʼmo ani kavaʼmo huteʼnaeʼmo apataleʼna oʼuguve.

Matiyu 6:19

Alagepa kagemi yatapimo ma mopafiʼmo ageta alu ai oʼmaleyo, fiku yanageno kafamoʼmo hatagauge oʼaniʼya faige kumaya vayaʼmogi noʼmo aeʼa yakiʼa kumayaʼmo alige hugae.

Matiyu 6:25

Inagi ma mopafi maisaya kavafeʼmo hutapaeʼmo, na agufa neʼyaʼmo negaune, hutapa huge na agufa aniʼmo negaune, hutapa huge na agufa kukena yaʼmo lagufaleʼmo vaigune, hutapa huge huteta lapakesa alaʼamo oʼafiyo. Ofalita afaʼa neʼmaiya kavakeʼmo hogote kavaʼmo haneʼnigeno neʼyaʼmo henaga yaʼmo haneʼniye. Lapakufageʼmo hogote yaʼmo haneʼnigeno kukenamo henaga yaʼmo haneʼniye.

Matiyu 6:34

Lapamigiyaʼmofeʼmo egamo afole aisiya kavafeʼmo lapausoli huteta lapakesa alaʼamo oʼafiyo. Ega afinafeʼmo agaiʼa yafekeʼmo agesamo afigiye. Hemenimo afole neʼaiya hanageke yaʼmo haine.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Luki 3:14

Mago ami vayaʼmogimo huʼapaeʼmo, lagaeʼeʼmo haiya agufa kavaʼmo hisune, huʼa ge huʼa afi geʼnagenoʼaeʼmo, vayaʼmo oʼapamagige kumayaʼmo oʼalige hiyo. Aigofe geletiʼmo agoti hutapa oʼapateyo. Miyatapigeʼmo alitetapa lapaipamoʼmo falu hino, huno hapa paiʼniye.

Luki 8:14

Mago avina yaʼmo aufe nofiʼmo haneʼniya mopafiʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo atale uʼa ma mopafi kavafeʼmo hapausoli huge monieʼmo apakesa alaʼamo afige ma mopafi kavafeʼmo apamogaga aige huʼa maime maime neʼvagenoʼaeʼmo ani kavaʼmoʼa aeno apati kaeʼnigeno alagaʼamo neʼaeyana afu nole.

Lomu 1:29

Muki alu hosu kava alu hosu kavanagi kumai kavanagi alagepa osu kavanagi ma mopafi yafeʼmo hapaʼye nehiya kavanagi apaini huʼa neʼapataya kavanagi huno apaipafiʼmo havaiteʼniye. Apaipa kafa nehapaya kavanagi vayaʼmo kamitimo neʼapamagiya kavanagi kaveta nehaya kavanagi aigofe gemo nehaya kavanagi hosu apaipa nekaliya kavanagi huno apaipafiʼmo havai teʼniye.

1 Kolitiyani 5:11

Hemenimo avoʼmo kaeʼnaeʼmo, Kalisitini konagamo maiʼnone, huʼa nehaya vayaʼmogi kumai kavaʼmo nehafi hapaʼye nehifi aigofe gotiʼapimogitefeʼmo mono nehafi huʼa faipa huʼa neʼapatafi aniʼmo neteʼa negi nagi kavaʼmo nehafi koli yaʼmo aliʼa apamiteʼa kumayaʼmo neʼalifi huʼa neʼmaiya vayaʼeʼmo magokepi lokaetapa oʼmaiyo. Ani agufa vayaʼeʼmo magokepi lokaeta maiʼnetapa neʼyaʼmo oʼneyo.

1 Kolitiyani 6:10

kumayaʼmo neʼaliya vayaʼmofi hapaʼye nehiya vayaʼmofi aniʼmo neteʼa negi nagi gemo nehaya vayaʼmofi huʼa faipa huʼa neʼapataya vayaʼmofi koli yaʼmo aliʼa apamiteʼa kumayaʼmo neʼaliya vayaʼmogimofi huʼa Gotiʼa yagaino neʼapateya koteʼmo uʼa haiʼa oʼmaigae.

2 Kolitiyani 4:9

Apaini huʼa nelatayaʼmonanafa Gotiʼa lataleno noʼviye. Lamagiʼnageta asagauta neʼaunaʼmonanafa nofalune.

Efasasi 5:3

Kumai kavaʼmo osuge muki oʼaniʼya kavaʼmo osuge lapaʼye osuge hutetapa Goti apaote vayaʼamogi hisaya agufa kavakeʼmo hiyo. Fiku kavanagetapa lapakae folagapiʼmo magoke afinaʼmo ani agufa hosu kavaʼmo agimo aegae. Goti apaote vayaʼmogi osisaya agufa kavaʼmo haneʼniye.

Efasasi 5:5

Lapakaemo ago afiʼnayana kumai kavaʼmo nehaya vayaʼmofi oʼaniʼya kavaʼmo nehaya vayaʼmofi hosu hapaʼye nehiya vayaʼmofi huʼa Kalaisiʼe Gotiʼeʼmo yagaiʼana neʼapataʼa kotetiʼmo hetamaʼapimo oʼaligae. Mago vayaʼmogi aigofe gotiʼapimogifeʼmo mono nehaya agufa kavaʼmo huʼa hapaʼye nehiya vayaʼmogi ma mopafi yatefekeʼmo mono nehae.

Kolosi 3:5

Aligayaʼmofeʼmo ma mopafi haneʼniya lapakufafiʼmo alu ya alu yatapiletiʼmo nehaya kavaʼmo amagita falita ataleyo. Kumai kavanagi oʼaniʼya kavanagi hosu lapaipa nekaliya kavanagi hosu kavafeʼmo lapaka neteya kavanagi ma mopafi yafeʼmo lapaʼye nehiya kavanagi hutapa amagitapa falita ataleyo. Ma mopafi yafeʼmo hapaʼye nehisiya vayaʼmogi aigofe gotitefeʼmo mono nehae.

1 Timoti 3:3

Lusi aniʼmo neteno negi nagi osuge kaveta osuge monieʼmo haʼye osuge huteno yagu yaga huno maige ge neʼvaiya kavafeʼmo ohauge ma mopafi yafeʼmo lusi kava huno ohauge hisiya vekamoʼmo maigiye.

Yasuva 1:5

Yasuvao, huno, Ma mopafiʼmo maiʼnekaeʼmo muki vayaʼeʼmo kame hisanana huka aeka apakasegane. Nagaemo Moseseʼeʼmo magokepi lokaeʼna maiʼnova kava huʼna kagaeʼeʼmo magokepi lokaeʼna maiguve. Nagaemo alagi kataleʼna oʼuguve, huno ha paiʼniye.

Yasuva 7:21

Lagaemo kame hutetaeʼmo Yeliko vayaʼmogi yaʼmo aliʼnona afinaʼmo ani kagemi yaʼmo folagapiʼmo mago kanale kukena yaʼmo Mamiloni vayaʼmogi kukena yanagi fo kilo siluva monigi magoke kilo goli yafanagi huʼna ageʼnove. Ageteʼna ani yafeʼmo nahaʼye huʼnigeʼna aliʼnove. Nagaemo aliniʼnuʼna seli noʼnifiʼmo haiʼna muki yaʼamo mopafiʼmo keli vai maleʼnove. Siluvaʼmo ema afepiʼmo haneʼniye.

2 Pita 2:14

Kumai kavaʼmoʼa apaulagafiʼmo havai teʼniyanageʼa hosu kavaʼmo alagi oʼatalegae. Apakaemo lokiya vaiʼa noʼmaiya vayaʼai apayate neʼaliye. Hapaʼye hisiya kavaʼmo alagi ago afiteʼa ageʼnae. Apakaemo lifana huno apateʼniya mafaʼnemo maiʼnae.

2 Pita 2:3

Apakaemo hapaʼye huʼninageʼa aigofe geʼapiletiʼmo lapakaetetiʼmo muki kagemi yatapiʼe monitapiʼeʼmo alisayafeʼmo hugae. Muki afinaʼmo agoti huno apatesiya vekamo fikumo noʼmaifa alo hunoʼageʼmo neʼmaiye. Alino apagoʼya lagauno apatalesiya vekamo muki afinaʼmo au nokale.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

1 Samiyo 10:7

Ani alagena kavaʼmo kagaeteʼmo ago afole aitesigekaeʼmo hisana agufa kavaʼmo huvo. Gotiʼa kagaeʼeʼmo magokepi lokaeno maiʼniyaʼmofeʼmo afaʼa hugane.

1 Samiyo 12:22

Ala kava neʼmoʼa agaiʼamo hauʼnigeno ala agiʼalefeʼmo agaiʼa vayaʼamo alino lapatesiyafeʼmo alino hamaleno lapateʼniyaʼmofeʼmo Ala kava neʼmoʼa vayaʼamo apataleno oʼugiye.