Himulu 13:20 - The Keyagana NT and 25 OT books

²⁰ Gotiʼmo Ala kava netimo Yesuʼa hogote vekamo sipisipileʼmo yagaino neʼapateya vekamo kolaʼaletiʼmo hanege hanege huno hanesiya kotalakemo hu maleʼniya kolaʼaletiʼmo faliʼniyatetiʼmo ago alino he tino ateʼniye. Nagaemo Gotiʼa alino nanu aeno lateʼniya vekaeʼmo nunumuʼmo huʼnaeʼmo,

Himulu 13:20 ပူးပေါင်းရင်းမြစ်များ

Samu 23:1

Vayaʼmogimo sipisipileʼmo yagaiʼa neʼapataya kava huno Ala kava neʼmoʼa yagaino neʼnateyanageʼna mago yafeʼmo alagi kafu osuguve.

Samu 80:1

Isaleli sipisipi vayaʼmogitaleʼmo yagika nelatana vekamogae, huta, kagaemo sipisipi anagakamo kagae kateʼmo umenitata nehunage kaeʼmo alika api aika nelatana Gotitimogae, huta, Geʼnimo kagetafo huka afiyo. Kagaemo kini siyakaleʼmo anagamo fai maiʼnanageʼa enisole vayaʼmogi kaiyafiʼmo maiʼnae.

Hatu maeno apate'niya gemae 24:8

Inagi Moseseʼa yuvapafi kolaʼmo alino vayaʼmogi apakufaleʼmo aino fuli fuli huno apatetenoʼaeʼmo, Afiyo, huno, mani kolaʼmo Ala kava neʼmoʼa lapakaeʼeʼmo kotalakemo hu maleʼniya gemo alino afole aino atesiya kotalake kavaʼmo haneʼniye, huno hapa paiʼniye.

Aiyeya 40:11

Agaemo sipisipileʼmo yagaiʼa neʼapataya vayaʼmogimo sipisipileʼmo alagepa huʼa yagaiʼa neʼapataya agufa kavaʼmo huno ve aʼneʼaleʼmo alagepa huno yagaino apategaiye. Agaemo yagaino neʼapateya vekamoʼmo sipisipi apanaʼaumo apavaleno haifiʼyafiʼmo apateteno apavalelinuneno hugiye. Agaemo vase vase huno neʼunoʼaeʼmo aikeli sipisipiʼeʼmo maiʼnaya sipisipi anagaʼmo visaya kaʼmo alino apave ligiye.

Aiyeya 55:3

Lapaketafo huta afitetapa nagaetegamo eyo. Afiyo, huʼna, lapakupi mafaʼnemo alagepa huno afaʼa maigiyanagi. Nagaemo hano osuno hanege hanege huno hanesiya kotalakemo lapakaeʼeʼmo hu malegauve. Nagaemo kini vekamo Nevinifeʼmo nahau huʼna kategauve, huʼna huʼnova polomasi gemo afaʼa amagiʼna oʼatalesuva agufa gemo ha paiʼnova kava huʼna lapa paiguve.

Aiyeya 61:8

Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Aiyeya 63:11

Gotiʼa kame huno apateteno akeyaʼvilagamo Moseseʼe vayaʼamogiʼeʼmo geʼapimo huʼapaeʼmo, Haiyaʼalegamo sipisipiʼaleʼmo yagaiʼniya vekaʼe Isaleli vayaʼeʼmo solovala anipatiʼmo apakufamo alino katino apateʼniya Gotiʼmo maiʼniye, huʼa huge, Haiyaʼalegamo Aunemeʼamo alino apakaepiʼmo ateʼniya Gotiʼa maiʼniye, huʼa huge huʼnaya geʼapieʼmo halate agesamo afiʼniye.

Matiyu 26:28

Mani kapufi aniʼmo saufa kotalake kolaʼnimae. Gotiʼa hu maleʼniya kotalakemo mani kava huguve, huno hu maleʼniya gemo afole aisiyafeʼmo aiʼna lakiguve. Nagaemo asole vayaʼai hosu kavaʼapimo aliʼna atalesuvafeʼmo kolaʼnimo aiʼna lakiʼna apategauve.

Maki 14:24

Agaemo hunoʼaeʼmo, mani kapufi aniʼmo kolaʼnimae. Gotiʼa mani kavaʼmo huguve, huno hu maleʼniya saufa kotalakemo afole aisiyafeʼmo muki asole vayaʼaitefeʼmo aiʼna lakiguve.

Luki 22:20

Neʼyaʼmo neteʼapaeʼmo ani kavaʼmo huno kapumo aliʼnenoʼaeʼmo, mani kapufi aniʼmo Gotiʼe lapakaeʼeʼmo magokepi lokaeta maisayafeʼmo saufa kotalakemo hu maleteʼna lapa maesiya kolaʼnimo aiʼna lakiguve.

Yoni 10:11

Nagaemo alagepa vekamo sipisipileʼmo yagaiʼna neʼapatova vekamo maiʼnove. Alagepa huno yagaino neʼapateya vekamoʼa sipisipilefeʼmo agaiʼamo afaʼa maisiya yaʼamo ataleteno faligiye.

Yoni 10:14

Nagaemo alagepa vekamo sipisipileʼmo yagaiʼna neʼapatova vekamo maiʼnove. Afoʼnimoʼmo nageʼnigeʼna afoʼnimoʼmo ageʼnova kava huʼna nagaemo sipisipi anagaʼnimo apakeʼnogeʼa nagaemo nageʼnae. Ani kava huʼna sipisipi anagaʼnilefeʼmo afaʼa maisuva yaʼnimo ataleʼna faliguve.

Apa 13:30

Gotiʼa ago alino he tino ateʼniye.

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

Apa 2:24

Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.

Apa 2:32

Gotiʼa mani vekamo Yesuʼmo ago alino he tino ateʼnigeta ageteta aeta hakalo huta hapa nepauna vayaʼmo maiʼnone.

Apa 3:15

hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

Apa 5:30

Lapakaemo Yesuʼa malipu yosaleʼmo nili aitetapa alita he titapa ateʼnagenoʼaeʼmo laginago vayaʼmogi Gotiʼapimoʼmo faliʼniyatetiʼmo ago alino he tino ateʼniye.

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.

Lomu 10:7

Ina laʼmo Kalaisiʼa faliʼniyatetiʼmo avalelino haisiyafeʼmo ma mopamo afeʼalumelaga uno lamigiye, hutapa osiyo. Ago he tino uno haiʼniyaʼmofeʼmae.

Lomu 15:33

Gotiʼa alagepa huta neʼmauna yaʼmo aepa vekamoʼmo mukiʼamogitapaʼeʼmo magokepi lokaeno maino. He. Lama ge.

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

1 Kolitiyani 14:33

Ani kavatefeʼmo Gotiʼa apano aeteʼa apavamusa gemoʼmo nehiya agufa kavaʼmo aepa vekamo oʼmaiʼnifa alagepa huʼa magokepi lokaeʼa maisaya kavaʼmo aepa vekamo maiʼniye.

1 Kolitiyani 15:15

Magoʼe gemo haneʼniye. Alino he tino oʼateʼniyesinana lagaemo Gotifeʼmo, Kalaisiʼa alino he tino ateʼniye, huta nehuna faigoko gemo Gotifeʼmo aigofe faigoko gemo nehuna vayaʼmo maiʼnonesine. Faliʼnaya vayaʼmo henagaʼamo he otigaesinana Kalaisiʼa alino he tino oʼateʼnigeta lagaemo aigofe vayaʼmo maiʼnonesine.

1 Kolitiyani 6:14

Gotiʼa Ala kava neʼmo alino he tino ateʼniya kava huno himamuʼaletiʼmo lagaeʼeʼmo alino he tino lategaiye.

2 Kolitiyani 13:11

Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.

2 Kolitiyani 4:14

Lagaemo afiʼnonana Ala kava neʼmo Yesuʼa ago alino he tino ateʼniya vekamoʼmo Yesuʼe lagaeʼeʼmo alino he tino latetenoʼaeʼmo lapakaeʼeʼmo lavalelinuno agaeʼeʼmo magokepi lokaeno latesigeta lokaeta maigune, huta afiʼnonaʼmofeʼmo ge nehune.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Filipai 4:9

Nagaemo aliʼna lapaya maleʼnogetapa alita lapaipafiʼmo maleʼnaya gemo akame hiyo. Nava gemo afiteta nehuva kavaʼmo ago nageʼnayanagi nakame higenoʼao Gotiʼa laipamo alino falu nehiya kavaʼmo aepa vekamoʼa lapakaeʼeʼmo magokepi lokaeno maino.

Kolosi 2:12

Ani kavaʼmo haneʼnigeʼa aniʼmo faleʼa nelapatagenoʼaeʼmo Gotiʼa lapakesamo afita fatago nehaya kavatetiʼmo Kalaisiʼeʼmo kanolufiʼmo kino lapateteno Kalaisiʼeʼmo magokepi alino he tino lapateʼniye. Gotiʼa Kalaisiʼmo alino he tino ateʼniya vekamo himamuʼaletiʼmo lapaipafiʼmo aliʼyaʼmo aliʼnigetapa lapakesamo afita fatago huʼnae.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

2 Tesaloniyani 3:16

Ala kava neʼmoʼa apaipamo alino falu huno neʼapateya kavaʼmo aepa vekamoʼmo fikumo lapa maeno lapaminageno muki afinaʼmo muki kavatetiʼmo lapaipamoʼmo falu hino. Ala kava neʼmoʼa mukiʼamogitapaʼeʼmo magokepi lokaeno maino.

Himulu 10:22

lama ge laipamo kaliteta magoke laipa lagesamo alitetaeʼmo lagesamo afita fatago nehutaeʼmo Goti haopaleʼmo uta haigetao. Laipafiʼmo aino fuli fuli huno lateʼnigenoʼaeʼmo yuʼilaga vekatimoʼmo hosu kavatapimo haneʼniye, huno nosiye. Lagufaleʼmo alagepa anitetiʼmo faleno lateʼniyanagi uta haigetao.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 9:20

Agaemo hunoʼaeʼmo, mani kolaʼmoʼa Gotiʼmo akame hiyo, huno hu maleʼniya kotalakemo alino afole aino ateʼniye, huno hapa paiʼniye.

1 Pita 1:21

Lapakaemo agaetetiʼmo Gotifeʼmo lapakesamo afita fatago nehae. Agaemo faliʼniyatetiʼmo ago alino he tino ateteno ha le konali yaʼamo amiʼnigetapaeʼmo Gotifeʼmo lapakesamo afita fatago hutetapa agava maiʼnetapaeʼmo lapavayagunagu nehae.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.

1 Pita 5:4

Hogote vekamo sipisipileʼmo yagaino neʼapateya kava vekamo emineno afole aisigetapaeʼmo ha le konali yatapimo alagi hano osisiya hetamatapimo aligae.