Himulu 13:16 - The Keyagana NT and 25 OT books

¹⁶ Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

Himulu 13:16 ပူးပေါင်းရင်းမြစ်များ

Samu 37:3

Ala kava nefekeʼmo alita amufa amitetapa alagepa kavaʼmo higenoʼao lapa maesigetapa ma mopafiʼmo alagepa hutapa maigayanagi.

Samu 51:19

Ani kava hisanageʼapaeʼmo alagepa ofalinimo atafi nekaya ofalinimo kamisageka amuse huka apategane. Ani afinaʼmo ve pulumakamo amagiʼa hiʼyalamuteʼmo atafiʼmo kaeʼa kamigae.

Luki 18:22

Yesuʼa ani gemo afitenoʼaeʼmo, magoke kavaʼatokamo aeka aga seʼnane. Muki kagemi yakamo alika maketi hugeʼa miya faitesageka alisana monimo alika fako huka kagemi yaʼapimo ohaneʼnisaya vayaʼaina apamigenoʼao alagepa yakamo kokuʼnapiʼmo haneno. Ani kavaʼmo hutekaeʼmo eka nakame huvo, huno ha paiʼnigeno

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Lomu 12:13

Kagemi yatapimo alita fako hutapa apaote vayaʼmo kagemi yaʼapimo ohaneʼnisiya vayaʼmo apamiyo. Nata vayaʼmo esagetapaeʼmo alagepa huta yagaitapa apateyo.

Galesiya 6:10

Hapa maesuna kaʼmo haneʼnisiyaʼmoʼmo muki vayaʼaina afaʼa hapa maegaunaʼmonanafa apakesamo afiʼa fatago nehaya afamo anagatimo magoʼe huta hapa maegaune.

Galesiya 6:6

Goti geʼamo neʼafiya vayaʼmogimo aliʼa apaya neʼmalaya tisa vayaʼapimo afalu afalu kavaʼmo huʼa alagepa yaʼapimo aliʼa fako huʼa apamigae.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

Filipai 4:14

Ani gemo nehuvaʼmonanafa kana yaʼmo neʼaluva kavatefeʼmo alagepa kavaʼmo hutapa nagaeʼeʼmo afalu afalugana hutapa naha maeʼnae.

Filipai 4:18

Inagi muki namiʼnaya yaʼmo aliʼnogeno magoʼe yaʼnimo afaʼa haneʼniye. Epafalonaitasiʼa fikumo namiʼnaya yaʼmo alinineno namiʼnigeʼna alagi haiʼmo aliʼnove. Alagepa atumo neʼaiya ofalinimo haneʼnigeno Gotiʼa hauʼnigeno amuse huno nelapate.

1 Tesaloniyani 5:15

Vayaʼmogi hosu kavaʼmo anonaʼapilefeʼmo aeʼa atagaina huʼa osisayafeʼmo alagepa huta yagaitapa apateyo. Lapakaemo muki afinaʼmo konagatapimogitegaʼe muki vayaʼaitegaʼeʼmo lapayamukiki hutapa alagepa kavaʼmo hiyo.

2 Tesaloniyani 3:13

Konagatimogitapae, huta, apakaemo ani hosu kavaʼmo nehayaʼmonanafa lapakaemo alagepa kavaʼmo nehutapaeʼmo alagaʼmo olapaeno.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

Failimoni 1:6

Kagesamo afika fatago nehukaeʼmo muki vayaʼaina hapa maeka apamisanageʼapaeʼmo, Kalaisi Yesupiʼmo maiʼnigenoʼaeʼmo muki alagepa kavaʼamo aipafiʼmo haneʼniye, huʼa kagesayafeʼmo nunumuʼmo huʼna nekatove.

Himulu 6:10

Lapakaemo aliʼyaʼmo alige Gotifeʼmo lapau lapayamopafiʼmo lapauʼnigeta aliʼyaʼamo alige nehutapa apaote vayaʼamo hapa maeʼnayanageta hapa neʼmae. Gotiʼa hosu kavaʼmo huno alino fako huno noʼapateyaʼmofeʼmo alagepa kavatapieʼmo alagi age okanigiye.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.