Himulu 13:21 - The Keyagana NT and 25 OT books

²¹ Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

Himulu 13:21 ပူးပေါင်းရင်းမြစ်များ

Samu 138:8

Ala kava nene, huʼna, nagaetegamo afole aiʼniya kavatefeʼmo aliʼyaʼmo aliteka alagi alika alagepa huka ategane. O Ala kava nene, huʼna, muki afinaʼmo kahau huka natege natege huka maigane. Kayatetiʼmo alo huka lateʼnana vayaʼmo lataleka oʼuvo.

Matiyu 12:50

Kokuʼnapi afoʼnimoʼmo hauʼniya kavaʼageʼmo nehaya vayaʼmo naganaʼnimogimo maige nasaʼnimogimo maige itaʼnimogimo maige huʼnae, huno hapa paiʼniye.

Matiyu 21:31

Haiya mafaʼnemoʼmo afoʼamo geʼamo afiʼniye, huno apafi geʼnigeʼapaeʼmo, yege mafaʼneʼamoʼae, huʼa ha paiʼnae. Yesuʼa hunoʼaeʼmo, lama ge lapa nepauve, huno, takesi moni neʼaliya vayaʼe kumai kavaʼmo nehaya aʼnemogiʼeʼmo aeʼa lapaka seʼa uʼa hogoteʼa Gotiʼa yagaino neʼapateya kopiʼmo uʼa nehaiye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Matiyu 7:21

Muki vayaʼmogimo nagaefeʼmo huʼapaeʼmo, ala kava nene, ala kava nene, huʼa nehaya vayaʼmogimo Gotiʼa yagaino neʼapateya koteʼmo afaʼa uʼa ohaigayaʼmonanafa kokuʼnapi afoʼnimoʼmo hauʼniya kavaʼageʼmo nehaya vayaʼageʼmo afaʼa uʼa haigae.

Yoni 17:23

Nagaemo apakaepiʼmo maiʼnogeka nagaepiʼmo maiʼnanaʼmofeʼmo magokeʼageʼmo maisayafeʼmo nunumuʼmo huʼna neʼapatove. Magokeʼageʼmo maiʼnisageʼa ma mopafi vayaʼmogimo apaketeʼapaeʼmo, Gotiʼa alino ateʼnigeno emineʼniye. Gotiʼa Mafaʼneʼaeʼmo hau ayamopafiʼmo hauʼniya kava huno apakaefeʼmo hau ayamopafiʼmo hauʼniye, huʼa hisayafeʼmo nunumuʼmo huʼna neʼapatove.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Lomu 11:36

Gotiʼa muki yaʼmo afoʼamoʼmo maiʼnigeno muki yaʼamo agaetetikeʼmo afole neʼaiye. Muki yaʼamo agaetetiʼmo hemenimo haneʼnigeno yagaino neʼate. Agaiʼalefeʼmo muki vayaʼe yaʼeʼmo afole aiʼnae. Muki vayaʼmogimo muki afinaʼmo agiʼaleʼmo aliʼa asaga huge huge huʼa maiyo. He, lama ge.

Lomu 16:27

Agaemo magoke Gotiʼa agaiʼageʼmo muki yaʼamo ageno aeto huʼniya vekamo agiʼaleʼmo Yesu Kalaisitetiʼmo aliʼa asaga hume hume uʼa aliʼa asaga huʼa hano osuʼa aliʼa asaga hiyo. He, lama ge.

2 Kolitiyani 9:8

Gotiʼa magoʼe huno fikumo lapa maeno lapamisigeno muki afinaʼmo muki yatapimo magoʼe huno havai teʼnisigetapa muki alagepa aliʼyaʼmo afaʼa aligae.

Galesiya 1:5

Goti agiʼaleʼmo muki afinaʼae afinaʼaeʼmo alita asaga huge huge huta maigetao.

Efasasi 2:10

Gotiʼa alagepa kavaʼmo hisunafeʼmo hogoteno, hugae, huno hu maleʼniya kavaʼmo hisunafeʼmo Kalaisi Yesupiʼmo saufa vayaʼmo alo huno lateʼniye.

Efasasi 2:18

Agaemo lagaeʼe lapakaeʼeʼmo kaʼmo valino lateʼniyanageta hemenimo magoke Aunemeʼaletiʼmo muki yaʼmo Afoʼamotegamo afaʼa uta haigune.

Filipai 2:11

Yesu Kalaisiʼa Ala kava neʼmo maiʼniye, huʼa huteʼa afotimo Goti agiʼaleʼmo aliʼa asaga hugae.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Kolosi 3:20

Mafaʼnemogitapae, huʼna, muki kavatefeʼmo itatapi afotapimogi geʼapimo afisagenoʼaeʼmo Ala kava neʼmoʼa lusi kava huno amuse huno lapategaiyaʼmofeʼmo ani kavaʼmo hiyo.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

1 Tesaloniyani 3:13

Ala kava neʼmoʼa ani kavatetiʼmo lapa maeno lokiya vaino lapatenagetapa Ala kava netimo Yesu Kalaisiʼe muki vayaʼamogiʼeʼmo eminesiya afinaʼmo Afotimo Goti aulagaleʼmo hosu kavatapimo ohanesigetapa alagi alagepa hutapa maigae.

1 Tesaloniyani 4:3

Gotiʼa aote kavaʼmo hume hume neʼutapaeʼmo kumai kavafeʼmo maita halove hutapa atesayafeʼmo hauʼniye.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

2 Timoti 3:17

Gotiʼa ani geletiʼmo vayaʼamo alo huno neʼapateyanageʼa uʼa haiʼa hapaiteʼa muki alagepa kavaʼmo afaʼa hugae.

2 Timoti 4:18

Inagi Ala kava neʼmoʼa muki hosu kavapatiʼmo nagufamo alino katino nateteno kokuʼnapiʼmo yagaino neʼapateya koteʼmo navalelino uno haino nategaiye. Muki afinaʼmo ha le konali agiʼamo alagi hanege hanege huno haneno. He, lama gemae.

Himulu 10:36

Lapakaemo Gotiʼa hauʼniya kavaʼmo hutetapa lapamiguve, huno huʼniya yaʼmo alisayafeʼmo atafauta alagi hiyo.

Himulu 12:23

Gotiʼa yege mafaʼneʼamogi apakiʼapimo kokuʼnapiʼmo avoʼmo kae maleʼniya vayaʼmo aliʼa anupa huʼa maiʼneʼa apamogaga neʼaiyategamo etapa maiʼnae. Lapakaemo Gotiʼa muki vayaʼmo alino fako huno neʼapateya vekalegamo eʼnae. Fatago vayaʼmo alino alagepa huno apateʼniya vayaʼai apauneʼapametegamo eʼnae.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

1 Pita 2:5

Lapakaeʼeʼmo afaʼa maisaya yafakana huta maiʼnagenoʼaeʼmo Gotiʼa lapakaetetiʼmo Goti Aunemeʼamo maisiya noʼmo kime kime neʼe. Lapaote vayaʼmo maiʼnetapa lapaipafatiʼmo Gotiʼa amuse huno lapatesiya ofalinimo Yesu Kalaisitetiʼmo Gotiʼa amisayafeʼmo mono hutapa neʼapataya vayaʼmo maiʼnae.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

2 Pita 3:18

Ani kavaʼmo osutapa Ala kava netimo lagufamo alino katino nelateya vekatimo Yesu Kalaisiʼa fikumo lapa maeno lapamiʼniya kavafekeʼmo magoʼe hutapa lapakesamo afita fatago hutetapa Kalaisifeʼmo magoʼe hutapa lapakesamo afitetapa ageta aeto hutetapaeʼmo kosita alopa vayaʼmo maiyo. Ha le konali yaʼamo hemenimo haneʼniyanageno muki afinaʼaeʼmo hanege hanege huno haneno. He, lama ge.

1 Yoni 2:17

Ma mopafi kavaʼe ma mopafi kavafeʼmo hapaʼye nehiya kavaʼeʼmo ago hano hugefeʼmo nehiyanageno alagi hano hugiyaʼmonanafa Goti geʼamo akame nehaya vayaʼmo maige maige huʼa maigae.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.

Yuti 1:25

Ha le konali yaʼamo hanege ala agiʼamo hanege himamuʼamo hanege huʼnisigeno hemenimogi muki afinaʼmogi huno yagaino lapatege lapatege huno yagaino lapateno. He, lama ge.

Leveleseni 4:6

Yagaino neʼapateya vekamo siyamo aulagamo mago ani kotuʼmoʼa aeno ha leʼnigeʼa neʼagaya kalasigana huno haneʼniye. Loleʼe loleʼe vayaʼmogi apaulagaʼe apakamelegaʼeʼmo asole apaulagamo haneʼniya vayaʼmogi yagaino neʼapateya vekamo siyaʼaleʼmo faiʼa ku aiʼa ateʼnae.

Leveleseni 5:13

Afiʼnovana muki kokuʼnapi vayanagi ma mopafi vayanagi ma mopamo afeʼalumelaga vayanagi solovala anipi vayanagi muki haopalegamo maiʼnaya vayanagi huʼa ge huʼnageʼna afiʼnove. Ge huʼapaeʼmo, Yagaino neʼapateya siyateʼmo fai maiʼniya vekaʼe aikeli sipisipi vekaʼefeʼmo hanao ke hege ala anakiʼanileʼmo aliʼa asaga huʼa anatege muki yaʼalefeʼmo lokiya vekalane, huʼa huge hume hume viyo, huʼa huʼnae.

Leveleseni 5:9

Apakaemo saufa yokemo huʼapaeʼmo, Kamagiʼnageka faliteka Gotitefeʼmo kolakaletiʼmo miya faika lateʼnane. Kagaemo muki alu nofi vaya alu nofi vayanagi muki alu apake alu apakemo neʼaiya vayanagi muki alu apakufaʼe alu apakufaʼe vayanagi muki alu kotega alu kotegamo maiʼnaya vayanagi huka miya faika hatu maeka lateʼnanaʼmofeʼmo alino kafage ki maleʼniya pepaletiʼmo kamemo afaʼa alika akautaleka alika ata lesana vekamo maiʼnane.