Himulu 13:2 - The Keyagana NT and 25 OT books

² Nata vayaʼmo esagetapaeʼmo lapake okanitapa hapa maeta yagaitapa apateyo. Mago vayaʼmogimo ani agufa kavaʼmo huʼa enisole vayaʼmo hapa maeʼa yagaiʼa apateʼnayana, enisole vayaʼmo hapa maeʼnone, huʼa oʼapakeʼnae.

Himulu 13:2 ပူးပေါင်းရင်းမြစ်များ

Aepa Gemae 18:1

Henagaʼamo Mamale kotega alopa yosamo aepafiʼmo Ala kava neʼmo agaetegamo afole aiʼniyana Emalehamuʼmo lusi kava huno amuko huʼniya afinaʼmogeno seli noʼamo kipateʼmo itopaleʼmo fai maiʼniye.

Aepa Gemae 19:1

Lotiʼa uneʼmo Satomi taonile yafa lafi kegiʼyamo alopa kipateʼmo fai maiʼnigeʼanaeʼmo lole enisole vekalaʼmo Emalehamutegamo eʼnaʼa vekalaʼmo agaetegamo eʼnaʼageno anaketenoʼaeʼmo he tino uno anakaeteʼmo aleʼyaʼmo faino ape huʼniye.

2 Kini 4:8

Mago afinaʼmo Ilaisaʼmo Sunemi taonifiʼmo uʼniye. Ani taonifiʼmo agi haneʼniya a kanomo maiʼnenoʼaeʼmo Ilaisafeʼmo hunoʼaeʼmo, eka noʼnifatiʼmo neʼyaʼmo negapiye, huno ge huno afi geʼniye. Huʼniyaʼmofeʼmo Ilaisaʼmo muki afinaʼmo Sunemi taonifiʼmo unoʼaeʼmo ani a kanomo nopatiʼmo uno neʼyaʼmo neʼniye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Matiyu 25:35

Naga teʼnigetapaeʼmo neʼyaʼmo namige anifeʼmo nahauʼnigetapaeʼmo aniʼmo namige alu kotegatiʼmo eʼnogetapaeʼmo navaleliteta alitapa falu hutapa natege huʼnae.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Apa 16:15

Lagaemo agaeʼe noʼafiʼmo maiʼnaya vayaʼeʼmo aniʼmo faleta apateʼnonagenoʼaeʼmo, Agaemo hunoʼaeʼmo, Nagaefeʼmo hutapaeʼmo, Ala kava nefeʼmo aigofe osuʼniyanageta afaʼa alita amufa amigune, hutapa lapakesamo afiʼnisayaʼmoʼmo mani taonifiʼmo maiʼnetapaeʼmo nagae nopiʼmo etapa maiyo, huno laha paiʼniye.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Lomu 16:23

Gaiyasiʼa Poloʼnaleʼmo alagepa huno yagaino nateʼniya vekaʼe noʼafiʼmo aliʼa anupa huʼa maiʼnaya siosi vayaʼmogiʼeʼmo ge lapamamaeʼnae. Elasatasiʼa taonifi monileʼmo neʼyagaiya vekaʼe Kuvotasiʼa konagatimoʼeʼmo ge lapamamaeʼnaʼae.

1 Timoti 3:2

Ani vayatama vekamo vaiʼmo noʼamisageno afaʼa neʼmaisiya vekamoʼmo magoke aʼmo aliʼnisiya vekamokeʼmo maigiye. Agufaleʼmo alagepa huno yagaino atege aipa agesaleʼmo alagepa huno yagaino atege alagepa kavaʼmo huge nata vayaʼaiteʼmo alagepa huno yagaino apatege afaʼa alino apaya malege nehiya vekamokeʼmo maigiye.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

Taitasi 1:8

Oʼmaigayaʼmonanafa nata vayaʼaiteʼmo alagepa huʼa yagaiʼa apatege alagepa kavafeʼmo hapauge alagepa apaipa apakesaleʼmo yagaiʼa atege fatago kavaʼmo huge apaote kavaʼmo huge hapauʼniya kavateʼmo yagaiʼa atege huʼa maiʼnisaya vayaʼmogigeʼmo maigae.

1 Pita 4:9

Nata vayaʼmo notapileʼmo esagetapaeʼmo ge ohapauge lapaipa kafa ohapaege hutetapa alagepa hutapa neʼyakeʼmo apamiteta yagaitapa apateyo.

3 Yoni 1:5

Nahauʼniya vekaʼnimogae, huʼna, kagaemo konagatimogimo alagepa huka hapa maege nata vayaʼmo alagepa huka hapa maege nehana kavaʼmo alagepa aliʼyaʼmo neʼaline.